Horiso 112:7 - Sơ̆p Hlabơar Nơ̆r 'Bok Kei-Dei

⁷ Sư ưh kơ hli ôh mă đe roi tơdrong kơnê̆, jơhngơ̆m sư oei hơđơ̆ng, gơnang kơ Kră Yang.

Horiso 112:7 Iomraidhean Croise

Jop 11:15

Lei ih gô ngơk muh măt ih huay kơ mơlâu, ih gô dơ̆ng kơjăp, huay pă hli.

Horiso 118:6

Kră Yang oei hơdai inh, inh ưh kơ đei hli kiơ; Kon bơngai gơh pơm kiơ kơ inh?

Horiso 34:4

Inh krao apinh boih Kră Yang, Sư tơl boih nơ̆r inh. Sư pơklaih inh đơ̆ng tơdrong hli hlơt.

Horiso 49:6

Lu bơngai gơnang kơ jên tơmam lu sư, Pơư mŭk tơmam lơ, mơdrŏng lu sư.

Horiso 57:7

Ơ Kră Yang 'Bok Kei-Dei jơhngơ̆m inh kơjăp, jơhngơ̆m inh kơjăp boih. Inh gô hơri păng hơri bơnê Kơ Sư.

Horiso 62:8

Ơ kon pơlei, gơnang bĕ đĭ kơ Sư, ling-lang. Tuh bĕ jơhngơ̆m ih kơ Sư Kră Yang 'Bok Kei-Dei Sư boih mă anih bơ̆n kơ'nơp. Sêla

Horiso 64:10

Lu bơngai tơpăt gô chơt hiôk lăm Kră Yang păng kơ'nơp tơ lăm Sư; Đĭ-đăng lu bơngai đei jơhngơ̆m tơpăt lu sư gô hơri ư-ang kơ sư.

Tơdrông Pơđơk 1:33

Mă-lei bơngai bu mơ̆ng kiơ̆ Inh gô oei hiôk-hian. Oei hơđơ̆ng ưh kơ đei hli kơ tơdrong kiơ truh.

Da 3:16

Sadrak, Mêsak, Abetnigo tơl pơtao thoi âu: Ơ pơtao Nebukatnessar, gah tơdrong noh, ưh kơ kăl kơ nhôn roi kơ ih.

Luka 21:19

Dah iĕm adrin tơpă lei iĕm huay kơ hiong tơdrong arih ling-lang ôh.”

Luka 21:9

Mă iĕm kơtơ̆ng đe tơblah mă tih, mă iĕ, iĕm 'nĕ kơ hli hŏ. Tơdrong noh ưh kơ jor ôh, gô đei 'mơ̆i, mă-lei năr tôch ưh tam mă truh ôh kơplah noh.”

Yo 14:1

Yêsu oei pơma kơ lu sư thoi âu: “Na dang ei iĕm athei chơ̆n jơhngơ̆m iĕm 'nĕ kơ hli tơdrong kiơ. Iĕm adrin lui kơ 'Bok Kei-Dei păng lui kơ Inh.

Jang 20:24

Mă đe pơlôch inh kư̆m bưh, kư̆ mă inh gơh jang mă keh tơdrong Kră Yang Yêsu pơjao ăn kơ inh sơ̆. Tơdrong jang noh wă khan bơtho tơdrong 'lơ̆ng 'Bok Kei-Dei mơnat kơ bơ̆n, ăn kơ lu bơ̆n klaih đơ̆ng tơdrong yoch, đơ̆ng ti yang kơnê̆.

Jang 21:13

Na Pôl khan: “Kơlih kơ kiơ iĕm nhơ̆m hmoi păng lung inh tŭk tơdrong jang inh? Mă lu sư tah inh lăm hnam phak, mă lu sư pơlôch inh, kư̆m bưh, akâu inh kơdih wă pơrơ̆ng năm yua kơ inh jang tơdrong Kră Yang Yêsu Krist.”

Jang 27:25

Na iĕm 'nĕ pă hli yua kơ inh lui kơ 'Bok Kei-Dei gô pơm kiơ̆ kơ linh jang 'lơ̆ng khan.