Horiso 11:4 - Sơ̆p Hlabơar Nơ̆r 'Bok Kei-Dei

⁴ Kră Yang oei tơ Anih 'lơ̆ng rơgoh Sư; Tang-dŏ Pơtao Sư tơ plĕnh ti; Măt Sư nger lăng, Gơnur măt Sư tưk lăng kơchăm tơ kon bơngai,

Horiso 11:4 Iomraidhean Croise

I Ho 17:5

Inh ưh tam mă oei ôh lăm hnam đơ̆ng năr Inh chông tơlĕch lu bơngai Isơrael đơ̆ng dêh Êyiptơ truh tơ năr âu, Inh năm đơ̆ng bơsŭn âu tơ bơsŭn nai, đơ̆ng anih oei âu tơ anih oei nai.

II Ho 16:9

Măt Kră Yang lăng jơ̆p kơ teh đak, wă tơgŭm jơhngơ̆m pran kơ lu đe bu mă đei jơhngơ̆m gơnang kơ Sư. Tơpă lăm tơdrong 'nâu ih đei pơm kư̆ kă, na đơ̆ng âu tơ anăp ih gô đei tơ'bơ̆p tơdrong tơblah hơnơ̆ng.”

Jop 24:23

Kră Yang lê̆ lu sư arih hiôk hơđơ̆ng. Măt Kră Yang oei răp lăng trong lu sư

Horiso 103:19

Kră Yang pơjing boih anih pơtao Sư tơ plĕnh. Dêh char Sư pơgơ̆r kơ đĭ-đăng tôm tơmam.

Horiso 113:5

Bu đei thoi Kră Yang 'Bok Kei-Dei lu bơ̆n? Tơ'ngla oei lăm anih kơpal hloh;

Horiso 139:23

Ơ Kră Yang 'Bok Kei-Dei, apinh Ih lăng lăng inh păng băt kơ jơhngơ̆m inh. Pơlong lăng inh bĕ păng băt kơ tơdrong tơchĕng inh;

Horiso 14:2

Kră Yang 'Bok Kei-Dei nger lăng đơ̆ng plĕnh ti tơ kon bơngai. Wă lăng hăm đei bu gơh băt. Chơchă Kră Yang 'Bok Kei-Dei ưh?

Horiso 18:6

Lăm năr hơnat hơnot inh krao chă Kră Yang. Inh krao apinh Kră Yang 'Bok Kei-Dei inh: Đơ̆ng anih Pơtao Sư, Sư kơtơ̆ng nơ̆r inh, Păng nơ̆r inh krao truh tơ đon Sư.

Horiso 2:4

Kră Yang đơ̆ng plĕnh gô hiĕk, Kră Yang gô pơjăm lu sư.

Horiso 33:13

Kră Yang đơ̆ng plĕnh nger lăng, 'Bôh đĭ-đăng kon bơngai.

Horiso 44:21

Kră Yang 'Bok Kei-Dei ưh kơ băt tơdrong noh hă? Yua kơ Ih băt tơdrong hlơp lăm jơhngơ̆m.

Horiso 66:7

Sư yua tơdrong mơsêh mơyang Sư pơgơ̆r ling-lang hloi; Măt Sư sek lăng lu dêh char: Ơ lu bơngai ayăt 'nĕ kơ pơang. Sêla

Horiso 9:11

Hơri bơnê bĕ kơ Kră Yang, Tơ'ngla oei lăm pơlei Siôn; Roi tơbăt kơ kon pơlei pơla tơdrong tih Sư pơm

Tơdrông Pơđơk 15:3

Măt Kră Yang 'bôh jơ̆p-jang anih, Oei lăng lu bơngai kơnê̆ păng lu bơngai 'lơ̆ng.

