Horiso 112:4 - Sơ̆p Hlabơar Nơ̆r 'Bok Kei-Dei

⁴ Hơdah pơchrang tơ anih măng mu, kơ bơngai tơpăt. Bơngai 'lơ̆ng băt mơnat, đei jơhngơ̆m 'mêm mơnat păng 'lơ̆ng tơpăt.

Horiso 112:4 Iomraidhean Croise

Jop 11:17

Chăl arih ih gô hơdah hơdong hloh kơ 'năr dơ̆ng; măng mu gô hơdah thoi pơgê.

Jop 22:28

Tơdrong kiơ ih wă pơm sĭt gô jing; Tơdrong hơdah gô pơchrang lu trong ih.

Jop 29:3

Lăm kơplah ŭnh kơđeng Kră Yang oei pơchrang hơdah kơpal kơ̆l inh. Đơ̆ng tơdrong hơdah Kră Yang na inh năm hlôi kơ măng mu.

Horiso 106:1

Halêluya! Kơkuh bơnê bĕ kơ Kră Yang, yua kơ Sư 'lơ̆ng. Tơdrong 'mêm Sư oei oei ling-lang,

Horiso 116:5

Kră Yang 'lơ̆ng tơpăt păng ăn tơdrong mơnat. Kră Yang 'Bok Kei-Dei lu bơ̆n đei jơhngơ̆m mơnat.

Horiso 145:17

Kră Yang boih 'lơ̆ng tơpăt lăm rim trong Sư. Băt 'mêm kơ rim tơdrong jang Sư.

Horiso 37:6

Sư gô pơdah tơdrong tơpăt ih thoi hơdah hơdong Păng sek tơ'bôh tơdronga trŏ ih thoi 'năr dơ̆ng.

Horiso 97:11

Tơdrong hơdahb pơchrang kơ lu bơngai tơpăt. Păng chơt hiôk kơ lu bơngai đei jơhngơ̆m tơpăt.

Tơdrông Pơđơk 21:21

Bơngai bu chă tơdrong tơpăt păng băt 'mêm Gô đei tơdrong arih tơpăt păng đe ư-ang.

Êsai 50:10

Bơngai bu lăm lu iĕm băt hli yom kơ Kră Yang, păng chu kiơ̆ kơ nơ̆r đĭch đam Sư Mă năm lăm măng mu păng ưh kơ đei hơdah. Gơnang bĕ kơ Anăn Kră Yang păng gơnang kơ Kră Yang 'Bok Kei-Dei sư kơdih.

Êsai 58:10

Tơdah iĕm đĭ jơhngơ̆m rong lu bơngai pơmat-tat păng asong ăn sa phĭ kơ lu bơngai pơngot, lei tơdrong hơdah ih gô pơchrang lăm măng mu, kơplah noh măng ih thoi lĕ kơ 'năr dơ̆ng.

Êsai 58:8

Na tơdrong ih pơm gô rang hơdah thoi pơgê hrôih; rơka ih gơh klaih 'bônh. Tơdrong 'lơ̆ng tơpăt ih gô năm adrol kơ ih tơdrong ư-ang Kră Yang gô wei-lăng đơ̆ng rŏng ih.

Malachi 4:2

Mă-lei gah lu iĕm, lu bơngai hli yom kơ anăn Inh, thoi noh măt 'năr tơdrong tơpăt gô pơchrang ăn, lăm năr noh kơnh gô đei pơklaih tơdrong jĭ jăn; lu iĕm gô lĕch pơplŏng thoi rơmo dăm lĕch đơ̆ng lăm hơdrong.

Luka 6:36

Iĕm athei 'mêm mơnat kơ đe kư̆m thoi lĕ 'Bă bơ̆n 'Bok Kei-Dei 'mêm mơnat kơ đe mơ̆n.

Yo 12:46

Inh jur tơ ala teh âu wă pơchrang hơdah kơ kon bơngai, na đĭ-đăng bơngai mă lui kơ Inh huay kơ oei lăm măng mu ôh.

Êphêsô 4:32

Iĕm athei pơm băl mă 'lơ̆ng, băt 'mêm mơnat kơ bôl buăl, 'nĕ kơ jô̆ yo dih băl thoi 'Bok Kei-Dei huay kơ jô̆ yo kơ bơ̆n yua kơ Kon Sư Yêsu Krist lôch tang bơ̆n.

Êphêsô 5:15

Thoi noh na bơ̆n athei kơchăng oei mă hơđơ̆ng hli kơ jơhngơ̆m bơ̆n hơdai 'maih pơm yoch. Bơ̆n 'nĕ kơ pơm kư̆ kă thoi lu bơngai jih 'ma kơ bơ̆n, bơ̆n athei pơm thoi lu bơngai hơgei lu bơngai tơpăt đĕch trŏ.

Êphêsô 5:9

Dôm lu bơngai oei lăm tơdrong hơdah, Sư gô pơm dôm tơdrong 'lơ̆ng tơpăt ngăl.

I Yo 2:29

Iĕm băt kơ Yêsu Krist pơm 'lơ̆ng tơpăt. Thoi noh iĕm kư̆m băt bơngai bu pơm 'lơ̆ng tơpăt, bơngai 'noh boih kon 'Bok Kei-Dei.

I Yo 3:10

Bơ̆n gơh kơnăl tơduă bơngai bơ̆n, bơngai bu kon 'Bok Kei-Dei, bơngai bu kon yang Satan sư phara thoi âu: Bơngai bu ưh kơ pơm 'lơ̆ng tơpăt păng ưh kơ 'mêm kơ 'nhŏng oh sư, bơngai 'noh ưh kơ sĭ kon 'Bok Kei-Dei ôh.

I Yo 3:7

Ơ lu kon hơ'lơ̆p, 'nĕ lui kơ đe hơlĕnh kơ iĕm khan bơngai lui bơ̆n ưh kơ kăl pơm 'lơ̆ng tơpăt. Inh khan kơ iĕm thoi âu: Bơngai bu pơm 'lơ̆ng tơpăt, bơngai 'noh đei đon 'lơ̆ng tơpăt kư̆m thoi Yêsu bơngai 'lơ̆ng tơpăt mơ̆n.