Horiso 102:24 - Sơ̆p Hlabơar Nơ̆r 'Bok Kei-Dei

²⁴ Inh khan: “Ơ Kră Yang 'Bok Kei-Dei inh! 'Nĕ kơ iŏk lê̆ inh tŏk-bŏk oei hơmuh hơmŏng. Lu sơnăm Ih oei oei ling-lang.”

Horiso 102:24 Iomraidhean Croise

Jop 36:26

Trŏ tơpă, Kră Yang 'Bok Kei-Dei Tih-Tin dêh, hloh kơ bơ̆n băt hlôh; Sơnăm Sư arih sot dang yơ, ưh kơ đei bu gơh pơtŏ;

Horiso 102:12

Mă-lei ơ Kră Yang! Ih oei pơm pơtao ling-lang. 'Blŏk kơ anăn Ih đĭ jơhnơr.

Horiso 39:13

Ơ Kră Yang! Apinh Ih mơnat kơ inh. Wă kơ inh đei jơhngơ̆m dơ̆ng, Adrol kơ inh wă năm păng ưh pă đei dơ̆ng.”

Horiso 89:46

Ơ Kră Yang, Ih ôn akâu Ih dĭng truh dang yơ? Wă khŏm khŏm hloi hă? Tơdrong Ih hil mĭl thoi ŭnh sa dĭng dang yơ?

Horiso 9:7

Mă-lei Kră Yang pơtao pơgơ̆r ling-lang; Kră Yang sư hơmet boih tang-dŏ pơtao Sư wă sek tơlang

Habakuk 1:12

Ơ Kră Yang, 'Bok Kei-Dei inh, Kră Yang mă Tơ'ngla 'lơ̆ng rơgoh! Ih bơih Kră Yang đei đơ̆ng blŭng-a ala chă sơ̆ mă truh tơ ning-mônh dah kiơ? Thoi noh na lu nhôn huay kơ lôch! Ơ Kră Yang, Ih đei hơmet pơjing boih kon pơlei pơla âu wă sek phak lu nhôn. Ơ Tơmo kơjăp! Ih đei dan boih sư wă kơ phak pơbral, bơtho pơjĭ nhôn.

Tơdrông Tơ'bôh 1:4

Inh Yôhan chih kơthơ tơ'bôh kơ tơpơh tŏ hnam akŭm 'Bok Kei-Dei tơ dêh char Asi. Inh apinh Sư âu: 'Bok Kei-Dei mă bơ̆n ư-ang, Sư đei đơ̆ng sơ̆ khơ̆ dang ei mă gô jur ning-mônh; Yang Bơhngol 'Lơ̆ng, Sư minh 'nu đĕch, mă-lei Sư dang tơpơh 'nu, Sư dơ̆ng 'bơ̆t anăp 'Bok Kei-Dei;

Tơdrông Tơ'bôh 1:8

'Bok Kei-Dei Kră Yang tih hloh kơ đĭ-đăng păng pơgơ̆r tôm tĕch tơdrong, Sư đei đơ̆ng sơ̆ khơ̆ dang ei, mă gô jur ning-mônh, Sư khan thoi âu: “Inh thoi chư A, jĭ blŭng-a kơla chă hơdrol kơ đĭ-đăng lăm dôm tơdrong. Păng Inh kư̆m thoi chư Y, tuch-luch năr tôch kư̆m oei đei Inh.”