Horiso 18:2 - Sơ̆p Hlabơar Nơ̆r 'Bok Kei-Dei

² Kră Yang thoi tơmo pĕng inh, jing kơđông inh, Kră Yang dŏng pơklaih inh; Kră Yang 'Bok Kei-Dei thoi tơmo pĕng inh, inh gô kơ'nơp tơ lăm Sư; khêl inh, hơke dŏng pơklaih inh păng anih kơjăp inh.

Horiso 18:2 Iomraidhean Croise

II Sam 22:3

Kră Yang 'Bok Kei-Dei jơ̆ kông tơmo anih inh gơnang jơ̆ khêl pĕng inh, hơke dŏng pơklaih inh, hnam Thôt kơjung kơjăp anih inh kơ'nơp; Tơ'ngla dŏng pơklaih! Ih boih dŏng inh đơ̆ng bơngai pơm kơnê̆.

Horiso 116:1

Inh 'mêm bơnê kơ Kră Yang, yua kơ Sư kơtơ̆ng nơ̆r inh. Păng kơtơ̆ng nơ̆r inh krao apinh

Horiso 132:17

Tơ noh inh gô ăn hơke Đawit bluh chăt; Inh đei hơmet lê̆ ŭnh kơđeng kơ bơngai mă inh đei tuh đak rơmă.

Horiso 144:2

Sư Tơ'ngla 'mêm kơ inh păng kơđông kơjăp inh. Kră Yang jơ̆ hơbong sơlŭng kơjăp păng dŏng pơklaih inh. Thoi khêl pĕng inh păng anih inh kơ'nơp. Sư pơm kơ kon pơlei chu yom tơ ala jơ̆ng inh.

Horiso 19:14

Ăn kơ nơ̆r pơma đơ̆ng 'bơ̆r inh, Ơ Kră Yang Ih jơ̆ thoi tơmo pĕng inh, Păng jơ̆ Kră Yang dŏng pơklaih inh, Hăm tơdrong tơchĕng đơ̆ng lăm jơhngơ̆m inh jing 'lơ̆ng pơm kơ Ih lăp đon!

Horiso 28:1

Ơ Kră Yang, inh krao apinh Ih, Ơ tơmo inh 'nĕ kơ chĭt đon Hăm inh. Dah Ih ngăn kơ inh. Inh gô thoi bơngai wă huŏng tơ lăm sơlŭng jrŭ.

Horiso 59:11

Ơ Kră Yang, jơ̆ khêl pĕng dŏng lu nhôn. 'Nĕ kơ pơlôch lu sư, hli kơ kon pơlei pơla hiơt; Yua bĕ tơdrong mơsêh Ih na pơm kơ lu sư tơklah tơklang păng tơhuŏng lu sư.

Horiso 62:2

Lăp minh 'nu Sư đĕch tơmo pĕng inh, Păng dŏng pơklaih inh, Kơđông kơjăp inh. Inh huay pă pơgơ̆.

Horiso 62:7

Tơdrong dŏng pơklaih păng tơdrong ư-ang inh lăm. Kră Yang 'Bok Kei-Dei tơmo kơjăp; Tơmo inh păng anih inh kơ'nơp.

Horiso 75:10

Inh gô ret lê̆ đĭ hơke lu bơngai kơnê̆, mă-lei gah hơke lu bơngai tơpăt gô hơtŏk kơjung.

Horiso 91:2

Inh gô khan gah Kră Yang: “Sư boih anih mă inh kơ'nơp păng kơđông kơjăp mă inh hơđơ̆ng. Sư boih Kră Yang 'Bok Kei-Dei mă inh gơnang.”

Horiso 91:4

Sư gô pĕng bơwei ih hăm sŏk pơnăr sư. Ih gô kơ'nơp tơ ala pơnăr sư. Tơdrong tơpăt Sư jing khêl păng kơđông kơjăp pĕng ih.

Le 15:2

Kră Yang bơih jơhngơ̆m pran kơtang inh păng tơdrong hơri inh: Sư bơih tơ'ngla pơklaih inh. Sư Kră Yang 'Bok Kei-Dei inh, inh wă hơri ư-ang kơ Sư; Sư jơ̆ Kră Yang 'Bok Kei-Dei kơ 'bok yă inh, na inh đĭ jơhngơ̆m gô kơkuh pơyom kơ sư.

Tơdrông Pơđơk 18:10

Anăn Kră Yang jing kơđông kơjăp; Lu bơngai tơpăt băt kơdâu tơ noh đei anih kơ'nơp hơđơ̆ng.

Tơdrông Pơđơk 2:7

Sư 'măn tơdrong gơh hơgei kơ bơngai tơpăt; Sư boih jing khêl pĕng kơ lu bơngai yak năm tơdrong trŏ.

Êsai 32:2

Rim 'nu bơngai nhen thoi anih kơ'nơp kơ kial, thoi anih pĕng kơ hơbŭt, nhen glung đak ro lăm anih hrĕng kro, nhen thoi yơ̆p tơmo tih lăm teh đak kro krĕnh.

Je 16:19

Ơ Kră Yang, Ih boih ăn kơ inh jơhngơ̆m pran kơtang, kơđông kơjăp inh. Anih mă inh kơ'nơp lăm năr pơmat-tat. Lu kon bơngai đơ̆ng tôch kơ teh đak gô năm kơkuh kơ Ih păng khan: “'Bok yă lu nhôn kơkuh kơ yang chă pơm, ưh kơ đei yua kiơ, ưh kơ đei tơgŭm kiơ.

Hêbrơ 2:13

Sư khan dơ̆ng thoi âu: “Inh gơnang kơ Ih tơpă.” Sư kư̆m khan dơ̆ng thoi âu: “Inh oei hơdai hăm lu kon Inh mă đơ̆ng Ih pơjao.”