Êsai 66:1

Kră Yang khan thoi âu: “Plĕnh noh Tang-dŏ pơtao Inh, teh noh hơnă jơ̆ng Inh juă. Lu iĕm gô man ăn kơ Inh hnam tơ yơ? Anih ayơ pơm anih Inh pơdơh?

Je 17:10

Inh boih Kră Yang, Inh lăng 'bôh lăm jơhngơ̆m, pơlong lăng jơhngơ̆m đon tơchĕng, wă pơm tơwih kơ rim 'nu kiơ̆ thoi trong lu sư arih, kiơ̆ 'blep thoi đêl tơdrong lu sư pơm.

Je 23:24

Kră Yang khan: “Hăm đei bu gơh ôn hlơp akâu sư, mă Inh ưh kơ 'bôh? Kră Yang khan: Hăm trŏ kơ Inh oei tơ jơ̆p-jang kơpal plĕnh 'bĕnh kơ teh đak âu?

Mi 1:2

Ơ đĭ-đăng kon pơlei, mơ̆ng bĕ! Ơ teh păng đĭ-đăng tơmam mă oei kơpal teh pơgling đon mơ̆ng! Apinh Kră Yang đơ̆ng anih 'lơ̆ng rơgoh Sư. Ăn kơ Kră Yang pơm kơdranh blah lu iĕm.

Habakuk 2:20

Mă-lei Kră Yang oei tơ lăm hnam 'lơ̆ng rơgoh Sư, 'bơ̆t anăp Sư, jơ̆p kơ lăm teh gô ngăn hreh.”

Sa 2:13

Dôm lu kon bơngai sĕch akar ngăn bĕ 'bơ̆t anăp Kră Yang; yua kơ Sư iung hơđơ̆r boih đơ̆ng anih 'lơ̆ng rơgoh Sư.”

Mathiơ 23:21

Na bơngai wă 'mong kơ đe tơmam, sư tơhlâu hnam akŭm 'Bok Kei-Dei tơm, noh kư̆m dang sư tơhlâu 'Bok Kei-Dei oei lăm hnam noh mơ̆n.

Mathiơ 5:34

Na Inh bơtho iĕm dang ei thoi âu: Dôm tơdrong iĕm pơkă wă kơ đe băt kơ iĕm gô pơm, iĕm 'nĕ pă hiap akâu kơdih kơ 'Bok Kei-Dei dah hiap akâu kơ tơdrong kiơ nai. Thoi noh na iĕm 'nĕ pă pơkă pao anăn plĕnh, yua kơ plĕnh dang tang-dŏ 'Bok Kei-Dei tơoei, noh dang iĕm pơkă pao anăn 'Bok Kei-Dei mơ̆n.

Jang 7:49

‘Inh 'Bok Kei-Dei pơgơ̆r plĕnh păng teh, lơliơ iĕm gơh pơm ăn kơ Inh hnam oei lĕ? Inh ưh kơ kăl kơ hnam oei ôh.

II Tes 2:4

Bơngai kơnê̆ ei, sư pơang akâu sư kơdih khan sư tih hloh kơ 'Bok Kei-Dei, hăm tih hloh kơ đĭ-đăng lu yang nai. Sư mơ̆t lăm hnam akŭm 'Bok Kei-Dei tơm na khan kơ đe: “Inh boih Kră Yang iĕm, na iĕm athei kơkuh kơ inh.”

Hêbrơ 4:13

Ưh kơ đei tơdrong kiơ mă hlơp kơ 'Bok Kei-Dei tơ'ngla mă sek tơlang bơ̆n, Sư 'bôh nhên tôm tơdrong kon bơngai pơm.

Tơdrông Tơ'bôh 4:2

Na Yang Bơhngol 'Lơ̆ng pơm kơ inh ưh kơ băt thoi yơ, 'bôh 'băi tơ kơpal plĕnh boih. Na inh 'bôh tang-dŏ 'lơ̆ng rŏ tơ plĕnh ei, tang-dŏ ei đei minh 'nu oei.