Horiso 102:1 - Sơ̆p Hlabơar Nơ̆r 'Bok Kei-Dei

¹ Ơ Kră Yang, apinh Ih mơng nơ̆r inh krao khan. Ăn kơ nơ̆r inh hơpơi dŏng truh tơ Ih.

Horiso 102:1 Iomraidhean Croise

II Ho 30:27

Lu 'bok soi păng lu bơngai Lêwi iung sơkat pŭn hiôk ăn kơ kon pơlei; nơ̆r sơkat nơ̆r lu sư krao khan kơtơ̆ng truh tơ anih rơgoh Kră Yang, truh tơ plĕnh na Kră Yang tơl tơwih ăn pŭn hiôk.

Horiso 12:5

Yua kơ đe pơjuă lu bơngai răm-'băm păng lu dơnuh hin ôr krao, Kră Yang khan: “Dang ei Inh gô iung, Inh gô ăn kơ lu sư oei hiôk-hian kiơ̆ thoi lu sư krao apinh.”

Horiso 143:4

Thoi noh bơhngol inh rơdu tơpă, jơhngơ̆m inh rŭng răng dêh.

Horiso 143:7

Ơ Kră Yang! Apinh Ih jah tĕnh tĕnh tơl tơwih nơ̆r inh. Bơhngol inh rơdu rơmơ̆n dêh. Apinh Ih 'nĕ kơ ôn muh măt Ih kơ inh. Hli kơ inh thoi bơngai jur tơ sơlŭng jrŭ.

Horiso 145:19

Sư ăn tôm mah kơ lu đe bu hli yom kơ Sư. Kŭm mơ̆ng nơ̆r lu sư krao apinh păng dŏng pơklaih lu sư.

Horiso 18:6

Lăm năr hơnat hơnot inh krao chă Kră Yang. Inh krao apinh Kră Yang 'Bok Kei-Dei inh: Đơ̆ng anih Pơtao Sư, Sư kơtơ̆ng nơ̆r inh, Păng nơ̆r inh krao truh tơ đon Sư.

Horiso 39:12

Ơ Kră Yang 'Bok Kei-Dei! Mơ̆ng bĕ nơ̆r inh krao apinh, mơ̆ng bĕ nơ̆r inh krao ôr. Apinh Inh 'nĕ kơ chĭt đon kơ đak măt inh nhơ̆m. Yua kơ inh thoi bơngai tơmoi. Bơngai tơmoi mă oei thoi yă 'bok inh.

Horiso 42:4

Âu inh 'blŏk kơ tơdrong âu, năr bơhngol inh sơ'ngon. Sơ̆ inh năm hăm tơpôl lơ, ba lu sư truh tơ hnam Kră Yang 'Bok Kei-Dei, Đei nơ̆r jreo chơt păng kơkuh bơnê minh tơpôl lơlap pơm giĕng.

Horiso 5:2

Ơ Pơtao inh, Kră Yang 'Bok Kei-Dei inh, apinh mơ̆ng nơ̆r inh krao khan, Yua kơ inh krao apinh Ih.

Horiso 61:2

Đơ̆ng tôch kơ teh đak, inh gô ôr krao Ih, tơdah jơhngơ̆m inh rơdu boih; Apinh Ih chông ba inh 'bơ̆t tơmo kơjung hloh kơ inh.

Horiso 62:8

Ơ kon pơlei, gơnang bĕ đĭ kơ Sư, ling-lang. Tuh bĕ jơhngơ̆m ih kơ Sư Kră Yang 'Bok Kei-Dei Sư boih mă anih bơ̆n kơ'nơp. Sêla

Horiso 77:3

Inh 'blŏk kơ Ih, ơ Kră Yang 'Bok Kei-Dei Inh ôr tơtok, Inh tơchĕng dêh na jơhngơ̆m inh rơdu rơmơ̆n. Sêla

Le 2:23

Đunh 'biơ̆ đơ̆ng noh, Pơtao dêh Êyiptơ lôch; Kon pơlei Isơrael ôr krao yua kơ tơdrong pơm đĭch bơ̆jang gleh pơmat-tat: Nơ̆r krao ôr pơmat-tat truh tơ Kră Yang 'Bok Kei-Dei.

Nhom 3:44

Ih ôn akâu Ih lăm hơmơ̆l, dĭng mah nơ̆r nhôn krao khan pă klĕch truh tơ Ih.

Nhom 3:8

Mă inh ôr krao apinh dŏng, Kră Yang chĭt đon ưh kơ wă mơ̆ng nơ̆r inh kro khan;

Luka 22:44

Yêsu hli sơ'ngon tơpă, na Sư rai adrin krao khan kơ 'Bok Kei-Dei rai dêh mah tuh bơuh bơang thoi lĕ kơ pham lĕch đơ̆ng akâu Sư.

Hêbrơ 5:7

Kơplah Yêsu oei tơ teh âu sơ̆, Sư krao pơret 'Bă Sư păng hmoi apơi kơ 'Bă Sư, yua kơ Sư băt kơ 'Bă Sư gơh tơdŏng Sư đơ̆ng tơdrong lôch. Na 'Bok Kei-Dei mơ̆ng Sư, yua kơ Sư chu yom kơ 'Bok Kei-Dei.

Lu 10:16

Lu sư hŭt lê̆ đĭ lu yang nai đêl lu sư kơkuh păng awih awăn chu kiơ̆ Kră Yang. Kră Yang Sư sơ'ngon dêh 'bôh lu bơngai Isơrael pơmat-tat.

I Sam 9:16

Năr dơning, kư̆m lăm jơ 'nâu mơ̆n, inh gô wơh minh 'nu bơngai đơ̆ng lăm dêh Bênjamin năm tơ'bơ̆p ih, ih gô tuh đak pơgang ăn kơ sư pơm pơtao đe Isơrael. Sư gô dŏng pơklaih kon pơlei Inh đơ̆ng ti đe Philistin; yua kơ Inh 'blŏk mơnat kơ kon pơlei Inh păng nơ̆r lu sư ôr krao kơtơ̆ng truh tơ Inh.