Horiso 19:8 - Sơ̆p Hlabơar Nơ̆r 'Bok Kei-Dei

⁸ Tơdrong Kră Yang athei jơ̆ tơpăt, Pơm ăn kơ jơhngơ̆m chơt hiôk. Nơ̆r tơtă Kră Yang jơ̆ rơgoh, pơm ăn kơ măt đe hơdah hơdong.

Horiso 19:8 Iomraidhean Croise

Bl 26:5

yua kơ Abraham chu boih nơ̆r Inh păng wei răk dôm nơ̆r Inh bơtho pơkă păng khôi juăt Inh.”

II Pot 17:37

Lu tơdrong juăt nơ̆r tơtă, păng nơ̆r Kră Yang athei mă Sư chih ăn kơ lu iĕm; lu iĕm athei wei răk, pơm kiơ̆ ling-lang khŏm khŏm, 'nĕ kơkuh kơ lu yang nai.

Ne 8:12

Đĭ-đăng kon pơlei năm sŏng sa păng huch nhă păng tơgŭm ăn tơmam sa pơm tơdrong hiôk chơt tih; yua kơ lu sư đei hlôh 'bôh nhen dôm lu nơ̆r đei bơtho boih kơ lu sư.

Ne 9:13

Ih kư̆m jur tơ kơpal kông Sinai, pơma hăm lu sư đơ̆ng kơpal plĕnh, tơjur ăn kơ lu sư dôm tơdrong trŏ, khôi juăt tơpăt 'lơ̆ng, tơdrong tơtă sĭt.

Horiso 105:45

Wă kơ lu sư bơwei tơdrong Kră Yang tơtă Păng pơm kiơ̆ dôm khôi juăt Sư Halêluya!

Horiso 111:7

Tơdrong jang đơ̆ng ti Sư sĭt tơpă păng tơpăt; Lu nơ̆r Sư bơtho pơkă trŏ gơnang tơpă.

Horiso 119:105

Nơ̆r Ih jing ŭnh kơđeng kơ jơ̆ng inh. Nhơk pơchrang ăn kơ trong inh.

Horiso 119:12

Ơ Kră Yang, inh hơri ư-ang kơ Ih; Apinh bơtho inh tơdrong juăt Ih.

Horiso 119:121

Inh pơm boih tơdrong tơpăt păng tơdrong trŏ, 'Nĕ jao inh kơ lu bơngai pơjuă pơđep inh.

Horiso 119:128

Yua kơ thoi noh, inh lăng đĭ-đăng nơ̆r Ih bơtho tơtă trŏ ngăl. Inh areh kơ trong tơdrong hơlĕnh.

Horiso 119:130

Tơdrong bơtho tơblang nơ̆r Ih pơchrang ăn hơdah. Sư ăn tơdrong hlôh wao kơ lu bơngai tơpăt.

Horiso 119:14

Inh hiôk chơt kiơ̆ nơ̆r Ih đei tơtă. Thoi chhôk 'nă kơ mơdrŏng tih.

Horiso 119:143

Tơdrong pơmat-tat păng tơdrong ơh sơ'ngon truh tơ inh. Mă-lei inh oei hiôk kơ nơ̆r Ih tơtă.

Horiso 119:16

Inh lăp dêh kơ tơdrong juăt Ih, ưh kơ hiơt kơ nơ̆r Ih

Horiso 119:171

Ăn kơ 'bơ̆r inh lĕch dôm nơ̆r bơnê kơ Ih. Yua kơ Ih bơtho boih inh dôm tơdrong juăt Ih.

Horiso 119:24

Dôm nơ̆r Ih tơpăt, jơ̆ nơ̆r mă inh lăp đon, Lu nơ̆r noh boih tơ'bôh tơbăt ăn kơ inh.

Horiso 119:40

Âu, inh hơpơi wă dôm lu nơ̆r Ih bơtho tơtă. Apinh ăn kơ inh gơh arih kiơ̆ lăm trong tơdrong tơpăt Ih.

