Horiso 13:1 - Sơ̆p Hlabơar Nơ̆r 'Bok Kei-Dei

¹ Ơ Kră Yang, Ih gô hiơt kơ inh dĭng dang yơ? Wă hiơt hlŏng hloi hă? Dĭng dang yơ Ih ôn muh măt Ih kơ inh?

Horiso 13:1 Iomraidhean Croise

Jop 13:24

Yua kơ kiơ Ih ôn muh măt đơ̆ng inh, Lăng inh thoi bơngai ayăt?

Horiso 10:12

Ơ Kră Yang! Iung bĕ Ih, Ơ Kră Yang 'Bok Kei-Dei, yơ̆r ti Ih bĕ; 'Nĕ hiơt kơ bơngai răm-'băm.

Horiso 35:17

Ơ Kră Yang! Ih wă gô lăng dĭng dang yơ? Apinh Ih pơklaih bơhngol inh đơ̆ng lu sư wă pơrăm. Păng dui iŏk tơdrong arih inh đơ̆ng dăm-brang.

Horiso 44:24

Yua kơ kiơ Ih ôn muh măt. Hiơt đĭ lu tơdrong pơmat-tat păng đe pơjuă lu nhôn.

Horiso 6:3

Ơ Kră Yang! Bơhngol inh hli tơtăm dêh. Bĭ Ih, ơ Kră Yang! Wă gô dang yơ?

Horiso 74:1

Kră Yang 'Bok Kei-Dei, yua kơ kiơ Ih achăng lê̆ nhôn ling-lang? Liơ Ih hil kơ lu triu lăm tơmăn 'nhĕt hơdrih Ih?

Horiso 80:4

Ơ Kră Yang, 'Bok Kei-Dei Tih Hloh. Ih hil mĭl dêh ưh kơ wă mơ̆ng nơ̆r kon pơlei pơla Ih krao khan dĭng dang yơ?

Horiso 85:5

Ih oei wă hil kơ lu nhôn ling-lang aah? Tơdrong blĕk Ih oei khŏm khŏm hă?

Horiso 89:46

Ơ Kră Yang, Ih ôn akâu Ih dĭng truh dang yơ? Wă khŏm khŏm hloi hă? Tơdrong Ih hil mĭl thoi ŭnh sa dĭng dang yơ?

Horiso 90:14

Ơ! Apinh Ih ăn kơ lu nhôn rim pơgê hrăp jơhngơ̆m kơ tơdrong Ih 'mêm. Wă kơ đĭ lăm chăl arih lu nhôn chơt hiôk hơri bơnê.

Êsai 59:2

Mă-lei 'noh đơ̆ng tơdrong kơnê̆ lu iĕm, pơm pơklah iĕm hăm Kră Yang 'Bok Kei-Dei; păng tơdrong yoch lu iĕm na Kră Yang ôn muh măt sư đơ̆ng lu iĕm, dĭng mah Sư ưh pă mơ̆ng lu iĕm.

Nhom 5:20

Liơ Kră Yang hiơt kơ lu nhôn ling-lang boih hă? Liơ Ih achăng lê̆ lu nhôn đunh đang?

Both 31:17

Năr ei kơnh Inh gô hil blĕk; Inh gô achăng lê̆ lu sư, ôn muh măt Inh đơ̆ng lu sư păng lu sư gô jing tơmam sa kơ lu kon pơlei nai. Lu sư gô đei tơdrong răm-'băm pơmat-tat. Lăm năr noh lu sư gô jet: Hăm trŏ bơ̆n đei tơdrong răm pơmat-tat yua kơ Kră Yang 'Bok Kei-Dei bơ̆n ưh kơ oei hơdai bơ̆n dơ̆ng?