Horiso 141:1 - Sơ̆p Hlabơar Nơ̆r 'Bok Kei-Dei

¹ Ơ Kră Yang, inh krao apinh Ih jah năm tơ inh. Apinh Ih pơgling đon mơ̆ng nơ̆r inh, mưh inh krao apinh Ih.

Horiso 141:1 Iomraidhean Croise

Jop 7:21

Yua kơ kiơ Ih ưh kơ mơnat ăn tơdrong yoch inh păng huay pă jô̆ tơdrong yoch inh. Ưh pă đunh bơih inh gô 'bĭch lăm 'mui teh; Ih gô chơchă inh, mă-lei pă đei inh bơih.”

Horiso 143:1

Ơ Kră Yang, apinh Ih mơ̆ng nơ̆r inh krao khan, pơgling đon Ih mơ̆ng dôm nơ̆r inh krao apinh Ih mơnat. Lăm tơdrong 'lơ̆ng tơpăt, yua kơ Ih tơpăt sĭt, apinh Ih tơl tơwih nơ̆r inh hơpơi.

Horiso 143:7

Ơ Kră Yang! Apinh Ih jah tĕnh tĕnh tơl tơwih nơ̆r inh. Bơhngol inh rơdu rơmơ̆n dêh. Apinh Ih 'nĕ kơ ôn muh măt Ih kơ inh. Hli kơ inh thoi bơngai jur tơ sơlŭng jrŭ.

Horiso 22:19

Mă-lei Ih ơ Kră Yang! 'Nĕ dơ̆ng ataih đơ̆ng inh, Ơ Kră Yang pran kơtang inh! Tĕnh bĕ tơgŭm dŏng inh.

Horiso 28:2

Apinh ih mơ̆ng inh krao apinh. Mưh inh yơ̆r ti tơ Anih 'Lơ̆ng rơgoh Ih. Mưh inh krao apinh ih dŏng tơgŭm.

Horiso 40:13

Ơ Kră Yang! Apinh Ih pơklaih inh, Ơ Kră Yang, tĕnh tĕnh bĕ tơgŭm inh.

Horiso 70:2

Ăn kơ lu bơngai wă pơrăm tơdrong arih inh, Đĭ-đăng gô kơdơ̆ mơlâu. Ăn kơ lu bơngai 'maih pơmat inh. Kơdŭn tơ rŏng păng mơlâu.

Horiso 70:5

Gah inh tơnat pat, Kră Yang 'Bok Kei-Dei! Mă kuăng bĕ năm tơ inh. Ih boih Tơ'ngla dŏng tơgŭm inh păng pơklaih inh; Ơ Kră Yang 'nĕ kơ pơhiơ̆.

Horiso 71:12

Ơ Kră Yang 'Bok Kei-Dei! Lê̆ kơ hơtaih đơ̆ng inh. Ơ Kră Yang 'Bok Kei-Dei. Tơgŭm pơklaih inh mă kuăng kuăng.