Horiso 100:2 - Sơ̆p Hlabơar Nơ̆r 'Bok Kei-Dei

² Bơ̆jang bĕ kơ Kră Yang hăm tơdrong chơt hiôk, Năm hơri 'nă hal bĕ 'bơ̆t anăp Sư.

Horiso 100:2 Iomraidhean Croise

I Pot 8:66

Lăm năr mă tơhngam pơtao ăn kơ kon pơlei pơla brŏk; kon pơlei kư̆m krao khan hơpơi pŭn hiôk kơ pơtao kơplah lu sư brŏk tơ anih lu sư, lu sư chơt hiôk 'nă hal lăm jơhngơ̆m, yua kơ Kră Yang wei-lăng đĭch đam Sư Đawit hăm đĭ-đăng lu bơngai Isơrael, kon pơlei pơla Sư rơih.

II Ho 29:30

Pơtao Hesekia păng lu yŏng pơgơ̆r athei bơngai Lêwi hat hơri bơnê kơ Kră Yang hăm nơ̆r hơri đơ̆ng Đawit păng Asap pơm, Asap, 'bok mă juăt kơ 'bôh adrol; lu sư hat hơri chơt hiôk kŭp kơ̆l kơkuh.

II Ho 31:2

Hesekia klah asong lu 'bok soi păng lu bơngai Lêwi, kiơ̆ kơ khŭl tơdrong jang lu sư, wă pơyơ̆r tơmam soi 'buh păng tơmam soi pơyơ̆r kơ 'blŏk bơnê, wă kơkuh bơnê păng hơri ư-ang tơ anih lu 'măng jang cham Hnam Kră Yang.

Horiso 42:4

Âu inh 'blŏk kơ tơdrong âu, năr bơhngol inh sơ'ngon. Sơ̆ inh năm hăm tơpôl lơ, ba lu sư truh tơ hnam Kră Yang 'Bok Kei-Dei, Đei nơ̆r jreo chơt păng kơkuh bơnê minh tơpôl lơlap pơm giĕng.

Horiso 71:23

'Bơ̆r păng bơhngol inh mă Ih đei huai iŏk. Gô ôr chơt, mưh inh hơri bơnê kơ Ih.

Horiso 95:2

Bĕ bơ̆n năm 'bơ̆t anăp Sư hăm nơ̆r bơnê. Chơt hiôk 'nă hal hăm nơ̆r hơri bơnê kơ Sư.

Both 12:12

Tơ noh lu iĕm, kon drŏ-nglo, kon drŏ-kăn, đĭch drŏ-nglo păng đĭch drŏ-kăn lu iĕm lu bơngai Lêwi mă oei lăm pơlei hơdai lu iĕm, lu bơngai mă ưh kơ đei iŏk tơmam dah teh jang sa kơdih gô chơt hiôk 'bơ̆t anăp Kră Yang 'Bok Kei-Dei iĕm.

Both 16:11

Hơdai hăm kon drŏ-nglo, kon drŏ-kăn, đĭch drŏ-nglo đĭch drŏ-kăn, lu bơngai Lêwi mă oei hơdai lăm pơlei iĕm, bơngai tơmoi, bơngai mơti păng bơngai adro mă oei hơdai hăm iĕm, kư̆m hơdai wang hiôk chơt tơ anih mă Kră Yang 'Bok Kei-Dei gô rơih wă 'măn kơ Anăn Sư.

Both 16:14

Hơdai hăm kon drŏ-nglo kon drŏ-kăn, đĭch drŏ-nglo đam drŏ-kăn, bơngai Lêwi, bơngai tơmoi, bơngai mơti păng bơngai adro oei hơdai lăm pơlei iĕm, kư̆m hơdai wăng hiôk chơt 'blŏk hơdơ̆r pơm giĕng.

Both 28:47

Kơplah đei mŭk tơmam rơkah rơkai, iĕm ưh tam lăp đon jơhngơ̆m hiôk bơ̆jang kơ Kră Yang 'Bok Kei-Dei.

Philip 4:4

Hiôk bĕ iĕm yua kơ iĕm lui kơ Kră Yang Yêsu Krist boih. Inh wă khan kơ iĕm dơ̆ng: Hiôk bĕ iĕm.