Horiso 102:17 - Sơ̆p Hlabơar Nơ̆r 'Bok Kei-Dei

¹⁷ Sư gô mơ̆ng nơ̆r lu bơngai pơmat-tat krao khan. Ưh kơ đei pơdê lê̆ dôm nơ̆r lu sư apinh.

Horiso 102:17 Iomraidhean Croise

Ne 1:11

Ơ Kră Yang! Apinh Ih pơgling đon mơ̆ng nơ̆r lu đĭch đam Ih krao apinh păng krao chă, lu bơngai mă đĭ jơhngơ̆m hli yom kơ Anăn Ih, năr âu apinh Ih tơgŭm ăn gơh đei tơdrong pŭn hiôk păng ăn kơ lu sư gơh đei tơdrong mơnat 'bơ̆t anăp bơngai âu. Kơplah ei kơnh inh gô pôk glơng kơchŏk tơdrô ăn kơ pơtao.

Ne 1:6

Inh apinh Ih lăng păng đon Ih mơ̆ng nơ̆r krao khan inh bơngai đĭch đam Ih, dang ei inh oei krao khan rim năr rim măng yua kơ adrĕch Isơrael, lu đĭch đam Ih, oei 'bơ̆t anăp Ih păng roi tơbral dôm tơdrong yoch kon pơlei Isơrael mă lu nhôn pơm glăi boih hăm Ih, inh păng hnam dơnŏ 'bok inh kư̆m pơm yoch.

Ne 2:20

Na inh tơl lu sư: Kră Yang 'Bok Kei-Dei kơpal plĕnh gô ăn kơ lu nhôn đĭch đam Sư, gô pơm pơkeh tơdrong jang 'nâu, lu nhôn gô man pơdơ̆ng hơmet ming mă-lei gah lu iĕm ưh kơ gơh đei tơdrong kiơ 'bơm hăm pơlei Jêrusalem 'nâu.

Horiso 147:2

Kră Yang man pơdơ̆ng pơlei Jêrusalem; Sư krao akŭm lu bơngai Isơrael đơ̆ng tơklah tơklang.

Horiso 22:24

Yua kơ Sư ưh kơ đei pơdê, ưh kơ krưp. Tơdrong pơmat kơ lu đe bu mă pơmat-tat, Kŭm ưh kơ đei ôn muh măt Sư kơ đe noh; Mưh lu sư krao apinh Sư, Sư tơl tơwih hloi

Horiso 69:23

Ăn kơiĕng lu sư pơpơ̆ hơnơ̆ng ăn kơ măt lu sư tol, ưh pă 'bôh dơ̆ng.

Horiso 72:12

Yua kơ sư gô pơklaih lu bơngai dơnuh hin, dah lu sư krao apinh. Păng dŏng pơklaih lu pơmat-tat mă ưh kơ đei bu tơgŭm.

Horiso 9:18

Lu bơngai pơmat-tat đe ưh kơ đei hiơt ling-lang ôh, Păng lu bơngai răm-'băm kư̆m ưh kơ hiong tơdrong hơmĕng ling-lang mơ̆n

Êsai 40:5

Kơplah noh tơdrong ư-ang Kră Yang gô pơdah păng đĭ-đăng kon bơngai gô lăng 'bôh; yua kơ 'bơ̆r Kră Yang pơma bơih thoi noh.

Êsai 44:26

Kră Yang pơsĭt nơ̆r lu đĭch đam sư pơma, păng pơsĭt trŏ hloi dôm nơ̆r lu bơngai pơtruh nơ̆r Sư; pơma gah pơlei Jêrusalem khan: “Gô đei bơngai oei lăm noh” păng pơma gah lu pơlei Juđa khan: “Gô pơjing ming,” Inh gô tơiung ming dơ̆ng lu anih đĭ juơ.

Je 31:38

Kră Yang khan: “Gô đei 'năr, pơlei tih đe gô pơdơ̆ng dơ̆ng kơ Inh đơ̆ng Hnam Thôt Hananêl truh tơ 'Măng Jang Mum.

Both 32:36

Trŏ boih Kră Yang gô sek tơlang kơ kon pơlei Sư. 'Mêm mơnat kơ đĭch đam Sư. Kơplah Kră Yang 'bôh jơhngơ̆m lu sư gleh lap đĭ boih, ưh pă đei bu oei đĭch dah yŏng tơ'ngla lu sư.

Both 4:29

Mă-lei đơ̆ng noh lu iĕm gô krao chă Kră Yang 'Bok Kei-Dei iĕm, layơ iĕm chă Kră Yang hăm đĭ jơhngơ̆m, đĭ tơdrong tơchĕng na gơh tơ'bơ̆p Sư.