Horiso 102:26 - Sơ̆p Hlabơar Nơ̆r 'Bok Kei-Dei

²⁶ Lu plĕnh teh gô hiong răm mă-lei Ih oei oei ling-lang; Plĕnh teh gô so thoi ao tai; Ih gô tơplih plĕnh teh thoi tơplih ao păng lu sư jing hŭt lê̆.

Horiso 102:26 Iomraidhean Croise

II Pot 19:15

Hesekia krao khan 'bơ̆t anăp Kră Yang khan: Ơ Kră Yang 'Bok Kei-Dei lu bơngai Isơrael! Ih oei kơpơ̆ng lu chêrubim. Lăp minh 'nu ih đĕch 'Bok Kei-Dei kơ đĭ-đăng lu dêh char lăm ala teh âu. Ih bơih tơ'ngla mă pơjing plĕnh hăm teh.

Jop 38:4

Kơplah Inh dan hơnă plei teh, ih oei tơ yơ? Tơdah ih hlôh hơdah, roi ăn kơ Inh bĕ.

Horiso 102:12

Mă-lei ơ Kră Yang! Ih oei pơm pơtao ling-lang. 'Blŏk kơ anăn Ih đĭ jơhnơr.

Le 3:14

Kră Yang 'Bok Kei-Dei khan: Inh boih Kră Yang Đei Kơdih Tơ'ngla Pơjing păng Tơ'ngla Arih Ling-Lang; Sư khan dơ̆ng: Khan kơ kon pơlei Isơrael thoi âu: Kră Yang Tơ'ngla Đei Kơdih Arih Ling-lang wơh inh năm tơ lu iĕm.

Êsai 34:4

Đĭ-đăng lu măt khei sơnglŏng kơpal plĕnh gô hach lek, plĕnh gô tơlôm nhen đe lôm sơnôm hla bơar. Đĭ-đăng lu măt khei sơnglŏng sư gô hiong đĭ, nhen thoi hla hơmu hơlŭng, nhen thoi plei hơra hơlŭng huŏng đơ̆ng tơm sư.

Êsai 51:6

Ngơk lăng bĕ tơ kơpal plĕnh păng kŭp lăng bĕ tơ ala teh; lu plĕnh đông hiong thoi 'nhui ŭnh, teh gô so hiah nhen thoi ao, lu kon pơlei oei arih kơpal teh gô lôch thoi roi, mă-lei tơdrong dŏng pơklaih Inh oei ling-lang. Tơdrong 'lơ̆ng tơpăt Inh ưh kơ đei layơ hiong tôch ôh.

Êsai 65:17

Âu Inh gô pơjing plĕnh 'nao teh 'nao; Dôm tơdrong adrol sơ̆ ưh pă đei 'blŏk dơ̆ng bơih, kư̆m ưh pă đei bu tơchĕng dơ̆ng bơih lăm kơ̆l 'ngok.

Êsai 66:22

Kră Yang khan: “Nhen thoi plĕnh 'nao teh 'nao mă inh pơjing gô oei kơjăp ling-lang 'bơ̆t anăp Inh thoi noh mơ̆n lu kon sâu iĕm păng anăn lu iĕm kư̆m oei kơjăp.

Mathiơ 24:35

Plĕnh teh gô hiong tôch đĭ, mă-lei dôm tơdrong Inh pơma ưh kơ đei layơ hiong tôch ôh, gô 'bôh tơpă.

Luka 21:33

Plĕnh teh gô hiong tôch đĭ, mă-lei dôm tơdrong Inh pơma ưh kơ đei layơ hiong tôch ôh, gô 'bôh tơpă.

Rom 8:20

Sơ̆ 'Bok Kei-Dei lăng dôm tơmam Sư pơjing, Sư lăp đon dêh. Mă-lei dang ei Sư ăn kơ dôm lu tơmam Sư pơjing noh pơmat-tat yua kơ kon bơngai pơm yoch, ưh kơ sĭ yua kơ tơmam noh pơm yoch ôh. Dang ei Sư oei ăn kơ lu tơmam Sư pơjing noh pơmat-tat, ning-mônh Sư ăn hiôk 'lơ̆ng tơpă.

Tơdrông Tơ'bôh 20:11

Inh kư̆m 'bôh minh pôm tang-dŏ tih krưp kok 'lơ̆ng păng 'bôh minh 'nu 'Bok oei kơpal tang-dŏ noh. Kơplah noh plĕnh păng teh hiong hiach đĭ, dang sư hli tơrơ kơ 'Bok noh jing ưh pă đei plĕnh păng teh tơ yơ.

Tơdrông Tơ'bôh 21:1

Đơ̆ng noh inh đei 'bôh plĕnh păng teh 'nao, yua kơ plĕnh păng teh adrol sơ̆ tôch boih. Mă đak dơsĭ kư̆m pă đei boih.