Horiso 141:4 - Sơ̆p Hlabơar Nơ̆r 'Bok Kei-Dei

⁴ Apinh 'nĕ ăn kơ jơhngơ̆m inh wă kơ tơdrong kơnê̆. Păng pơm tơdrong kơnê̆ hơdai hăm lu bơngai kơnê̆. 'Nĕ ăn kơ inh et sa tơmam 'lơ̆ng đơ̆ng lu sư.

Horiso 141:4 Iomraidhean Croise

Bl 27:14

Thoi noh, Jakôp năm rôp 'bar tŏ kon bơbe, năm ba kơ mĕ sư, hơmet pơm 'nhĕm 'lơ̆ng, kiơ̆ thoi hơlŏng 'bă sư lăp 'maih sa.

I Pot 13:8

Mă-lei bơngai mă Kră Yang 'Bok Kei-Dei yua ei tơl pơtao khan: “Mă ih ăn kơ inh minh puăt dêh char ih, inh kư̆m ưh kơ năm hơdai ih păng inh kư̆m ưh kơ sŏng sa dah nhă đak tơ âu.

I Pot 22:22

Kră Yang jet: ‘Ih pơhlŭ sư thoi yơ?’ Yang 'noh tơl: ‘Inh gô năm pơm yang pơma hơlĕnh lăm 'bơ̆r lu bơngai khan lê̆ adrol mă jang kơ sư.’ Kră Yang khan: “Trŏ bơih, ih gơh năm, pơhlŭ sư lei ih năm bĕ păng pơhlŭ sư thoi nơ̆r ih pơma 'noh.’

I Pot 8:58

Apinh Sư tơgŭm bơ̆n năm jê̆ Sư wă kơ lu bơ̆n năm kiơ̆ trong Sư, wei răk nơ̆r sư tơtă, tơdrong juăt Sư păng nơ̆r Sư bơtho tơtă, mă Sư bơtho kơ lu 'bok bơ̆n sơ̆.

Horiso 119:36

Apinh ăn kơ jơhngơ̆m inh tơchĕng kơ tơdrong juăt Ih. 'Nĕ ăn kơ inh tơchĕng kơ tơdrong lơi kơdih akâu.

Horiso 28:3

'Nĕ kơ lê̆ inh răm hơdai lu bơngai pơm kơnê̆. Păng hăm lu bơngai pơm kư̆ kă. Lu sư pơma hiôk hăm bơngai jê̆ lu sư. Mă-lei lăm jơhngơ̆m hơlĕnh ngăl

Êsai 63:17

Ơ Kră Yang liơ Ih pơm ăn kơ lu nhôn tơklah jrok ataih kơ trong gơlong Ih? Liơ Ih pơm ăn lăm jơhngơ̆m lu nhôn arăng ưh kơ hli kơ Ih? Apinh Ih wih hơlơ̆k bĕ yua kơ lu đĭch đam Ih, păng yua kơ lu adrĕch adrung jing mŭk tơmam Ih.

Jo 25:2

Lu kon drŏ-kăn 'nâu pơtơm kon pơlei Isơrael et sa pơm yang hơdai lu sư; kon pơlei Isơrael et sa păng drap kơkuh kơ yang lu sư.

Mathiơ 6:13

Apinh Ih 'nĕ ăn kơ nhôn lui kơ đe pơhlŭ pơlung. Apinh Ih dŏng pơklaih nhôn đơ̆ng tơdrong kơnê̆, kơlih kơ dêh char Ih, tơdrong mơsêh mơyang Ih, tơdrong 'lơ̆ng rŏ Ih oei tơ Ih ling-lang. A-men.’

I Kor 10:31

Na inh tơl iĕm thoi âu: Mă tôm tơdrong bơ̆n sŏng sa nhă đak, mă tôm tơdrong bơ̆n jang pơm tơdrong kiơ, bơ̆n athei băt pơư pơang anăn 'Bok Kei-Dei lăm tôm tơdrong 'noh.

I Kor 15:33

Iĕm 'nĕ kơ lui kơ lu bơngai wă pơlung iĕm, khan 'Bok Kei-Dei ưh kơ wă tơiung arih bơngai lôch, kơnh đơ̆ng bơngai 'lơ̆ng oei hơdai bơngai kơnê̆ sư jing kơnê̆ lei-lăi.

II Kor 6:17

“Thoi noh yua kơ Inh Kră Yang iĕm na Inh athei iĕm lĕch jăk đơ̆ng lu bơngai ưh kơ lui. Tơklah đơ̆ng lu sư, 'nĕ pă pel 'bơm dôm tơdrong kơnê̆ 'mê̆-'mach lu sư, na Inh gô sơng iŏk iĕm.

Both 2:30

Mă-lei Sihôn, pơtao Hesbôn, ưh kơ ăn kơ lu nhôn yak năm rok teh đak lu sư ôh; yua kơ Kră Yang 'Bok Kei-Dei pơm jơhngơ̆m kơ̆l pơtao arăng, wă jao sư lăm tơpang ti nhôn, kư̆m thoi năr 'nâu.

Both 29:4

Mă-lei truh tơ dang ei Kră Yang ưh tam ăn kơ lăm jơhngơ̆m lu iĕm hlôh băt, măt iĕm 'bôh păng đon iĕm kơtơ̆ng.

Ya 1:13

Tơ̆ng bơ̆n đei tơdrong pơhlŭ, pơm kơ bơ̆n yoch boih, bơ̆n 'nĕ khan 'Bok Kei-Dei pơhlŭ. Yua kơ ưh kơ đei bu gơh pơhlŭ 'Bok Kei-Dei pơm yoch păng 'Bok Kei-Dei ưh kơ đei layơ wă pơhlŭ kon bơngai pơm yoch.

Tơdrông Tơ'bôh 18:4

Đơ̆ng noh inh kơtơ̆ng 'bơ̆r nai sư kư̆m pơma đơ̆ng plĕnh thoi âu: “Ơ lu kon Inh, iĕm jah lĕch jăk tơ nai hli kơ iĕm hơdai yoch thoi sư, kơnh pŭ tơdrong gleh pơmat thoi sư noh.