Horiso 118:13 - Sơ̆p Hlabơar Nơ̆r 'Bok Kei-Dei

¹³ Đei bơngai tơlơ̆ inh kơtang wă kơ inh pơ̆k; Mă-lei Kră Yang tơgŭm inh,

Horiso 118:13 Iomraidhean Croise

Horiso 129:2

“Đơ̆ng kơplah inh oei 'lơ̆p lu sư ngăl pơjuă pơđep inh. Mă-lei ưh kơ jei lu sư ôh.

Horiso 140:4

Ơ Kră Yang, apinh Ih wei inh klaih đơ̆ng ti lu bơngai pơm kơnê̆, Dŏng inh đơ̆ng lu bơngai pơm kơnê̆ dêh. Lu bơngai chă đon wă tơpơ̆k inh.

Horiso 86:17

Apinh Ih tơ'bôh ăn tơdra tơdrong Ih mơnat kơ inh, wă kơ lu bơngai areh kơ inh gơh 'bôh păng mơlâu, ơ Kră Yang! Ih boih mă tơgŭm păng pơlung inh.

Mi 7:8

Ơ lu ayăt kơ inh, 'nĕ mah chhôk kơ inh dêh mă khan inh pơ̆k huŏng boih; kư̆m gô iung dơ̆ng; mă khan inh tơoei lăm anih măng mu, 'Bok Kei-Dei gô pơchrang kơ inh hơdah.

Hêbrơ 2:14

Lu kon Sư noh wă khan kon bơngai bơ̆n, na Sư kư̆m jing thoi kon bơngai bơ̆n mơ̆n, wă kơ gơh lôch tang kon bơngai păng pơrăm yŏng pơgơ̆r yang sơmăt mă pơgơ̆r pơlôch kon bơngai.

I Sam 20:3

Mă-lei Đawit khan hơđăl: 'Bă ih băt hơđăl ih 'mêm kơ inh, na đei pơma khan: 'Nĕ kơ roi ăn kơ Jônathan băt, kơnh sư hơ'ngon inh pao anăn Kră Yang mă arih ling-lang păng tơdrong arih ih na pơkă: Lăp minh yak đĕch sơlam inh hăm tơdrong lôch.

I Sam 25:29

Tơdah đei bu wă iung pơm kơnê̆ păng pơrăm tơdrong arih ih Kră Yang 'Bok Kei-Dei ih gô bơwei tơdrong arih lăm hơnŭng lu bơngai arih; gah tơdrong arih lu bơngai ayăt kơ ih, Kră Yang gô klơ̆m tŭk lê̆ mă ataih thoi hră prah 'brơ̆m tơmo.