Horiso 149:4 - Sơ̆p Hlabơar Nơ̆r 'Bok Kei-Dei

⁴ Yua kơ Kră Yang hiôk lăp đon kơ kon pơlei pơla Sư; Sư iŏk tơdrong dŏng pơklaih pơhrôp ăn kơ lu bơngai iŏk đon ala.

Horiso 149:4 Iomraidhean Croise

Horiso 117:2

Yua kơ tơdrong Sư 'mêm kơ lu bơ̆n tih dêh. Tơdrong 'lơ̆ng tơpăt Kră Yang oei oei ling-lang, Halêluya!

Horiso 132:16

Inh gô pơhrŭk ăn tơdrong dŏng pơklaih kơ lu 'bok soi pơlei noh păng lu bơngai 'lơ̆ng rơgoh sư gô hơri 'nă hal.

Horiso 147:11

Mă-lei Kră Yang lăp đon kơ bu mă hli yom kơ Sư, păng lu bơngai mă chang hơmĕng kơ tơdrong Sư 'mêm.

Horiso 22:8

“Sư gơnang kơ Kră Yang, wă kơ Kră Yang dŏng pơklaih sư; Tơpă Kră Yang gô pơklaih sư; Yua kơ Kră Yang 'mêm kơ sư.”

Horiso 35:27

Ăn kơ đe bu mă chơt hiôk kơ tơdrong tơpăt inh, gô ôr chơt, hiôk-hian. Ăn kơ lu sư pơư ưh kơ pơdơh, “Kră Yang tih hloh tơpă! Sư hiôk tơpă ăn kơ lu đĭch đam Sư đei tơdrong hiôk-hian.”

Horiso 90:17

Apinh tơdrong mơnat đơ̆ng Kră Yang 'Bok Kei-Dei lu nhôn, oei hơdai lu nhôn; Apinh Ih pơm ăn mă kơjăp dôm tơdrong jang đơ̆ng ti lu nhôn. Tơpă, apinh Ih pơm ăn mă kơjăp tơdrong jang đơ̆ng ti lu nhôn pơm.

Tơdrông Pơđơk 11:20

Kră Yang areh kơ bơngai đei jơhngơ̆m kư̆ kă. Mă-lei bơngai bu đei jơhngơ̆m tơpăt noh pơm kơ Sư lăp đon.

Hơri Hiôk 1:11

Nhôn gô pơguăng kơ ih hăm găp maih.

Êsai 61:10

Inh gô hiôk chơt dêh lăm Kră Yang. Jơhngơ̆m inh hiôk 'nă hal lăm Kră Yang 'Bok Kei-Dei inh yua kơ sư pơhrŭk ăn kơ inh ao dŏng pơklaih; tơsu ăn kơ inh ao tai 'lơ̆ng tơpăt nhen thoi lĕ tơdăm iŏk akăn yơ̆l môk wăn kơ̆l sư nhen thoi adruh iŏk klo pơguăng akâu sư hăm tơmam kăp jên.

Je 32:41

Na jơhngơ̆m Inh hiôk ăn kơ lu sư pŭn hiôk, hăm đĭ tơdrong tơpăt lăm jơhngơ̆m Inh wă pơtăm lu sư lăm teh đak âu.”

Jêphania 3:17

Kră Yang 'Bok Kei-Dei ih oei tŏk-bŏk ih; Sư boih mơsêh gô dŏng pơklaih ih. Sư gô chơt hiôk đĭ-đăng yua kơ đơ̆ng ih. Yua kơ tơdrong 'mêm mơnat Sư, Sư gô ĕnh; păng yua kơ đơ̆ng ih, Kră Yang gô hơri chơt hiôk.”

Hêbrơ 12:10

Mĕ 'bă, sư bơtho pơjĭ bơ̆n gô mơ̆ng kơ sư wă, kơplah bơ̆n oei 'lơ̆p. Na 'Bok Kei-Dei bơtho pơjĭ bơ̆n Sư wă tơgŭm bơ̆n tơpă, wă kơ bơ̆n pơm 'lơ̆ng thoi Sư.

I Pet 3:4

Bơ̆n wă kơ đe băt kơ bơ̆n bơngai 'lơ̆ng, bơ̆n athei ming jơhngơ̆m đon bơ̆n đĕch. Tơ̆ng jơhngơ̆m đon bơ̆n dim gơh găt hăm đe, noh kư̆m dang bơ̆n pơguăng akâu bơ̆n hăm tơmam mơ̆n. Tơmam thoi noh huay kơ hach răm, pơguăng akâu thoi noh 'Bok Kei-Dei lăp đon.

I Pet 5:5

Lu đe adruh tơdăm oei hơmuh hơmŏng, iĕm kư̆m lei-lăi athei chu yom kơ lu đe kră; păng đĭ-đăng kơ iĕm hăm lu đe kră athei iŏk jơhngơ̆m đon dim wă kơ chu yom dih băl; yua kơ 'Bok Kei-Dei ưh kơ wă ôh kơ lu bơngai pơang akâu, Sư tơgŭm lu bơngai dim, lu bơngai băt kơ chu yom kơ đe.

Tơdrông Tơ'bôh 7:14

Na inh tơl sư thoi âu: “Ơ 'bok, ih băt boih tơdrong 'noh.” Na sư roi kơ inh thoi âu: “Lu bơngai 'noh sơ̆ lu sư đei tơdrong truh đe pơm kơnê̆ kơ lu sư dêh, lu sư adrin lui truh lôch. Lu sư pih ao tơ pham Kon Triu, kok 'lơ̆ng boih.