Horiso 119:54

Lu tơdrong juăt Ih jing 'bai hơri inh. Kơplah inh oei lăm hnam tơmoi.

Horiso 119:80

Apinh Ih ăn kơ jơhngơ̆m inh gơh 'lơ̆ng tơpăt lăm Khôi juăt Ih; wă kơ inh huay kơ mơlâu.

Horiso 119:92

Tơdah khôi juăt Ih ưh kơ pơm kơ inh hiôk. Lei inh lôch hiong boih, lăm năr inh pơmat-tat.

Horiso 12:6

Dôm nơ̆r Kră Yang jơ̆ nơ̆r rơgoh, Thoi jên hu rơgoh đe rơ̆ lăm ŭnh rơ̆ tơpơh wơ̆t.

Horiso 13:3

Ơ Kră Yang, Kră Yang 'Bok Kei-Dei inh apinh Ih lăng inh păng tơl nơ̆r inh, Pơih ăn măt inh hơdah, Hli kơ inh tep lăm lôch răm;

Horiso 40:8

Ơ Kră Yang 'Bok Kei-Dei, inh hiôk tơpă pơm kiơ̆ nơ̆r Ih. Khôi juăt Ih oei tơ lăm jơhngơ̆m inh.

Horiso 93:5

Ơ Kră Yang, dôm tơdrong Ih tơtă kơjăp sĭt; Hnam Ih 'lơ̆ng rơgoh tơpă truh tơ ning-mônh hloi.

Le 18:16

Tơdah lu sư đei tơdrong kiơ, lei lu sư năm tơ inh, wă kơ inh tơlang ăn kơ tơdrong lu sư păng bơtho tơblang ăn lu sư băt tơdrong juăt Kră Yang 'Bok Kei-Dei.

Tơdrông Pơđơk 2:6

Yua kơ Kră Yang ăn tơdrong gơh hơgei; Đơ̆ng 'bơ̆r Sư lĕch tơdrong băt hlôh, hlôh wao.

Tơdrông Pơđơk 30:5

Dôm Nơ̆r Kră Yang 'Bok Kei-Dei đe đei rơ̆ pơlong lăng rơgoh sĭt tơpă. Kră Yang 'Bok Kei-Dei jơ̆ khêl pĕng lu bơngai mă Kơ'nơp lăm Sư.

Tơdrông Pơđơk 6:23

Yua kơ nơ̆r tơtă thoi ŭnh kơđeng; Tơdrong bơtho tơ'bôh thoi hơdah, Păng tơdrong chrih wă bơtho pơhrăm noh trong tơdrong arih.

Êsai 64:5

Ih sơng iŏk lu bơngai jơhngơ̆m hiôk pơm tơdrong tơpăt, păng lu bơngai 'blŏk kơ Ih năm kiơ̆ trong Ih. Ih hil bơih yua kơ lu nhôn pơm yoch. Đunh bơih lu nhôn oei lăm yoch noh, na wă gơh klaih liơ?

Je 15:16

Inh kơtơ̆ng boih nơ̆r Ih, inh luăn sa boih; nơ̆r Ih pơma jing tơdrong pơhiôk lăm jơhngơ̆m inh, yua kơ inh gah Ih. Ơ Kră Yang 'Bok Kei-Dei Tih Hloh.

Êsêkiên 36:27

Inh gô ăn Yang Bơhngol Inh oei lăm lu iĕm, wă kơ lu iĕm pơm kiơ̆ khôi juăt inh, lu iĕm gô pơ'lơ̆ng pơm kiơ̆ lu nơ̆r Inh tơtă.

