Horiso 149:3 - Sơ̆p Hlabơar Nơ̆r 'Bok Kei-Dei

³ Ăn kơ lu sư suang kơkuh bơnê bĕ kơ Anăn Sư. Iŏk hơgơ̆r iĕ păng brŏ hơri bơnê bĕ kơ Sư.

Horiso 149:3 Iomraidhean Croise

II Sam 6:14

Wă hơri bơnê kơ Kră Yang, Đawit iŏk hrŭk ao êphot, na suang đĭ jơhngơ̆m chơt hiôk.

II Sam 6:16

Lăp Hom pơgơ̆p Kră Yang mơ̆t tơ pơlei Đawit, na Mikal kon adruh Sôl, lăng tơmang đơ̆ng 'măng-'mŏk, 'bôh Đawit suang chơt hiôk 'bơ̆t anăp Kră Yang, na sư đei jơhngơ̆m ưh kơ iă kơ Đawit.

I Ho 16:42

Hêman hăm Jêđuthun hlôm keng, preh chhar, hăm yua lu tơmam nai wă hơri kơkuh kơ Kră Yang 'Bok Kei-Dei. Lu kon drŏ-nglo Jêduthun tơdrong jang lu sư wei gak 'măng jang.

I Ho 25:6

Đĭ-đăng lu bơngai noh tă kơ bơngai Jang ala kơ 'bă lu sư kơdih wei-lăng gah tơdrong hơri wă hơri lăm hnam Kră Yang, hăm chhar brŏ dung păng tĭng-nĭng bơ̆jang tơ lăm hnam Kră Yang 'Bok Kei-Dei. Asap, Jêđuthun păng Hêman kiơ̆ kơ pơtao athei.

II Ho 20:28

Lu sư brŏk truh mơ̆t lăm pơlei Jêrusalem, năm truh tơ hnam akŭm tơm Kră Yang reh brŏ dung, tĭng-nĭng păng hlôm keng.

II Ho 29:25

Pơtao sư dan 'măn lê̆ lu bơngai Lêwi lăm Hnam Kră Yang chĕp chhar, brŏ dung, tĭng-nĭng kiơ̆ kơ Đawit, Gat 'bok 'bôh adrol, jang kơ pơtao păng Nathan 'bok khan lê̆ adrol, pơkă noh đơ̆ng Kră Yang ăn kơ lu 'bok khan lê̆ adrol tơbăt.

Esơra 3:10

Kơplah lu bơngai man hơnă hnam akŭm Kră Yang, na đei lu 'bok soi dơ̆ng tơ noh hrŭk ao giĕng păng chĕp keng, na lu bơngai Lêwi, kon sâu Asap, đĭ-đăng chĕp chhar, wă ư-ang kơ Kră Yang kiơ̆ thoi khôi juăt Đawit, pơtao Isơrael, đei pơjing.

Horiso 30:11

Ih tơplih boih tơdrong ơh sơ'ngon inh jing tơdrong hiôk chơt Plôh lê̆ ao sơ'ngon inh,f pơhrŭk ăn kơ inh hăm tơdrong hiôk chơt.

Horiso 33:2

Iŏk bĕ tĭng-nĭng bơnê kơ Kră Yang, Yua bĕ brŏ mam mơjĭt dăng tơlei na hơri bơnê kơ Sư,

Horiso 81:2

Pơre bĕ tơ'nguơ̆ hơri păng teh hơgơ̆r iĕ, reh bĕ brŏ dung tơmơ̆t păng tĭng-nĭng.

Horiso 81:3

Hlôm bĕ tơgiĕp kơplah khei tơ'bang kơplah khei pơnil, tơbăt kơ lu năr giĕng tih lu bơ̆n.

Horiso 87:7

Lu bơngai hat hơri păng lu đe suang gô khan thoi âu: “Đĭ-đăng tơm tơdrong arih inh oei lăm Ih.”

Le 15:20

Miriam mŏ Arôn bơngai drŏ-kăn khan lê̆ adrol păng lu drŏ-kăn dai kiơ̆, đơ̆ng rŏng chĕp hơgơ̆r iĕ suang rah.

Je 31:13

Lu adruh hle chơt hiôk suang pơplŏng, lu tơdăm păng lu kră drŏ-nglo kư̆m wang chơt hiôk; Inh gô tơplih tơdrong ơh sơ'ngon lu sư jing tơdrong chơt hiôk, Inh gô pơlung lu sư ăn kơ lu sư tơdrong chơt hiôk tơplih kơ tơdrong ơh sơ'ngon.”

Je 31:4

Inh gô pơdơ̆ng ming iĕm, na lu iĕm gô đei dơ̆ng, ơ bơngai Isơrael 'lơ̆ng rơgoh Lu iĕm gô iŏk hơgơ̆r iĕ tơdŭ suang thoi sơ̆ hơdai hăm lu bơngai chơt hiôk.

Lu 11:34

Wă Jeptha brŏk tơ hnam sư tơ pơlei Mispa na đei kon adruh sư lĕch năm sơng sư, chĕp hơgơ̆r iĕ tap suang hloi. Năm sơng sư kon adruh 'noh kon pơm sư; 'nguaih kơ kon adruh sư noh sư ưh kơ đei kon drŏ-nglo dah kon drŏ-kăn nai dơ̆ng.