Horiso 1:3 - Sơ̆p Hlabơar Nơ̆r 'Bok Kei-Dei

³ Bơngai noh nhen thoi tơm 'long chăt cheng đak glung, Đei plei kiơ̆ kơ bơyan, Hla sư ưh kơ đei layơ jô kro, Rim tơdrong jang sư pơm jing ngăl.

Horiso 1:3 Iomraidhean Croise

Bl 39:23

Yŏng wei hnam phak ưh pă đei jang kiơ boih, lê̆ kơ Jôsep ngăl, yua kơ Kră Yang tơgŭm sư, mă tôm tơdrong jang kiơ đơ̆ng sư pơm tă kơ jing ngăl.

Bl 39:3

Yŏng tơ'ngla sư 'bôh đei Kră Yang tơgŭm tôm tơdrong jang sư, na tơdrong jang sư pơm keh 'lơ̆ng ngăl.

II Pot 18:7

Kră Yang oei hơdai hăm sư; dôm sư pơm kiơ, dah jang kiơ gơh jing. Sư blah pơtao đe Asiri, ưh pă chu kơ pơtao ei dơ̆ng.

I Ho 22:11

Dang ei ơ dăm ăn kơ Kră Yang oei hơdai hăm ih, tơgŭm ih lăm tơdrong pơm hnam kơkuh kơ Kră Yang 'Bok Kei-Dei ih, kiơ̆ thoi Sư đei khan boih gah ih.

I Ho 22:13

Thoi noh ih gô đei tơdrong kĕ jei, tơdah ih pơ'lơ̆ng wei răk pơm kiơ̆ tơdrong juăt păng nơ̆r tơtă Kră Yang athei Môis khan ăn kơ lu bơngai Isơrael. Pran kơjăp, păng nuih kơtang bĕ 'nĕ kơ hli, 'nĕ kơ tơrơ.

II Ho 31:21

Dôm tơdrong jang sư pơm, gah Hnam Kră Yang 'Bok Kei-Dei gah tơdrong wei răk khôi juăt păng nơ̆r tơtă, gah tơdrong chă Kră Yang 'Bok Kei-Dei sư jang đĭ jơhngơ̆m, na tơdrong jang sư rai tŏk keh 'lơ̆ng.

II Ho 32:23

Đei lơ bơngai năm pơyơ̆r lu tơmam soi kơ Kră Yang păng năm ba pơyơ̆r ăn tơmam gĭt kơ Hesekia pơtao Juđa tơ pơlei Jêrusalem; iŏk đơ̆ng năr noh năm tơ anăp Hesekia đe ư-ang pơyom tơ jơ̆p-jang kơ dêh char.

Jop 14:9

Mưh đei hơyuh đak, sư gô chăt tơ'biĕng, păng bluh dơ̆ng thoi minh tơnơm 'long.

Jop 22:28

Tơdrong kiơ ih wă pơm sĭt gô jing; Tơdrong hơdah gô pơchrang lu trong ih.

Horiso 128:2

Ih gô đei sa yua đơ̆ng tơdrong jang tơpang ti kơdih, ih gô đei pŭn hiôk jơnap.

Horiso 129:8

Lu bơngai yak brih găn kư̆m ưh kơ pơma sơkat: “Hơpơi kơ Kră Yang tuh ăn tơdrong pŭn hiôk kơ lu iĕm! Lu nhôn yua anăn Kră Yang sơkat kơ iĕm đei pŭn hiôk.”

Horiso 92:14

Mă khan truh tơ kră, lu sư oei đei pơkao plei. Sư jing păng hơdrih ling-lang,

Horiso 92:15

Wă tơ'bôh kơ Kră Yang tơpăt; Sư jơ̆ tơmo pĕng inh lăm Sư ưh kơ đei đŏng đĕo.

Êsai 27:11

Mưh lu dơng sư kro păng tơgơ̆ hơlŭng, lu drŏ-kăn dônh chĕp ba pơm hơpaih. Kon pơlei âu ưh kơ hlôh ôh, na Tơ'ngla mă pơjing lu sư ưh kơ 'blŏk mơnat, Tơ'ngla man pơjing lu sư ưh kơ tơ'bôh ăn tơdrong hiôk kơ lu sư.

Êsai 3:10

Khan bĕ kơ lu bơngai 'lơ̆ng tơpăt. Pŭn hiôk kơ lu sư; yua kơ lu sư gô đei sa plei đơ̆ng lu sư jang kơdih.

Êsai 44:4

Lu sư gô bluh chăt lăm 'nhĕt, nhen thoi tơm 'long hla prai chăt cheng đak glung,

Êsai 58:11

Kră Yang ling-lang gô chông ba ih ăn kơ ih tôm mah lăm anih teh hrĕng kro, pơm ăn kơ akâu jăn ih pran jăng. Ih thoi lĕ pơgar đe ruh đak ling-lang, thoi tu đak glung ưh kơ đei layơ hrơ̆.

