Horiso 112:9 - Sơ̆p Hlabơar Nơ̆r 'Bok Kei-Dei

⁹ Sư hơmrah asong ăn tơmam kơ lu dơnuh hin. Tơdrong tơpăt sư oei oei ling-lang. Đe gô ư-ang kơ tơdrong jei sư

Horiso 112:9 Iomraidhean Croise

Horiso 111:3

Tơdrong jang Kră Yang đe ư-ang păng krưp rŏ. Tơdrong 'lơ̆ng tơpăt Sư oei oei ling-lang.

Horiso 112:3

Mŭk măk păng mơdrŏng oei lăm hnam Sư. Păng tơdrong tơpăt Sư oei oei ling-lang.

Horiso 75:10

Inh gô ret lê̆ đĭ hơke lu bơngai kơnê̆, mă-lei gah hơke lu bơngai tơpăt gô hơtŏk kơjung.

Horiso 92:10

Mă-lei Ih ăn kơ hơke inh rai kơjung thoi rơmo bri. Ih tuh boih kơ inh hăm đak pơgang 'bâu phu 'nao.

Horiso 92:11

Măt inh 'bôh boih lu ayăt kơ inh hiong răm. Păng đon inh kơtơ̆ng boih lu ayăt kơ inh đĭ rŭng răng nhơ̆m hmoi.

Tơdrông Pơđơk 14:24

Môk pơtao kơ lu bơngai hơgei noh tơdrong mơdrŏng. Mă-lei tơdrong kơhlôh lu bơngai kơwao oei kơtul.

Tơdrông Pơđơk 19:17

Bơngai bu băt mơnat kơ bơngai dơnuh hoh, noh thoi ăn kơ Kră Yang mơng; Kră Yang pơkă wă tơwih ăn thoi tơdrong 'lơ̆ng sư pơm.

Tơdrông Pơđơk 21:26

Rim năr bơngai ham hrăn hơpơi kơ tơmam. Mă-lei đei lu bơngai tơpăt băt asong huay kơ 'mêm ôh.

Bôk Bơthô 11:6

Pơgê hrôih, ih athei drôih rei adrĕch mă-lei gah kơsơ̆ 'nĕ kơ kuăr ti pơdơh; yua kơ ih ưh kơ băt ôh găr ayơ gô chăt 'lơ̆ng, găr 'nâu dah găr to dah pơđĭ 'bar tŏ găr adrĕch noh chăt 'lơ̆ng ngăl hloi.

Bôk Bơthô 3:6

Đei năr chơchă, đei năr sư hiong, Đei khei năr răk mong, đei năr hŭt lê̆;

Êsai 32:8

Mă-lei lu bơngai 'lơ̆ng sư chă đon 'lơ̆ng, sư ling-lang jang hăm tơdrong 'lơ̆ng sư.

Êsai 58:10

Tơdah iĕm đĭ jơhngơ̆m rong lu bơngai pơmat-tat păng asong ăn sa phĭ kơ lu bơngai pơngot, lei tơdrong hơdah ih gô pơchrang lăm măng mu, kơplah noh măng ih thoi lĕ kơ 'năr dơ̆ng.

Êsai 58:7

Hăm trŏ kơ ih athei asong tơmam sa kơ lu bơngai pơngot rơwĕt, chông ba lu bơngai dơnuh hin ưh kơ đei hnam wih tơ lăm hnam iĕm kơdih, lăp iĕm 'bôh bơngai akâu hoh athei pơhrŭk ăn, păng 'nĕ kơ weh muh măt ưh kơ lăng lu 'nhŏng oh minh sĕch akar lu iĕm kơdih, dah kiơ?

Mathiơ 6:4

Iĕm thĕng đĕch mă-lei 'Bă bơ̆n tơ plĕnh ti 'bôh boih tơdrong iĕm pơm 'noh, thoi noh na Sư gô bơnê kơ iĕm tơpă.

Markôs 14:7

Bơngai dơnuh sư oei păng iĕm ling-lang. Dah iĕm wă mơnat kơ sư mă layơ kư̆m gơh, yua kơ Inh âu ưh kơ oei păng iĕm ling-lang ôh.

Luka 11:41

Iĕm athei asong ăn kơ lu bơngai dơnuh hin tơmam sa iĕm lăm pơnhan noh na 'Bok Kei-Dei kư̆m lăng tôm tơdrong iĕm rơgoh 'lơ̆ng ngăl.

Luka 12:33

Tĕch tơmam iĕm na tơgŭm lu bơngai dơnuh hin, na iĕm gô đei jên mă huay kơ hiong hiach oei 'măn lê̆ kơ iĕm tơ plĕnh ti. Tơ ei ưh kơ đei bơngai bu mă gơh tơtông iŏk dơ̆ng ôh. Tơ ei mua kư̆m ưh kơ gơh reh ngơ̆r tơmam iĕm mơ̆n.

Luka 16:9

“Na Inh khan kơ iĕm thoi âu: Jên boih tơmam ala teh âu đĕch mă-lei iĕm gơh yua jên mơ̆n wă tơgŭm bơngai dơnuh hin, na lăp jên iĕm ưh pă yua boih ning-mônh, iĕm gô đei bôl buăl lơ sơng iŏk iĕm tơ plĕnh ti.

