Horiso 104:3 - Sơ̆p Hlabơar Nơ̆r 'Bok Kei-Dei

³ Sư roh hơpok hnam kơpal sư tơ kơpal đak,a Sư yua hơmơ̆l pơm gre. Sư hao kơpal pơnăr kial.

Horiso 104:3 Iomraidhean Croise

II Sam 22:11

Kră Yang hao kơpal chêrubim na păr, 'bôh Sư tơ kơpal jơwa pơnăr kial.

Horiso 139:9

Tơdah inh đei pơnăr păr đơ̆ng pơgê năm oei tơ tôch đak dơsĭ.

Horiso 148:4

Ơ lu plĕnh kơpal hloh, ơ lu đak tơ kơpal plĕnh; hơri ư-ang bĕ kơ Sư!

Êsai 19:1

Nơ̆r khan lê̆ adrol gah dêh đe Êyiptơ. Kră Yang jur hăm hơmơ̆l tĕnh truh tơ dêh Êyiptơ, lu rup yang dêh char đe Êyiptơ tơtơ̆ đĭ 'bơ̆t anăp Sư, jơhngơ̆m đe Êyiptơ hiong hach đĭ.

Am 9:6

Kră Yang đei pơjing hnam sư lăm lu tăl plĕnh, đei pơm boih plĕnh krôp kơpal teh. Sư krao đak đơ̆ng dơsĭ păng tuh jơ̆p kơpal teh. Anăn Sư Kră Yang.

Na 1:3

Kră Yang hiơ̆ kơ hil păng đei mơsêh pran kơtang tih; mă-lei Sư kư̆m ưh kơ lê̆ phak lu bơngai pơm yoch. Kră Yang yak năm lăm kial phŭt păng hơbŭt hơbang, lu hơmơ̆l păng 'mui tơ ala jơ̆ng Sư.

Mathiơ 26:64

Yêsu tơl: “Trŏ boih. Inh khan kơ iĕm tơpă, ning-mônh iĕm gô 'bôh Inh Kon Bơngai oei gah 'ma kơ Kră Yang 'Bok Kei-Dei mơsêh tih-tin na đơ̆ng noh jur đơ̆ng plĕnh hăm hơmơ̆l.”

Both 33:26

Ưh kơ đei bu thoi Kră Yang 'Bok Kei-Dei Jêsurun, Tơ'ngla, păr tơ lu tăl plĕnh, năm dŏng tơgŭm ih. Tơ lăm lu hơmơ̆l, Sư 'lơ̆ng rŏ hloh.

Tơdrông Tơ'bôh 1:7

Ning-mônh Sư wă jur tơ bơ̆n hăm hơmơ̆l. Đĭ-đăng kon bơngai gô 'bôh Sư. Lu bơngai mă pơ̆ng pơlôch Sư tơ 'long pơglang sơ̆ kư̆m 'bôh Sư mơ̆n. 'Bơ̆t noh kơnh đĭ-đăng khŭl kon bơngai jơ̆p kơ teh đak nhơ̆m hmoi 'bơ̆t anăp Sư; tơpă, trŏ kơ nhơ̆m hmoi tơpă mơ̆n. A-men.