Horiso 146:9 - Sơ̆p Hlabơar Nơ̆r 'Bok Kei-Dei

⁹ Kră Yang wei-lăng lu bơngai tơmoi. Dŏng tơiung lu mơti păng adro po; Mă-lei Sư pơrăm lê̆ trong lu bơngai pơm kơnê̆.

Horiso 146:9 Iomraidhean Croise

II Sam 15:31

Đe roi ăn kơ Đawit: “Ahithôphel kư̆m minh khŭl iung blah hơdai hăm Apsalôm.” Đawit krao apinh: “Ơ Kră Yang! Apinh Ih pơm ăn lu tơdrong tơchĕng Ahithôphel wă pơm jing kơtul kơwao.”

II Sam 17:23

Ahithôphel 'bôh đe ưh kơ wă kiơ̆ tơdrong sư pơđâu, na hao hloi aseh iĕ sư brŏk tơ hnam pơlei sư kơdih tơ Gilô. Đang kơ sư hơmet dôm tơdrong jang lăm hnam dơnŏ sư keh boih, sư hrek hơlŏng kơdih lôch. Đe 'bŭ sư hơdai tơ lăm bơsat 'bă sư.

Esther 5:14

Akăn sư Sêrêt păng đĭ-đăng lu buăl sư wang khan kơ sư: Athei bĕ đe pơdơ̆ng gơ̆ng atol bơngai kơjung pơđăm-jĭt hơgăt, na pơgê dơning athei pơtao ăn đe rôp hrek atol Morđêkai tơ noh. Đơ̆ng noh hiôk bĕ năm sŏng sa hơdai hăm pơtao. Tơdrong noh pơm ăn kơ Haman lăp, na sư ăn hloi đe pơdơ̆ng 'long gơ̆ng wă hrek atol đe.

Esther 7:10

Thoi noh na đe hrek atol Haman tơ 'long gơ̆ng mă sư đei pơdơ̆ng wă hrek atol Morđêkai. Đơ̆ng noh tơdrong pơtao blĕk ưh pă đei boih.

Esther 9:25

Mă-lei kơplah yă Esther năm 'bơ̆t anăp pơtao wă roi tơdrong noh, na pơtao tơjur nơ̆r chih thoi âu: Tơdrong kơnê̆ Haman chă đon wă pơrăm adrĕch Juđa noh thoi tuh plơ̆ tơ kơ̆l sư kơdih, đơ̆ng noh đe hrek atol sư păng lu kon drŏ-nglo sư tơ kơpal 'long gơ̆ng.

Horiso 10:14

Kră Yang 'bôh boih, tơdrong răm, pơmat-tat hăm tơdrong gleh, Na ti Ih pơm tơwih kơ lu sư. Lu bơngai răm-'băm jao akâu lu sư tơ Kră Yang; Kră Yang jơ̆ Tơ'ngla tơgŭm lu bơngai mơti.

Horiso 145:20

Kră Yang wei-lăng lu bơngai mă 'mêm kơ Sư, Mă-lei gô pơlôch pơrăm lu bơngai pơm kơnê̆.

Horiso 147:6

Kră Yang dŏng tơgŭm lu bơngai pơmat-tat. Teh tơhuŏng lu bơngai pơm kơnê̆ tơ teh.

Horiso 18:26

Hăm lu bơngai 'lơ̆ng rơgoh, Ih boih Tơ'ngla 'lơ̆ng rơgoh; Gah lu bơngai ưh kơ chu, Ih gô phak tơpă.

Horiso 68:5

Kră Yang 'Bok Kei-Dei oei tơ anih rơgoh. Sư jing 'Bă kơ lu mơti, Păng jing Tơ'ngla wei lu drŏ-kăn adro.

Tơdrông Pơđơk 15:25

Kră Yang gô teh tơhuŏng hnam lu bơngai pơang; Mă-lei sư gô bơwei hơdral teh lu drŏ-kăn adro.

Tơdrông Pơđơk 4:19

Gah trong lu bơngai pơm kơnê̆ thoi măng mu; Lu sư ưh kơ băt kiơ pơm kơ lu sư pơ̆k.

Je 49:11

Lê̆ bĕ lu kon mơti iĕm kơ inh; Inh gô wei rong lu sư; Lu drŏ-kăn adro kư̆m gơh lui gơnang kơ inh.’ ”

Hôsia 14:3

Lu bơngai Asiri ưh kơ gơh pơklaih lu nhôn ôh; lu nhôn ưh pă hao aseh tơblah dơ̆ng, ưh pă khan dơ̆ng yang lu nhôn! Mă man hăm ti lu nhôn noh, yua kơ Ih đĕch mơnat kơ lu kon mơti.

Malachi 3:5

“Inh gô năm jê̆ lu iĕm wă kơ sek tơlang păng Inh gô pơm tơ'bôh wă blơ̆ lu bơngai pơm kơnê̆, lu bơngai pơm pơyô kư̆ kă, lu bơngai hơlĕnh pơdăr, lu bơngai pơgâm sa jên lu bơngai jang mưng, pơjuă lu bơngai hơdro-po păng lu bơngai mơti, lu bơngai mă pơrăm lu bơngai tơmoi păng lu bơngai mă kuă kơkuh păng hli yom kơ Inh,” mă Kră Yang Tih Hloh khan thoi noh.

I Kor 3:19

Dôm tơdrong hơgei ala teh âu 'Bok Kei-Dei lăng thoi tơdrong kơtul đĕch, kư̆m thoi sơ̆p hla bơar 'Bok Kei-Dei chih khan: “Lu bơngai 'bơ̆r đon, sư wă pơm hơgei gah tơdrong pơm kơnê̆ ră, mă-lei 'Bok Kei-Dei băt hloi.”

Both 16:11

Hơdai hăm kon drŏ-nglo, kon drŏ-kăn, đĭch drŏ-nglo đĭch drŏ-kăn, lu bơngai Lêwi mă oei hơdai lăm pơlei iĕm, bơngai tơmoi, bơngai mơti păng bơngai adro mă oei hơdai hăm iĕm, kư̆m hơdai wang hiôk chơt tơ anih mă Kră Yang 'Bok Kei-Dei gô rơih wă 'măn kơ Anăn Sư.

Ya 1:27

Bơngai lui bu băt kơ năm ngôi tơ lu kon mơti, lu bơngai adro apo pơmat-tat kơ'bah kơ'bôch păng sư ưh kơ kiơ̆ thoi lu bơngai tơ ala teh ưh kơ lui, bơngai noh boih 'Bă tơm bơ̆n 'Bok Kei-Dei jô̆ sư lui kơjăp hăm pơm tơpăt.