Horiso 11:1 - Sơ̆p Hlabơar Nơ̆r 'Bok Kei-Dei

¹ Inh gơnang kơ Kră Yang; Liơ Ih khan kơ inh: “Athei tŏk ôn tơ kông thoi sem?

Horiso 11:1 Iomraidhean Croise

II Ho 14:11

Asa krao apinh Kră Yang 'Bok Kei-Dei sư khan: “Ơ Kră Yang, ưh kơ đei bu thoi Ih tơgŭm lu bơngai tơrăn kĕ jei đơ̆ng bơngai pran; Ơ Kră Yang 'Bok Kei-Dei nhôn, apinh Ih dŏng tơgŭm lu nhôn, lu nhôn gơnang kơ Ih; nhôn yua hăm anăn Ih na năm blah lu bơngai linh lơ âu. Ơ Kră Yang! Ih boih Kră Yang 'Bok Kei-Dei lu nhôn; 'nĕ ăn kơ kon bơngai jei hloh kơ Ih”

II Ho 16:8

Lu linh Êthiôpi păng linh Libyan hăm trŏ nuih kơtang đei gre aseh păng lu linh hao aseh lơ dêh? Lei ră, pơtao gơnang kơ Kră Yang boih, na Sư jao lu linh noh lăm ti ih.

Ne 6:11

Inh khan: Minh 'nu bơngai thoi inh âu wă kơdâu ôn hă? Bơngai bu thoi inh âu mơ̆t lăm hnam akŭm na mă gơh arih hă? Inh ưh kơ mơ̆t ôh.

Horiso 16:1

Ơ Kră Yang 'Bok Kei-Dei! Wei inh, Yua kơ inh kơ'nơp lăm Ih.

Horiso 25:2

Ơ Kră Yang 'Bok Kei-Dei inh! Jơhngơ̆m inh lui gơnang kơ Ih; 'nĕ ăn kơ inh mơlâu, 'Nĕ ăn jei lu ayăt kơ inh.

Horiso 31:14

Mă-lei, ơ Kră Yang! Inh gơnang kơ Ih. Inh khan: “Ih boih Kră Yang 'Bok Kei-Dei inh.”

Horiso 56:11

Inh gô gơnang kơ Kră Yang 'Bok Kei-Dei, huay pă hli kơ kiơ; Lu kon bơngai gơh pơm kiơ kơ inh?

Horiso 7:1

Ơ Kră Yang Kră Yang 'Bok Kei-Dei inh, inh kơ'nơp lăm Ih; Apinh Ih dŏng pơklaih inh đơ̆ng lu bơngai kơnê̆ druh,

Horiso 7:2

Kơnh lu sư hek sa inh thoi dăm-brang, păng hek hơđah lê̆ akâu inh ưh kơ đei bu dŏng inh.a

Horiso 9:10

Bơngai bu băt anăn Ih gô gơnang kơ Ih; Yua kơ Ih ưh kơ achăng lê̆ ôh, bơngai bu chơchă Ih.

Tơdrông Pơđơk 6:5

Pơklaih bĕ ih kơdih thoi kơtŏng klaih đơ̆ng ti lu bơngai lua. Thoi sem klaih đơ̆ng hơđong đe hơ'năk.

Je 48:14

Liơ ih pơ̆n pơang khan: ‘Nhôn lu linh nuih păng lu linh pran kơtang lăm anih tơblah?’

Luka 13:31

Kơplah Yêsu oei bơtho 'bơ̆t ei đei lu bơngai Pharisi năm tơ Sư păng khan: “Ih athei weh tơ nai yua kơ Hêrôt wă chă pơlôch Ih.”

I Sam 19:11

Sôl wơh bơngai năm răp tơ hnam Đawit wă kơ pơgê đơ̆ng rŏng noh gơh pơlôch sư hloi, mă-lei Mikal akăn Đawit roi ăn kơ sư băt: Tơdah măng 'nâu ih ưh kơ kơdâu klĕnh, na pơgê dơning đe gô pơlôch ih.

I Sam 20:38

Jônathan krao dơ̆ng bơngai đĭch noh: Năm mă tĕnh, 'nĕ kơ pơhiơ̆! Bơngai đĭch noh dônh 'brơ̆m hră, wơ̆t hơlơ̆k tơ tơ'ngla sư dơ̆ng.

I Sam 22:3

Đơ̆ng noh Đawit năm tơ pơlei Mispa lăm dêh Môap, na sư pơma dơnuh hăm pơtao Môap: Apinh ih asong ăn kơ lu mĕ 'bă inh năm oei hơdai hăm ih dĭng truh tơ inh băt dôm tơdrong kiơ Kră Yang 'Bok Kei-Dei gô pơm ăn kơ inh.

I Sam 23:14

Đawit oei lăm char glă chơngue, hơdrô̆ tơ kơpal groi char glă Sip. Sôl chă sư rim năr ưh kơ pơdơh, mă-lei Kră Yang 'Bok Kei-Dei ưh kơ đei layơ wă jao Đawit lăm tơpang ti Sôl.

I Sam 27:1

Đawit tơchĕng lăm đon khan: Tơpă lăm minh năr ayơ kơnh, inh gô lôch kơ tơpang ti Sôl. Ưh kơ đei kiơ 'lơ̆ng hloh kơ inh năm kơdâu ôn lăm dêh Philistin, na Sôl huay pă chă inh lăm teh đak lu bơngai Isơrael dơ̆ng. Thoi noh na, inh gơh klĕch lĕch hlôi đơ̆ng tơpang ti sư.