Luka 18:22

Yêsu kơtơ̆ng thoi noh na Sư khan: “Ih răk ưh kơ tôm oei pă minh tơdrong. Ih athei tĕch đĭ mŭk tơmam ih chă asong kơ lu bơngai dơnuh hin, na kiơ̆ Inh hloi. Thoi noh na ih gô đei mŭk tơmam tơ kơpal plĕnh ti ning-mônh.”

Yo 13:29

Yua kơ Juđa wei-lăng kơdŭng jên lu sư, na lu mơ'nah ngêh kơ Yêsu khan kơ sư năm răt tơmam sa, hiă wă sa lăm năr giĕng ei thâu, dah mơnat ăn kơ bơngai dơnuh kơlĕ.

Jang 20:35

Thoi noh lăm tôm tơdrong inh tơ'bôh kơ iĕm bơ̆n athei jang gleh 'mơ̆i na gơh đei tơmam 'me rong akâu kơdih hăm athei đei đon tơdŏng mơnat kơ lu bơngai dơnuh hoh. Bơ̆n 'nĕ hiơt mă âu nơ̆r Kră Yang Yêsu khan pơkă kơ bơ̆n hơdrol sơ̆ thoi âu: ‘Tơdah đe tơgŭm bơ̆n, jơhngơ̆m bơ̆n kư̆m hiôk mơ̆n; dah bơ̆n tơgŭm đe, jơhngơ̆m bơ̆n hiôk hloh loi.’ ”

Jang 4:35

Lu sư pơyơ̆r kơ 'Bok Kei-Dei ăn kơ lu bơngai jơ̆ng 'bang Yêsu chă asong lu bơngai mă hoh kơ đei.

Rom 12:13

Tơduă bơ̆n bơngai lui 'nĕ kơ kret băl tơmam, tơmoi truh athei băt kơ sơng iŏk tơ hnam.

II Kor 8:9

Yua kơ iĕm băt boih Kră Yang Yêsu Krist 'mêm mơnat kơ bơ̆n dang yơ; Sư mơdrŏng tih tơpă, mă-lei Sư jing dơnuh yua kơ tơgŭm bơ̆n, wă kơ bơ̆n jing mơdrŏng.

Both 15:11

Yua kơ gô đei ling-lang lu bơngai dơnuh hin oei lăm dêh char, thoi noh, na inh hơpơi khan kơ iĕm; athei bơlang ti hơmrah asong kơ lu 'nhŏng oh bơngai dơnuh pơmat-tat mă oei hơdai lăm dêh char iĕm.

Both 15:14

Iĕm athei asong ăn kơ sư sem dơrong, 'ba đơ̆ng anih juă 'ba, sik hơmu đơ̆ng anih rŏl chơpĕt, kiơ̆ kơ đơ̆ng Kră Yang 'Bok Kei-Dei iĕm ăn pŭn.

Both 24:13

tơdah pơkơ̆ng ao tai athei pơdrâu ăn kơ bơngai noh adrol kơ măt 'năr mơ̆t, wă kơ sư tep đei ao sư hrŭk tep, lei na sư bơnê kơ iĕm, jô̆ iĕm bơngai 'lơ̆ng tơpăt 'bơ̆t anăp Kră Yang 'Bok Kei-Dei iĕm.

I Tim 6:18

Ih khan kơ lu bơngai mơdrŏng athei pơm jơhngơ̆m 'lơ̆ng păng đe păng athei gơh tơgŭm mơnat kơ lu bơngai dơnuh hin tơmam.

Hêbrơ 13:16

Iĕm 'nĕ hiơt kơ tơdrong pơm 'lơ̆ng kơ đe, iĕm athei ra tơmam iĕm kơdih wă tơgŭm lu 'nhŏng oh dơnuh. Tơdrong noh kư̆m dang ra tơmam soi mơ̆n, wă pơhiôk kơ 'Bok Kei-Dei.

Hêbrơ 6:10

'Bok Kei-Dei Sư tơpăt dêh, Sư ưh kơ hiơt ôh dôm tơdrong jang iĕm mă sơ̆ mă dang ei, tơdrong iĕm 'mêm mơnat dih băl, tơdrong iĕm tơgŭm băl tơduă kon 'Bok Kei-Dei, yua kơ iĕm băt 'mêm kơ Sư.

Tơdrông Tơ'bôh 22:11

Bơngai bu arăng kơ̆l oei 'maih pơm kơnê̆, lê̆ sư pơm kơnê̆ khŏm khŏm kư̆m bưh. Bơngai bu pơm 'lơ̆ng, sư athei kơchăng pơm 'lơ̆ng ling-lang.”

I Sam 2:1

Hana krao apinh păng khan: Jơhngơ̆m inh chơt hiôk lăm Kră Yang; Kră Yang pơm ăn kơ jơhngơ̆m inh hiôk chơt. 'Bơ̆r inh pơma pơgreh khan kơ lu bơngai ayăt kơ inh. Inh chơt hiôk Ih dŏng pơklaih inh.

I Sam 2:30

Lei na Kră Yang 'Bok Kei-Dei khan. Inh pơkă bơih hăm hnam ih păng hnam 'bok ih gô bơ̆jang kơ inh ling-lang hloi. Mă-lei dang ei Kră Yang khan: Ưh kơ lei ôh. Inh gô pơyom kơ bơngai bu mă pơyom kơ Inh, bơngai bu mă pơjăm Inh, Inh kư̆m gô pơjăm sư.