Horiso 15:4 - Sơ̆p Hlabơar Nơ̆r 'Bok Kei-Dei

⁴ Sư areh kơ bơngai pơm kơnê̆, Mă-lei sư pơyom kơ lu bơngai mă chu yom kơ Kră Yang; Sư pơkă, ưh kơ đei tơplih ôh, mă khan đei tơdrong răm kơ akâu sư ră;

Horiso 15:4 Iomraidhean Croise

II Ho 36:13

Sư kư̆m iung blah pơtao Nebukatnessar, bơngai mă athei sư pơkă yua anăn Kră Yang 'Bok Kei-Dei. Sư jing kơchu arăng kơ̆l, ưh kơ wă wih tơ Kră Yang 'Bok Kei-Dei Isơrael.

Esther 3:2

Đĭ-đăng lu bơngai jang lăm anih pơtao ngôi 'bơ̆t 'măng dur pơtao lu sư wang drap kơkuh, kơkuh kơ Haman yua kơ pơtao pơkă thoi noh, mă-lei Morđêkai ưh kơ kơkuh ôh.

Horiso 101:4

Inh gô weh ataih đơ̆ng lu bơngai đei jơhngơ̆m kơnê̆. Inh ưh kơ wă pơm tơdrong kơnê̆ dơ̆ng.

Horiso 101:6

Măt inh gô hnhoi kiơ̆ lu bơngai tơpăt lăm tơring. Lu sư gô oei hơdai hăm inh; Bu kiơ̆ trong tơpăt, bơngai noh gô bơ̆jang kơ inh.

Horiso 119:63

Inh jing buăl kơ lu bơngai băt hli yom kơ Ih, Păng lu bơngai mă bơwei dôm tơdrong Ih đei bơtho pơkă.

Horiso 16:3

Lu bơngai 'lơ̆ng rơgoh kơpal teh păng lu bơngai đe pơyom. Lăm lu sư inh đei chơt hiôk.

Mathiơ 5:33

“Iĕm kơtơ̆ng boih tơdrong đe bơtho lu khŭl kră sơ̆ thoi âu: ‘Bu pơkă kơ đe mah hiap akâu sư kơ 'Bok Kei-Dei, bơngai noh ưh kơ gơh hơlĕnh, ưh kơ gơh anul ôh, bơngai noh athei pơm 'blep thoi sư pơkă tơpă.’

Jang 24:25

Pôl bơtho tơdrong bơ̆n athei pơm 'lơ̆ng tơpăt, bơ̆n athei kơchăng kơdih hli kơ pơm tơdrong kơnê̆, hăm tơdrong 'Bok Kei-Dei gô sek tơlang kơ bơ̆n ning-mônh. 'Bok Phêlik kơtơ̆ng Pôl bơtho thoi noh, sư hli, na sư khan kơ Pôl: “Dang ei asong ih brŏk tơ anih ih; gô layơ dơ̆ng inh đei jơ rơwơn na inh krao ih wă mơ̆ng ih bơtho dơ̆ng.”

Jang 28:10

Lu sư ăn kơ nhôn tơmam kư̆m lơ mơ̆n. Hơtai nhôn wă yak tŏk tơ thŏng-nan yak đơ̆ng ei dơ̆ng lu sư ăn kơ nhôn đĭ tơmam nhôn kăl wă yak.

I Yo 3:14

Bơ̆n băt bơ̆n jăk đơ̆ng tơdrong lôch boih wă arih ling-lang kơlih kơ bơ̆n 'mêm mơnat kơ 'nhŏng oh bơ̆n. Bơngai bu ưh kơ 'mêm mơnat kơ 'nhŏng oh sư, bơngai 'noh oei kiơ̆ gah tơdrong lôch.

Lu 11:35

Lăp sư 'bôh kon drŏ-kăn sư, sư hek hloi ao păng khan: Ơ, ơ mŏ adruh, ih pơm kơ 'bă hơ'ngon dêh tơpă, kon pơm kơ jơhngơ̆m 'bă rŭng răng! Yua kơ 'bă đei krao khan pơkă pơkăm hăm Kră Yang boih ưh kơ gơh wă tơplih nơ̆r âu boih.