Horiso 149:1 - Sơ̆p Hlabơar Nơ̆r 'Bok Kei-Dei

¹ Halêluya! Hơri bĕ kơ Kră Yang minh 'bai hơri 'nao! Hơri bĕ kơ Sư lăm khŭl bơngai 'lơ̆ng rơgoh Sư akŭm.

Horiso 149:1 Iomraidhean Croise

Horiso 111:1

Halêluya! Inh hơri bơnê kơ Kră Yang hăm đĭ jơhngơ̆m. Lăm năr lu bơngai 'lơ̆ng tơpăt akŭm tih.

Horiso 116:18

Inh gô pơkeh ăn đĭ kơ Kră Yang dôm tơdrong đêl nơ̆r inh pơkă, 'Bơ̆t anăp đĭ-đăng kon pơlei Sư.

Horiso 144:9

Ơ Kră Yang 'Bok Kei-Dei, inh gô hơri kơ Ih minh 'bai hơri 'nao. Reh brŏ dung mơjĭt dăng tơlei.

Horiso 148:1

Halêluya! Đơ̆ng jơ̆p-jang kơpal plĕnh hơri ư-ang bĕ kơ Kră Yang! Hơri ư-ang bĕ kơ Sư lăm anih kơpal hloh!

Horiso 22:22

Inh gô ră roi anăn Ih kơ lu 'nhŏng oh inh, Păng bơnê kơ Ih lăm kon pơlei inh.

Horiso 22:25

Tơdrong inh hơri bơnê tơ anih akŭm tih lĕch đơ̆ng Ih, Inh gô pơm keh dôm nơ̆r đêl inh pơkă 'bơ̆t anăp lu bơngai hli yom kơ Kră Yang.

Horiso 33:3

Hơri bĕ Kơ Sư minh 'bai hơri 'nao, reh brŏ tơlei mă hiôk păng hơri nơ̆r re chơt hiôk.

Horiso 35:18

Inh gô bơnê ư-ang kơ Ih lăm năr akŭm tih, Ư-ang kơ Ih 'bơ̆t tŏk-bŏk kon pơlei pơla lơ.

Horiso 68:26

“Ô lu kon sâu Isơrael kơkuh bơnê bĕ lăm năr iĕm akŭm tih. Hơri bơnê kơ Kră Yang 'Bok Kei-Dei sư boih Kră Yang.”

Horiso 89:5

Ơ Kră Yang, jơ̆p kơ plĕnh, gô kơkuh bơnê kơ tơdrong hlĭch chrơp Ih. Tơdrong tơpăt Ih đe kư̆m gô kơkuh bơnê. Tơ lăm khŭl 'lơ̆ng rơgoh.

Horiso 96:1

Hơri bĕ kơ Kră Yang; minh tơdrong hơri 'nao Ơ đĭ-đăng kon bơngai jơ̆p-jang kơ teh đak hơri bĕ kơ Kră Yang.

Horiso 98:1

Hơri bĕ kơ Kră Yang minh 'bai hơri 'nao; Yua kơ Sư pơm boih tơdrong hlĭch chrơp. Ti 'ma păng kơkŏng ti 'lơ̆ng rơgoh Sư, ăn jei Sư boih.

Êsai 42:10

Hơri bơnê bĕ kơ Kră Yang 'bai hơri 'nao. Hơri bơnê bĕ kơ Sư đơ̆ng anih tôch kơ teh đak. Ơ Lu bơngai năm tơ đak dơsĭ, hăm lu sem brem arih lăm noh, ơ lu bŏl đak dơsĭ păng đĭ-đăng lu bơngai oei lăm noh.

Hêbrơ 2:12

Tơdrong noh kư̆m thoi Sư khan kơ 'Bă Sư sơ̆ thoi âu: “Inh gô pơư pơang anăn Ih kơ lu 'nhŏng oh Inh tơ anăp lu sư mă oei akŭm bôl lơ; păng inh hơri bơnê kơ Ih.”

Tơdrông Tơ'bôh 5:9

Na lu đe ei hơri minh tơdrong 'nao thoi âu: “Pôm Ih đĕch trŏ kơ hek lăng hla bơar đe pơklep noh yua kơ Ih lôch tang kon bơngai, păng pham Ih lĕch sĕch Ih huŏng huai iŏk kon bơngai brŏk tơ 'Bok Kei-Dei đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma.