Horiso 127:3 - Sơ̆p Hlabơar Nơ̆r 'Bok Kei-Dei

³ To, kon hơ'lơ̆p jơ̆ tơmam đơ̆ng Kră Yang ăn; Hơ'lơ̆p đơ̆ng blu pôih jơ̆ tơmam apah,

Horiso 127:3 Iomraidhean Croise

Bl 1:28

Kră Yang 'Bok Kei-Dei ăn pŭn hiôk kơ kon bơngai păng khan thoi âu: “Athei pơjing chek lar rai lơ, wă kơ 'bĕnh jơ̆p kơ teh; athei pơm ăn kơ teh đak chu yom, athei pơgơ̆r lu ka lăm đak dơsĭ, khŭl sem păr kơpal plĕnh păng đĭ-đăng kon sem brem adrŏ kơpal teh.”

Bl 24:60

Lu sư sơkat pŭn hiôk kơ Rê'bêkad thoi âu: “Oh drŏ-kăn inh, hơpơi kơ oh jing Mĕ kơ rơbâu hơngan 'nu bơngai păng ăn kơ lu adrĕch adrung oh gô jing pran blah iŏk lu pơlei tih đơ̆ng lu ayăt.”

Bl 33:5

Đơ̆ng noh Êsâu hue lăng 'bôh lu drŏ-kăn păng lu hơ'lơ̆p apinh lu đe bu to mă kiơ̆ oh noh? Sư tơl: Lu kon hơ'lơ̆p inh đĭch đam 'nhŏng mă đơ̆ng Kră Yang 'Bok Kei-Dei ăn.a

Bl 4:1

Ađam oei hơdai hăm akăn sư Ewơ, đơ̆ng noh akăn sư anăp na tơpŭ hĭ Kain păng khan: “Đơ̆ng Kră Yang tơgŭm na inh gơh tơpŭ kơ minh 'nu kon.”

Bl 48:4

Thoi âu: 'Nâu inh gô ăn kơ ih pơjing hơ'lơ̆p hrôh lơ, jing minh adrĕch adrung tih. Inh gô ăn kơ kon sâu ih đei dêh char âu wă arih jang sa ling-lang.

II Sam 3:5

păng kon drŏ-nglo mă tơdrâu anăn Itrêam, đơ̆ng yă Egla akăn Đawit. 'Nâu lu kon drŏ-nglo mă Đawit pơjing kơplah sư oei tơ pơlei Hêbrôn.

I Ho 28:5

Lăm lu kon drŏ-nglo inh, tơpă Kră Yang ăn kơ inh đei lơ kon drŏ-nglo Sư rơih iŏk Sôlômôn, kon drŏ-nglo inh, pơm pơtao lăm dêh char pơtao Kră Yang pơgơ̆r wei-lăng Isơrael.

I Ho 8:40

Kon drŏ-nglo Ulam tă kơ bơngai nuih kơtang ngăl, prah hră đam. Lu sư đei kon sâu lơ, đei minh-hrĕng pơđăm-jĭt 'nu. Đĭ-đăng lu sư noh kon sâu Bênjamin ngăl.

Jop 1:2

Sư pơjing tơpơh 'nu kon drŏ-nglo păng pêng 'nu kon drŏ-kăn.

Êsai 13:18

Lu sư gô pơlôch lu adruh tơdăm hăm hră; ưh kơ mơnat ôh kơ lu nge oei lăm klak, măt lu sư kư̆m ưh kơ 'blŏk mơnat kơ lu đe hơ'lơ̆p.

Êsai 8:18

Âu, inh hăm lu kon mă Kră Yang Sư ăn bơih kơ inh noh tơdra wă pơsĭt lăm Isơrael đơ̆ng Kră Yang Tih Hloh. Tơ'ngla oei kơpal kông Siôn.

Both 28:11

Kră Yang iĕm gô ăn kơ iĕm đei mŭk tơmam rơkah rơkai, tơ lăm dêh mă Kră Yang hlôi pơkă boih hăm lu 'bok iĕm wă ăn kơ iĕm ăn kơ lu kon sâu iĕm hrôh lơlang lơlap, sem dơrong chek lar păng hơnik nơnăm đơ̆ng teh pơgar iĕm gô đei thim rai lơ.

Both 28:4

Kră Yang gô ăn pŭn hiôk kơ lu kon sâu iĕm, hơnik anăn lơlang, sem dơrong rơmo triu bơbe chek lar.a

Lu 12:9

Sư đei pêng-jĭt 'nu kon drŏ-nglo păng pêng-jĭt 'nu kon drŏ-kăn; sư chă ăn kơ lu kon drŏ-kăn sư klo oei 'nguaih kơ adrĕch adrung sư păng kư̆m chă ăn kơ pêng-jĭt 'nu kon drŏ-nglo akăn đơ̆ng adrĕch nai. Sư pơm 'bok sek tơlang lăm Isơrael tơpơh sơnăm.

I Sam 1:27

Inh krao apinh yua kơ bơngai hơ'lơ̆p âu; Kră Yang ăn bơih tơdrong inh krao apinh sư.