Horiso 146:3 - Sơ̆p Hlabơar Nơ̆r 'Bok Kei-Dei

³ 'Nĕ kơ gơnang kơ lu yŏng, kư̆m 'nĕ kơ gơnang kơ kon bơngai yua kơ lu sư ưh kơ gơh dŏng pơklaih.

Horiso 146:3 Iomraidhean Croise

II Pot 6:27

Pơtao khan: “Dah Kră Yang ưh kơ dŏng ih, lei inh wă dŏng ih hăm kiơ? Yua kơ ưh pă đei kiơ lăm anih preh 'ba, kư̆m ưh pă đei kiơ lăm anih hmĕt đak hơmu bơih.”

II Ho 16:7

Kơplah noh Hanani bơngai khan lê̆ adrol năm tơ Asa pơtao đe Juđa na khan kơ sư: “Yua kơ ih gơnang dêh kơ pơtao Siri, ưh kơ gơnang kơ Kră Yang 'Bok Kei-Dei ih ôh, na lu linh pơtao Siri kơdâu klaih boih đơ̆ng ti ih.

Horiso 108:12

Apinh Ih tơgŭm lu nhôn, blah lu ayăt. Yua kơ tơdrong tơgŭm tơduă kon bơngai ưh kơ yua kiơ.

Horiso 60:11

Apinh Ih dŏng pơklaih nhôn đơ̆ng lu ayăt. Yua kơ tơduă kon bơngai dŏng tơgŭm jing tơdrong kơ đei.

Horiso 62:9

Sĭt tơpă, bơngai đe ưh kơ gĭt thoi kial dui jơhngơ̆m. Bơngai đe gĭt 'biơ̆ kư̆m tơdrong kơ đei. Atŏk tơ kơpal kĭ lu sư phiơl. Đĭ lu sư hơiơch hloh kơ hơyuh kial dui jơhngơ̆m.

Êsai 2:22

'Nĕ gơnang kơ kon bơngai; mă dui jơhngơ̆m hăm trôm muh, lu sư ưh kơ yua kiơ?

Êsai 22:25

Kră Yang Tih Hloh khan: Lăm năr noh, kơđĭnh đêl pơ̆ng 'bơ̆t anih kơjăp gô tơtoh, đe gô lê̆ sư, sư gô huŏng, tơmam trăp hơtol kơpal sư gô koh kơtĕch lê̆. Kră Yang khan thoi noh.

Êsai 31:3

Lu bơngai Êyiptơ jơ̆ kon bơngai hmă đĕch, ưh kơ trŏ kơ Kră Yang 'Bok Kei-Dei ôh, lu aseh sư jơ̆ sĕch akar đĕch, ưh kơ trŏ kơ yang ôh, mưh Kră Yang yơ̆r ti Sư wă pơm, bơngai tơgŭm đe gô kơtơih, bơngai mă đe tơgŭm gô pơ̆k, 'bar 'nu măr sư gô lôch hiong hơdai.

Êsai 37:6

Êsai khan: “Roi bĕ kơ yŏng lu iĕm, Kră Yang đei khan thoi âu: ‘'Nĕ kơ hli ôh kơ dôm nơ̆r mă lu iĕm đei kơtơ̆ng bơih nơ̆r đơ̆ng lu đam pơtao Asiri, pơma blông kơ Inh.