Horiso 101:8 - Sơ̆p Hlabơar Nơ̆r 'Bok Kei-Dei

⁸ Lăm rim pơgê inh gô pơlôch pơđĭ lu bơngai pơm kơnê̆ lăm tơring. Wă pơrăm lê̆ lu bơngai pơm kơnê̆, đơ̆ng pơlei Kră Yang.

Horiso 101:8 Iomraidhean Croise

Horiso 46:4

Đei đak glung krong ro sư wă pơm chơt hiôk ăn kơ pơlei Kră Yang 'Bok Kei-Dei. Jơ̆ anih rơgoh, pơlei mă Kră Yang Tih Hloh oei,

Horiso 48:2

Kông Siôn 'lơ̆ng rŏ chơngôl kơjung, thoi anih kơjung Saphon noh, kông Siôn pơlei kơ pơtao tih oei, jing tơdrong chơt hiôk kơ đĭ teh đak.

Horiso 48:8

Tơdrong kiơ̆ mă lu nhôn kơtơ̆ng noh lu nhôn 'bôh boih. Lăm pơlei Kră Yang Tih Hloh. Wă khan lăm pơlei Kră Yang 'Bok Kei-Dei lu nhôn. Kră Yang 'Bok Kei-Dei pơjing boih pơlei noh. Kơjăp ling-lang, ling-lang. Sêla

Horiso 75:10

Inh gô ret lê̆ đĭ hơke lu bơngai kơnê̆, mă-lei gah hơke lu bơngai tơpăt gô hơtŏk kơjung.

Horiso 92:10

Mă-lei Ih ăn kơ hơke inh rai kơjung thoi rơmo bri. Ih tuh boih kơ inh hăm đak pơgang 'bâu phu 'nao.

Tơdrông Pơđơk 16:12

Pơm kơnê̆ 'mê̆ 'brư̆ noh lu pơtao areh dêh; Tang-dŏ pơtao kơjăp noh đơ̆ng tơdrong tơpăt.

Tơdrông Pơđơk 20:26

Pơtao gơh hơgei lei đei 'bôh đĭ lu bơngai kơnê̆, lê̆ jơ̆ng gre kơtĭt kơpal lu sư.

Tơdrông Pơđơk 20:8

Pơtao ngôi kơpal tang-dŏ sư sek tơlang, Yua măt sư lăng đĕch 'bôh lĕch đĭ lu tơdrong kơnê̆.

Je 21:12

Kră Yang khan: “Ơ adrĕch Đawit, Pơm bĕ tơdrong 'lơ̆ng tơpăt hơnơ̆ng rim pơgê hrôih, Dŏng pơklaih bĕ lu bơngai đe sa pơgâm, đơ̆ng ti lu bơngai pơjuă pơđep, Kơnh hli kơ Inh hil khơ̆ng thoi ŭnh, ưh kơ đei bu kĕ pĭt, Yua kơ đơ̆ng tơdrong lu iĕm đei pơm yoch kơnê̆.”

Hôsia 9:3

Lu sư ưh kơ gơh oei ôh tơ lăm char Kră Yang; mă-lei Êphraim gô wih brŏk tơ char Êyiptơ, lu sư gô sa tơmam sa ưh kơ 'lơ̆ng rơgoh lăm char Asiri.

Mi 3:9

Ơ lu kơdră hnam Jakôp păng lu bơngai pơgơ̆r hnam Isơrael, mơ̆ng bĕ nơ̆r âu, iĕm areh kơ tơdrong trŏ păng wă pơrăm pơrai tơdrong tơpăt hơnơ̆ng.

Tơdrông Tơ'bôh 21:27

Tơdrong 'mê̆-'mach ưh kơ gơh mơ̆t ôh tơ lăm pơlei noh. Bơngai hơlĕnh, bơngai oei kơkuh kơ yang nai, ưh kơ gơh mơ̆t ôh. Pôm lu bơngai đei chih anăn lăm sơ̆p hla bơar Kon Triu đĕch gơh mơ̆t. Sơ̆p hla bơar Kon Triu noh chih anăn dôm lu bơngai mă gô arih hăm Sư ling-lang.