Horiso 142:4 - Sơ̆p Hlabơar Nơ̆r 'Bok Kei-Dei

⁴ Ih lăng gah 'ma kơ inh 'bôh ưh kơ đei bu băt 'blŏk kơ inh; Inh kư̆m pă đei anih ayơ wă ôn kơ'nơp. Ưh kơ đei bu hiơ̆k tơdrong arih inh.

Horiso 142:4 Iomraidhean Croise

Jop 11:20

Mă-lei gah lu bơngai pơm kơnê̆ gô lap rơgah; sư pă đei trong wă kơdâu ôn, păng tơdrong lu sư chang hơmĕng noh lăp gô kơtĕch jơhngơ̆m đĕch.

Horiso 1:6

Yua kơ Kră Yang băt trong lu bơngai tơpăt, Mă-lei trong lu bơngai kơnê̆ gô hiong răm.

Horiso 140:6

Inh pơma hăm Ih, ơ Kră Yang: “Ih boih Kră Yang 'Bok Kei-Dei inh. Ơ Kră Yang! Apinh Ih mơ̆ng nơ̆r inh krao apinh.”

Horiso 141:9

Apinh Ih pơklaih inh đơ̆ng hơđong lu sư mă đăk boih kơ inh păng đơ̆ng kap lu bơngai pơm kơnê̆.

Horiso 143:4

Thoi noh bơhngol inh rơdu tơpă, jơhngơ̆m inh rŭng răng dêh.

Horiso 31:11

Yua kơ lu bơngai ayăt kơ inh, inh jing bơngai đe pơjăm pơjuă. Pơm kơ lu rông 'bôt rai pơjăm păng pơm kơ đe hli krê kơ inh, c Lu đe bu mă 'bôh inh oei tơ rok trong kơdâu weh ngăl.

Horiso 69:20

Inh pơmat-tat dêh, jơhngơ̆m inh pơchah yua kơ tơdrong mơlâu. Inh oei chang bơngai mơnat kơ inh, mă-lei ưh kơ đei bu; Inh chang đei bơngai pơlung, mă-lei ưh đei 'bôh bu.

Horiso 88:18

Ih pơm kơ lu buăl juăt bơngai inh 'mêm weh achăng lê̆ inh. Anih măng mu pơm buăl juăt jê̆ inh anih măng mu.

Horiso 88:8

Ih pơm kơ lu buăl inh weh achăng lê̆ inh. Ih pơm kơ inh jing minh 'nu bơngai lu sư areh. Đe chĭt lê̆ inh, pă gơh lĕch dơ̆ng

Je 18:22

Ăn kơ đe kơtơ̆ng nơ̆r nhơ̆m hmoi đơ̆ng hnam lu sư, Kơplah Ih ăn bơngai năm blah lu sư ưh kơ tam băt. Yua kơ lu sư sir boih sơlŭng wă kơ rôp inh, Pơm boih hơđong kơ jơ̆ng inh.

Je 25:35

Lu bơngai wei triu ưh pă đei trong ayơ gơh klĕnh, Lu tơ'ngla triu kư̆m ưh pă đei trong ayơ gơh klaih.

Je 30:17

Kră Yang khan: “Mă khan đe jô̆ iĕm thoi Siôn, đe pă wă lăng. Ưh pă đei bu hiơ̆k. Mă-lei Inh gô pơklaih rơka iĕm. Inh gô hơmet pơklaih rơka jĭ iĕm.

Jôna 2:8

Lu bơngai chă kơkuh kơ rup yang ưh kơ yua kiơ. Na achăng lê̆ tơdrong Kră Yang 'mêm kơ sư.

Mathiơ 26:56

Mă-lei dôm tơdrong noh 'Bok Kei-Dei ăn wă kơ 'blep kơ tơdrong lu bơngai pơtruh nơ̆r Sư chih roi lê̆ hơdrol tơ sơ̆p hla bơar Sư sơ̆.” Đang Sư pơma thoi noh bru đĭ-đăng lu bơngai pơhrăm păng Sư achăng lê̆ Sư kơdâu jăk tơ nai.

II Tim 4:16

Đe sek tơlang inh minh 'măng boih, inh pơma dŏng akâu inh kơdih ưh kơ đei bu tơdŏng inh. Đĭ-đăng lu sư tŭk inh. Inh kư̆m apinh 'Bok Kei-Dei huay jô̆ yo kơ lu sư mơ̆n.

I Sam 27:1

Đawit tơchĕng lăm đon khan: Tơpă lăm minh năr ayơ kơnh, inh gô lôch kơ tơpang ti Sôl. Ưh kơ đei kiơ 'lơ̆ng hloh kơ inh năm kơdâu ôn lăm dêh Philistin, na Sôl huay pă chă inh lăm teh đak lu bơngai Isơrael dơ̆ng. Thoi noh na, inh gơh klĕch lĕch hlôi đơ̆ng tơpang ti sư.