Horiso 127:2 - Sơ̆p Hlabơar Nơ̆r 'Bok Kei-Dei

² Ưh kơ đei yua ôh kơ lu iĕm iung đơ̆ng hrôih, năm tep măng, Đơ̆ng gleh hrat chă tơmam sa. Kră Yang kư̆m ăn kơ lu bơngai mă Sư 'mêm kơeng đei pơdơh tep.

Horiso 127:2 Iomraidhean Croise

Jop 11:18

Ih gô arih hiôk hơđơ̆ng, yua kơ ih đei tơdrong chang hơmĕng; Ih gô chă đei gơnang, Kră Yang wei-lăng ih păng pơdơh gô tep hiôk hơđơ̆ng.

Horiso 3:5

Inh 'bĭch đơ̆ng noh tep hiôk; Inh hơđơ̆r, yua kơ Kră Yang râu tơiung inh.

Horiso 4:8

Ơ Kră Yang, inh gô 'bĭch păng tep hiôk-hian; Yua kơ lăp minh 'nu Ih đĕch ăn kơ inh oei hiôk rơnŭk.

Horiso 60:5

Wă kơ bơngai bu mă Ih 'mêm gơh klaih hlôi. Apinh Kră Yang yua ti 'ma Ih pơklaih păng tơl tơwih kơ nhôn.

Tơdrông Pơđơk 10:22

Pŭn hiôk đơ̆ng Kră Yang ba ăn mơdrŏng; Sư ưh kơ đei thim tơdrong sơ'ngon ôh.

Bôk Bơthô 1:14

Inh 'bôh boih dôm tơdrong đei jang tơ ala teh âu; đĭ-đăng tơdrong kơ đei ngăl, mơ̆ng kơ kial bơbơ̆t tơ yơ kiơ̆ tơ noh.

Bôk Bơthô 4:8

Thoi minh 'nu bơngai hơdrô̆, ưh kơ đei kon hơ'lơ̆p kư̆m ưh kơ đei 'nhŏng oh; mă-lei nŏng kơ jang adrin gleh hrat ưh pă pơdơh, măt sư lăng tơ mŭk tơmam ưh kơ đei layơ bơ̆l hăl; sư ưh kơ lah tơchĕng khan inh jang gleh hrat, yua kơ bu ơ̆t kơ sŏng sa jơnap hrŭk hơnĭl tơpă jơ̆ tơdrong kơ đei, chăl arih hiơ̆k bơngơ̆t gleh pơmat-tat, tơdrong arih răm-'băm pă kĕ.

Bôk Bơthô 5:12

Lu bơngai jang gleh hrat, mă sŏng sa tŏ sĕt dah lơ tep hiôk kơmăng; mă-lei lu bơngai mơdrŏng, đei sa rơkah rơkai, mă-lei tep ưh kơ hiôk.

Bôk Bơthô 6:7

Kon bơngai nŏng kơ adrin jang gleh hrat noh yua kơ wă 'me hơlŏng klak ao hrŭk, mă-lei jơhngơ̆m 'maih wă ưh kơ đei layơ hrăp.

Je 31:26

Kơplah noh inh hơđơ̆r lăng inh tep hiôk-hian.

Êsêkiên 34:25

Inh gô pơjing tơdrong pơgơ̆p hiôk-hian hăm lu sư. Inh pơpuh lu sem bri đơ̆ng teh weh tơ nai; lei wă kơ lu sư oei sa hiôk-hian tơ anih bri rơwơ̆ng.