Horiso 100:3 - Sơ̆p Hlabơar Nơ̆r 'Bok Kei-Dei

³ Athei băt Kră Yang jơ̆ 'Bok Kei-Dei, Sư boih Tơ'ngla pơjing bơ̆n, lu bơ̆n jing tơmam Sư. Lu bơ̆n kon pơlei pơla Sư, jơ̆ kon triu lăm tơmăn 'nhĕt Sư

Horiso 100:3 Iomraidhean Croise

II Pot 19:19

Thoi noh na dang ei, ơ Kră Yang 'Bok kei-Dei nhôn! Pơklaih nhôn đơ̆ng ti pơtao noh bĕ wă kơ đĭ-đăng dêh char tơ teh âu băt minh 'nu Ih đĕch Kră Yang 'Bok Kei-Dei.”

I Ho 16:14

Sư boih Kră Yang 'Bok Kei-Dei bơ̆n; Sư sek tơlang jơ̆p-jang kơ teh đak.

Jop 10:3

Ih hăm lăp wă pơjuă pơrăm inh, wă achăng lê̆ inh đơ̆ng ti Ih pơjing, Na hiôk iŏk tơdrong lu bơngai pơm kơnê̆ wă pơm hă?

Horiso 119:73

Tơpang ti Ih pơjing păng man inh; Ăn kơ inh 'ngok hlôh wao, wă kơ inh hŏk kiơ̆ nơ̆r tơtă Ih.

Horiso 12:4

Lu bơngai noh khan: “Yua kơ đơ̆ng hơpiĕt gô jei bơ̆n; 'Bơ̆r lu bơ̆n kơdih: Bu pơm yŏng bơ̆n?”

Horiso 149:2

Ăn kơ lu bơngai Isơrael chơt hiôk lăm Tơ'ngla mă pơjing lu sư; Hơpơi ăn kơ lu kon sâu Siôn chơt hiôk lăm Pơtao sư.

Horiso 46:10

Hreh bĕ athei băt Inh boih Kră Yang 'Bok Kei-Dei. Inh đe gô pôk pơư tơ jơ̆p dêh char, kư̆m pôk pơư kơ Inh tơ kơpal teh.

Horiso 78:52

Mă-lei sư chông ba kon pơlei Sư lĕch thoi triu, Chông ba lu sư thoi khŭl triu rok char glă.

Horiso 79:13

Gah lu nhôn jing kon pơlei pơla Ih păng jing triu lăm tơmăn 'nhĕt Ih. Lu nhôn gô bơnê kơkuh kơ Ih ling-lang. Lu nhôn gô hơri bơnê kơ Ih ling-lang hlŏng hloi.

Horiso 95:3

Yua kơ Kră Yang jơ̆ 'Bok Kei-Dei Tih Hloh. Sư pơtao Tih Hloh kơ đĭ-đăng yang

Le 6:7

Inh gô iŏk lu iĕm pơm kon pơlei Inh păng Inh gô pơm Kră Yang 'Bok Kei-Dei lu iĕm; lu iĕm gô băt kơ Inh jing Kră Yang 'Bok Kei-Dei lu iĕm, pơklaih rơngei lu iĕm đơ̆ng pơm đĭch đam kơ lu bơngai Êyiptơ.

Bôk Bơthô 12:1

'Blŏk bĕ kơ Tơ'ngla mă pơjing ih kơplah ih oei hơmuh hơmŏng, 'blŏk adrol kơ lu năr kơnê̆ wă truh, adrol kơ lu sơnăm mă ih khan: Inh pă hiôk lu sơnăm 'nâu;

Êsai 63:11

Na kon pơlei 'blŏk hơdơ̆r dơ̆ng kơ đơ̆ng sơ̆, 'blŏk kơ Môis păng kon pơlei Kră Yang na jet: Tơ'ngla mă hơtŏk lu sư păng bơngai wei khŭl sem dơrong Kră Yang, hlôi đơ̆ng đak dơsĭ tơ yơ bơih? Tơ'ngla ăn Yang Bơhngol Sư oei hơdai hăm kon pơlei tơ yơ bơih?

Êsai 63:19

Đunh bơih, lu nhôn nhen thoi minh khŭl kon pơlei, mă Kră Yang ưh tam mă pơgơ̆r păng đe ưh tam mă krao hăm anăn Ih.

Êsai 64:7

Ưh kơ đei bu krao chă anăn Ih, kư̆m ưh kơ đei bu 'blŏk wă rôp kơjăp kiơ̆ Ih, yua kơ Ih ôn bơih muh măt Ih kơ lu nhôn, lê̆ lu nhôn răm lăm tơdrong yoch lu nhôn kơdih.