Je 17:8

Bơngai noh nhen thoi tơm 'long pơtăm cheng đak, Chăt rơh cheng đak krong, mă khan tŏ phang ưh kơ hli, hla ưh kơ đei jô kro oei arih 'lơ̆ng. Mă tơ'bơ̆p hĭ bơyan tŏ phang kư̆m huay kơ tơtăm, oei plei hơnơ̆ng ưh kơ pơdơh.”

Êsêkiên 17:8

Mă khan tơm 'long hơmu pơtăm tơ lăm mir teh 'lơ̆ng jê̆ đak, bluh kơchar, đei plei jing tơm hơmu gĭt.

Êsêkiên 19:10

Mĕ ih thoi tơm 'long hơmu lăm pơgar, pơtăm jê̆ đak, đei dơng hla tơ'bla chăt 'lơ̆ng păng đei plei trem yua kơ pơtăm jê̆ đak.

Êsêkiên 31:5

Đơ̆ng đak ruh hơiuh na 'long wơ̆ tih kơjung hloh kơ đĭ-đăng lu 'long lăm bri; dơng hla tơ'bla bluh jing, dơng tơ'bla bluh kơjung yua kơ đei đak lăm rơh sư.

Êsêkiên 47:12

Tơ tơter jih đak krong 'bar pah đe pơtăm tôm kơ lu 'long plei sa, lu hla ưh kơ hơlŭng, lu 'long đei plei hơnơ̆ng, rim khei đei pơkao plei 'lơ̆ng yua kơ đei đak ro lĕch đơ̆ng hnam akŭm. Plei wă pơm tơmam sa păng yua wă pơm pơgang.”

Jo 24:6

Thoi thŭng đe tơraih rai să, thoi pơgar 'nhot cheng đak glung, thoi 'long 'bâu phu mă đêl Kră Yang pơtăm 'long hơngo chăt cheng đak glung.

Mathiơ 13:6

Lăp 'năr tŏ boih sư jô na lôch hloi, yua kơ rơh sư chăt ưh kơ jrŭ.

Mathiơ 21:19

Na Sư 'bôh minh tơnơm 'long hơra 'bơ̆t cheng trong. Na Sư thar năm lăng 'long hơra noh ngêh kơ đei plei, plă kơ ưh, 'bôh pôm hla đĕch. Na Yêsu sơkat kơ 'long hơra noh khan: “Đơ̆ng âu tơ anăp e 'nĕ pă plei dơ̆ng.” Sĭt tơpă tơnơm 'long hơra noh kro lôch hloi.

Mathiơ 21:34

Lăp trŏ kơ bơyan plei hơmu đum boih, na sư wơh lu đĭch đam sư năm tơ lu bơngai jang mơng noh wă iŏk plei hơmu mă 'măn kơ tơ'ngla sư.

Mathiơ 21:41

Na đe khan: “Sư gô pơlôch đĭ lu bơngai pơm kơnê̆ noh, na ăn kơ bơngai nai jang dơ̆ng, na lu bơngai jang mơng đơ̆ng rŏng noh gô klah asong sư plei hơmu tơpă.”

Yo 15:6

Bơngai bu ưh kơ oei lăm Inh, 'Bă Inh gô tŭk lê̆ sư, kư̆m thoi đe tŭk dơng 'long, na dơng 'noh jing kro. Klaih kơ noh đe dônh lu dơng kro noh klơ̆m tŭk lăm ŭnh, na ŭnh gô sa sư.

Both 28:8

Kră Yang gô pơm ăn kơ iĕm pŭn hiôk, tơ lăm pơk 'ba păng tơ lăm lu tơdrong jang iĕm pơm; Sư gô ăn pŭn hiôk kơ iĕm lăm dêh char mă Kră Yang 'Bok Kei-Dei wă ăn.

Ju 1:12

Kơplah iĕm sŏng sa tih, iĕm sa hơpong wă tơbăt kơ đe tơdrong iĕm 'mêm băl, lu sư kư̆m sŏng sa hơdai iĕm mơ̆n, mă-lei lu sư sa dư dêh wă kơ mă hrăp kơ hơlŏng klak lu sư kơdih, ưh kơ băt mơlâu kơ bôl buăl. Lu sư pơm tơdrong noh kơplah iĕm akŭm băl tơdrong 'lơ̆ng, thoi lĕ kơ ao 'nao, mă sư mơgrĭ. Lu sư jing bơngai ưh kơ yua, thoi hơmơ̆l păr tơ rơwơ̆ng ưh kơ đei 'mi, kial thu jơ̆p-jang; kư̆m thoi 'long ưh kơ plei, trŏ bơyan plei mă sư jing thoi 'long lôch, jing tơbuch đĭ rơh sư hloi.

Tơdrông Tơ'bôh 22:2

Đak krong ei ro tŏk-bŏk pơlei hloi, cheng đak krong ei đei 'long pah âu pah to wă ăn kơ kon bơngai arih. 'Long ei minh sơnăm mơjĭt-'bar 'măng plei, rim khei minh 'măng. Hla sư kư̆m yua wă ăn kơ kon bơngai sa jing đei jơhngơ̆m pran.