Horiso 135:21 - Sơ̆p Hlabơar Nơ̆r 'Bok Kei-Dei

²¹ Kơkuh bơnê bĕ kơ Kră Yang đơ̆ng pơlei Siôn. Kră Yang mă oei tơ Jêrusalem! Halêluya.

Horiso 135:21 Iomraidhean Croise

I Ho 23:25

Yua kơ noh Đawit đei khan: Kră Yang 'Bok Kei-Dei Isơrael đei ăn tơdrong hiôk-hian kơ kon pơlei Sư păng Kră Yang oei tơ Jêrusalem ling-lang.

II Ho 6:6

Mă-lei Inh đei rơih boih Jêrusalem, wă kơ Anăn Inh tơ noh păng rơih Đawit wă pơgơ̆r kon pơlei pơla Inh Isơrael.’ ”

Esơra 7:16

Hăm lu hu maih mă lu kon pơlei Isơrael păng lu 'bok soi oei lăm tơring dêh Babilôn, lu sư đei pơyơ̆r kơ hnam akŭm kơkuh kơ Kră Yang 'Bok Kei-Dei lu sư tơ pơlei Jêrusalem.

Horiso 128:5

Hơpơi kơ Kră Yang đơ̆ng Siôn ăn pŭn hiôk kơ ih. Hơpơi lăm đĭ chăl arih ih 'bôh dôm tơdrong pŭn hiôk Jêrusalem.

Horiso 134:3

Apinh Kră Yang, Tơ'ngla pơjing plĕnh teh Đơ̆ng Siôn gô ăn tơdrong pŭn hiôk kơ iĕm.

Horiso 48:1

Kră Yang jơ̆ Yŏng mơng, trŏ kơ kơkuh. Lăm pơlei 'lơ̆ng Kră Yang 'Bok Kei-Dei bơ̆n, tơ kơpal kông Rơgoh Sư.

Horiso 48:2

Kông Siôn 'lơ̆ng rŏ chơngôl kơjung, thoi anih kơjung Saphon noh, kông Siôn pơlei kơ pơtao tih oei, jing tơdrong chơt hiôk kơ đĭ teh đak.

Horiso 48:3

Lăm pơlei tih noh, Kră Yang 'Bok Kei-Dei pơdah boih akâu sư kơdih thoi minh anih kơ'nơp kơjăp.

Horiso 48:9

Ơ Kră Yang 'Bok Kei-Dei, lăm Hnam akŭm kơkuh kơ Ih. Lu nhôn tơtĭnh 'blŏk kơ tơdrong 'mêm mơnat đơ̆ng Ih.

Horiso 76:2

Hnam anih akŭm Sư tơ Salem păng anih oei Sư tơ Siôn

Êsai 12:6

Ơ kon pơlei Siôn ôr hơri mă re bĕ! Yua kơ Kră Yang 'Lơ̆ng Rơgoh Isơrael jơ̆ tih hloh tŏk-bŏk lăm lu iĕm.”

Jo 23:21

Sư ưh kơ đei 'bôh ôh tơdrong yoch kơnê̆ lăm Jakôp, Păng ưh kơ đei tơdrong răm lăm Isơrael, Kră Yang 'Bok Kei-Dei lu sư, oei hơdai lu sư, Lăm adrĕch Isơrael đei nơ̆r pơtao jreo chơt hiôk lăm lu sư.