Rom 3:20

Na mă bơngai Juđê mă bơngai nai, dah bơ̆n oei gơnang kơ akâu bơ̆n kơdih wă kiơ̆ dôm tơdrong juăt 'Bok Kei-Dei pơkă sơ̆, 'Bok Kei-Dei ưh kơ jô̆ bơ̆n bơngai 'lơ̆ng tơpăt ôh, yua kơ tơdrong Sư pơkă noh sư pôm tơbăt kơ bơ̆n bơngai yoch hăm 'Bok Kei-Dei đĕch.

Rom 7:22

Jơhngơ̆m klơm klak inh 'maih kiơ̆ tôm tơdrong juăt 'Bok Kei-Dei pơkă ră.

Rom 7:7

Mă-lei iĕm 'nĕ tơchĕng khan inh jô̆ kơ tơdrong juăt 'Bok Kei-Dei pơkă ưh kơ 'lơ̆ng, ưh ôh hŏ. Tơdrong juăt 'Bok Kei-Dei pơkă 'lơ̆ng tơpă. Sư tơbăt ăn kơ bơ̆n đei tơdrong yoch. Tơ̆ng bơ̆n ưh kơ đei tơdrong juăt 'Bok Kei-Dei pơkă, lei bơ̆n ưh kơ băt bơ̆n đei tơdrong yoch ôh. Pơtih gia kơ akâu inh kơdih thoi âu: Sơ̆ inh ưh kơ băt kơ tơdrong juăt 'Bok Kei-Dei khă kuă ăn bơ̆n 'nhĕng mŭk tơmam đe, mưh 'nhĕng jing yoch tơpă; na inh ưh kơ băt kơ tơdrong 'nhĕng noh yoch.

Galati 2:19

Sơ̆ inh kư̆m kiơ̆ mơ̆n tơdrong juăt Môis, mă-lei inh tơchĕng akâu inh kơdih đĕch kiơ̆, mă tơpă lăm to inh ưh kơ 'lơ̆ng hăm 'Bok Kei-Dei ôh. Thoi noh na inh ưh pă gơnang kơ akâu inh kơdih wă kiơ̆ tơdrong juăt Môis, akâu inh dang lĕ kơ lôch, wă kơ inh iung arih gơnang kơ 'Bok Kei-Dei đĕch.

Galati 3:21

Mă 'Bok Kei-Dei pơkă tơdrong juăt Sư đơ̆ng rŏng noh sơ̆, Sư ưh kơ đei wă achăng lê̆ tơdrong Sư pơkă mă hơdrol khan wă tơgŭm bơ̆n ôh. Sơ̆ dah 'Bok Kei-Dei wă pơkă ăn kơ bơ̆n tơdrong juăt plơ̆ng nai, na bơ̆n kiơ̆ tơdrong juăt noh pran kơtang gơh kĕ pơm kiơ̆ tôm tơdrong 'blep trŏ thoi Sư wă, lei 'Bok Kei-Dei kư̆m jô̆ bơ̆n bơngai 'lơ̆ng tơpăt mơ̆n. Mă-lei sơ̆ 'Bok Kei-Dei ưh kơ ăn bơ̆n pơm kiơ̆ thoi noh ôh.

Both 16:11

Hơdai hăm kon drŏ-nglo, kon drŏ-kăn, đĭch drŏ-nglo đĭch drŏ-kăn, lu bơngai Lêwi mă oei hơdai lăm pơlei iĕm, bơngai tơmoi, bơngai mơti păng bơngai adro mă oei hơdai hăm iĕm, kư̆m hơdai wang hiôk chơt tơ anih mă Kră Yang 'Bok Kei-Dei gô rơih wă 'măn kơ Anăn Sư.

Both 16:14

Hơdai hăm kon drŏ-nglo kon drŏ-kăn, đĭch drŏ-nglo đam drŏ-kăn, bơngai Lêwi, bơngai tơmoi, bơngai mơti păng bơngai adro oei hơdai lăm pơlei iĕm, kư̆m hơdai wăng hiôk chơt 'blŏk hơdơ̆r pơm giĕng.