Horiso 139:21 - Sơ̆p Hlabơar Nơ̆r 'Bok Kei-Dei

²¹ Ơ Kră Yang, Inh ưh kơ areh kơ lu bơngai mă areh kơ Ih hă? Ưh kơ areh krưp hă lu bơngai iung blah Ih?

Horiso 139:21 Iomraidhean Croise

II Ho 19:2

Jêhu kon drŏ-nglo Hanani, bơngai 'bôh adrol, lĕch năm sơng pơtao Jêhôsaphat păng khan: “Ih tơgŭm kơ lu bơngai pơm kơnê̆ păng 'mêm kơ lu bơngai areh kơ Kră Yang hă? Yua kơ noh, Kră Yang hil kơ ih.

Horiso 119:136

Đak măt inh lĕch ro nhen thoi đak glung. Yua kơ đe kuă kơ wei răk khôi juăt Ih.

Horiso 119:158

Inh 'bôh lu bơngai hơlĕnh pơdăr, lăng krưp areh dêh kơ lu sư; Yua kơ lu sư ưh kơ wei răk nơ̆r Ih.

Horiso 15:4

Sư areh kơ bơngai pơm kơnê̆, Mă-lei sư pơyom kơ lu bơngai mă chu yom kơ Kră Yang; Sư pơkă, ưh kơ đei tơplih ôh, mă khan đei tơdrong răm kơ akâu sư ră;

Horiso 26:5

Inh areh kơ lu bơngai pơm kơnê̆. Kŭm ưh kơ wă ngôi hăm lu bơngai kư̆ kă.

Horiso 31:6

Inha areh kơ lu bơngai kơkuh kơ rup man, hiong răm, Mă-lei inh gơnang kơ Kră Yang.

Je 13:17

Mă-lei tơdah lu iĕm kuă kơ mơ̆ng, inh gô nhơ̆m lăm to, yua kơ tơdrong lu iĕm pơang. Măt inh gô nhơ̆m ơh ol dêh, đak măt inh gô lĕch ro, yua kơ triu Kră Yang đe gô rôp pơm bơnă.

Markôs 3:5

Na Yêsu hue lăng đĭ-đăng kơ lu sư, Sư hil kơ lu sư. Sư sơ'ngon yua kơ lu sư arăng kơ̆l. Na Sư khan kơ bơngai ti kue: “Chro ti ih bĕ.” Bơngai ti kue ei chro ti sư, na klaih 'lơ̆ng hloi.

Luka 19:41

Yêsu năm wă jê̆ truh tơ Pơlei Jêrusalem. Lăp Sư tơmang 'bôh Pơlei Jêrusalem Sư nhơ̆m hmoi mơnat kơ Pơlei Jêrusalem.

Tơdrông Tơ'bôh 2:2

‘Inh băt mơ̆n tơdrong lui iĕm, Inh băt mơ̆n iĕm jang gleh, Inh băt mơ̆n đe areh kơ iĕm, iĕm oei lui kơjăp. Inh băt mơ̆n iĕm kuă kơ lu bơngai kơnê̆ oei hơdai iĕm. Lu sư hơlĕnh khan sư pơm jơ̆ng 'bang Inh mă-lei iĕm pơlong lăng lu sư boih, na iĕm băt boih kơ sư bơngai hơlĕnh.

Tơdrông Tơ'bôh 2:6

Mă-lei tơdrong âu Inh lăp đon kơ iĕm, Inh 'bôh iĕm ưh kơ lăp đon kơ đe bơtho tơdrong Nikôlat, Inh kư̆m ưh kơ lăp đon mơ̆n.