Je 10:10

Mă-lei Kră Yang jơ̆ 'Bok Kei-Dei sĭt; Sư jơ̆ Kră Yang 'Bok Kei-Dei arih; Pơtao ling-lang. Mưh Sư hil teh đak pơpơ̆; đĭ-đăng dêh char ưh kơ kĕ pŭ iŏk ôh dôm tơdrong Sư hil mĭl.”

Êsêkiên 34:11

'Nâu nơ̆r Kră Yang khan: Inh kơdih gô chă triu Inh păng rong bơwei lu sư.

Yo 17:3

Lu sư đei tơdrong arih ling-lang yua kơ lu sư lui kơ Ih Kră Yang 'Bă Tơm kơpal plĕnh păng băt kơ Inh Yêsu Krist mă Ih wơh jur tơ ala teh âu.

II Kor 4:6

Kơplah 'Bok Kei-Dei pơjing plĕnh teh sơ̆ Sư khan kơ măng mu athei đei hơdah na đei hloi. Na Sư kư̆m pơchrang tơdrong hơdah Sư tơ jơhngơ̆m đon nhôn, tơ muh măt Yêsu Krist, wă tơbăt kơ nhôn Sư Kră Yang 'Bok Kei-Dei mơsêh tơpă.

Êphêsô 2:10

Tơdrong 'Bok Kei-Dei ăn kơ bơ̆n jing bơngai 'nao, yua kơ bơ̆n pôm đon hăm Yêsu Krist. Tơdrong bơ̆n jing bơngai 'nao noh Sư wă kơ bơ̆n pơm tôm tơdrong 'lơ̆ng tơpăt ngăl, na blŭng-a sơ̆ 'Bok Kei-Dei wă kơ bơ̆n pơm 'lơ̆ng ling-lang thoi noh.

Both 32:15

Jêsurunb wă rai bek mơdrŏng pran, wă iŏk jơ̆ng đă plơ̆ akâu sư bek lơluĭnh boih na lu sư achăng lê̆ Kră Yang 'Bok Kei-Dei Tơ'ngla mă pơjing lu sư, păng pơjăm lê̆ Tơmo Tih mă dŏng pơklaih.

Both 32:6

Ơ kon pơlei kơhlôh kơwao ưh kơ đei đon tơchĕng, lu iĕm pơm kơ Kră Yang thoi noh hă? Ưh kơ trŏ kơ 'Bă lu iĕm hă, ưh kơ tơ'ngla pơjing iĕm hă? Ưh kơ trŏ Sư pơjing iĕm jing adrĕch adrung Sư hă?

Both 4:35

Đei tơ'bôh boih kơ lu iĕm dôm tơdrong noh, wă băt kơ Kră Yang 'noh boih Kră Yang 'Bok Kei-Dei, ưh kơ bu nai dơ̆ng.

Both 4:39

Thoi noh, dang ei iĕm athei băt păng chih răk bĕ lăm jơhngơ̆m lu iĕm: Kră Yang noh boih Kră Yang 'Bok Kei-Dei tơ kơpal plĕnh ti păng tơ ala teh âu; ưh kơ đei bu nai dơ̆ng.

Both 7:9

Thoi noh na iĕm athei băt kơnăl kơ Kră Yang 'Bok Kei-Dei iĕm, 'noh boih Kră Yang 'Bok Kei-Dei, wă khan Kră Yang 'Bok Kei-Dei tơpăt, wei tơdrong pơgơ̆p păng 'mêm truh tơ rơbâu jơhnơr kơ lu bơngai bu mă 'mêm kơ Sư păng wei răk dôm nơ̆r sư tơtă.

I Pet 2:25

Sơ̆ bơ̆n thoi triu jrok trong hiong tơ bri brah, mă-lei dang ei bơ̆n băt kơ trong brŏk tơ Yêsu Krist tơ'ngla wei bơ̆n.

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.

I Pet 4:19

Mă 'Bok Kei-Dei ăn tơdrong gleh truh kơ bơ̆n, bơ̆n athei pơm 'lơ̆ng hơnơ̆ng păng pơjao kơ Sư tơdrong arih bơ̆n; yua kơ Sư pơjing bơ̆n, Sư ưh kơ lê̆ bơ̆n ôh.

I Yo 5:20

Bơ̆n băt Kon pôm 'Bok Kei-Dei jur tơ bơ̆n boih. Sư roi tơbăt ăn kơ bơ̆n tôm tơdrong 'Bok Kei-Dei Kră Yang tơm tơpă. Bơ̆n pôm đon păng Kră Yang 'Bok Kei-Dei păng pôm đon păng Kon Sư Yêsu Krist mơ̆n. Yêsu Krist Sư kư̆m Kră Yang tơpă mơ̆n na Sư ăn kơ bơ̆n arih ling-lang.