Horiso 118:15 - Sơ̆p Hlabơar Nơ̆r 'Bok Kei-Dei

¹⁵ Đei lăm kơđông lu bơngai 'lơ̆ng tơpăt, đei nơ̆r hơri chơt hiôk kĕ jei jơnei tih; “Ti 'ma Kră Yang pơm kĕ jei jơnei tih.

Horiso 118:15 Iomraidhean Croise

Horiso 111:2

Dôm tơdrong jang Kră Yang tih tơpă; Đĭ-đăng bơngai lăp kơ tơdrong jang noh; tă tơchĕng wă kơ băt.

Horiso 119:111

Nơ̆r Ih bơtho khan jing mŭk tơmam inh ling-lang. Yua kơ noh jơhngơ̆m inh chơt hiôk,

Horiso 119:54

Lu tơdrong juăt Ih jing 'bai hơri inh. Kơplah inh oei lăm hnam tơmoi.

Horiso 32:11

Ơ lu bơngai tơpăt, chơt hiôk bĕ Păng 'nă hal bĕ lăm Kră Yang! Ơ lu bơngai đei jơhngơ̆m tơpăt, ôr jreo chơt bĕ!

Horiso 44:3

Ưh kơ trŏ đơ̆ng yua khêl đao sư mă đei dêh char, kư̆m ưh kơ đei đơ̆ng tơpang ti kơdih mă đei jơnei.a Mă-lei đơ̆ng ti 'ma Ih, kơkŏng Ih păng tơdrong hơdah đơ̆ng muh măt Ih. Yua kơ Ih 'mêm kơ lu sư.

Horiso 45:4

Hăm tơdrong tơpăt, tơdrong dim iơ̆m păng tơdrong 'lơ̆ng tơpăt, Iŏk bĕ tơdrong tih rŏ Ih năm tŏk kĕ jei, Ti 'ma Ih tơ'bôh dôm tơdrong krưp.

Horiso 5:12

Ơ Kră Yang, yua kơ Ih gô ăn tơdrong pŭn hiôk kơ lu bơngai tơpăt, Iŏk đon 'mêm mơnat pĕng lu sư thoi khêl.

Horiso 60:12

Đơ̆ng Kră Yang 'Bok Kei-Dei lu bơ̆n gơh kĕ jei; Yua kơ sư gô juă bơhlơ̆r lu ayăt kơ nhôn.

Horiso 68:3

Lu bơngai tơpăt gô 'nă hal, chơt hiôk 'bơ̆t anăp Kră Yang 'Bok Kei-Dei; Tơpă lu sư gô đei jơhngơ̆m chơt hiôk.

Horiso 89:13

Ih đei kơkŏng ti mơsêh mơyang Tơpang ti Ih pran kơtang Ti 'ma Ih yơ̆r kơjung.

Horiso 98:1

Hơri bĕ kơ Kră Yang minh 'bai hơri 'nao; Yua kơ Sư pơm boih tơdrong hlĭch chrơp. Ti 'ma păng kơkŏng ti 'lơ̆ng rơgoh Sư, ăn jei Sư boih.

Le 15:6

Ơ Kră Yang! Ti gah 'ma Ih pran kơtang mơsêh mơyang. Ơ Kră Yang! Ti gah 'ma Ih pơrăm boih lu linh ayăt.

Êsai 65:13

Na Kră Yang khan thoi âu: “'Nâu, lu đĭch đam Inh gô đei sa, Mă-lei lu iĕm gô pơngot; 'Nâu đĭch đam Inh gô nhă, mă-lei lu iĕm oei rơhing kơ đak; 'Nâu đĭch đam Inh gô đei tơdrong hiôk chơt, mă-lei lu iĕm gô mơlâu ơh sơ'ngon,

Luka 1:51

Sư yua tơdrong mơsêh mơyang Sư wă blah pơpuh tŭk lê̆ lu bơngai mă pơang akâu kơdih hăm pơm kơnê̆ kơ đe.

Jang 16:34

Sư atŏk bre Pôl păng Silas tơ hnam sư, ăn tơmam sŏng sa kơ bre sư. Jơhngơ̆m sư păng hnam dơnŏ sư chơt hiôk yua kơ lui kơ 'Bok Kei-Dei boih.

Both 12:12

Tơ noh lu iĕm, kon drŏ-nglo, kon drŏ-kăn, đĭch drŏ-nglo păng đĭch drŏ-kăn lu iĕm lu bơngai Lêwi mă oei lăm pơlei hơdai lu iĕm, lu bơngai mă ưh kơ đei iŏk tơmam dah teh jang sa kơdih gô chơt hiôk 'bơ̆t anăp Kră Yang 'Bok Kei-Dei iĕm.

Tơdrông Tơ'bôh 18:20

Đơ̆ng noh inh kơtơ̆ng 'bơ̆r nai dơ̆ng khan thoi âu: “Ơ lu đe mă oei tơ plĕnh, ơ lu kon 'Bok Kei-Dei, lu jơ̆ng 'bang Yêsu, lu bơngai pơtruh nơ̆r 'Bok Kei-Dei, hiôk bĕ lu iĕm yua kơ 'Bok Kei-Dei phak pơrăm boih pơlei noh mă pơm kơnê̆ kơ iĕm.”