Horiso 1:1 - Sơ̆p Hlabơar Nơ̆r 'Bok Kei-Dei

¹ Pŭn dêh kơ bơngai bu, ưh kơ kiơ̆ trong lu bơngai kơnê̆, kư̆m ưh kơ oei lăm trong lu bơngai yoch, kư̆m ưh kơ ngôi hơdai hăm lu pơjăm đe;

Horiso 1:1 Iomraidhean Croise

Bl 49:6

Apơi jơhngơ̆m inh huay kiơ̆ kơ đon kơnê̆. Tơdrong ư-ang inh huay kơ hơdai lu sư; Yua kơ lu sư đei pơlôch boih bơngai lăm năr sư ơh blĕk. Koh huan jơ̆ng rơmo tơno kiơ̆ thoi lu sư kơdih wă.

Bl 5:24

Ênok kiơ̆ Kră Yang 'Bok Kei-Dei, na biŏng pă 'bôh hloi, yua kơ Kră Yang 'Bok Kei-Dei sơng iŏk sư boih.

I Pot 16:31

Sư lăng pơm yoch rok thoi Jêrôbôam kon drŏ-nglo Nêbat iĕ đĕch, sư iŏk Jêsebel kon drŏ-kăn Êtbaal pơtao đe Siđôn pơm akăn; sư bơ̆jang kơ yang Baal păng kơkuh kơ yang 'noh.

II Ho 22:3

Sư kư̆m pơm kiơ̆ trong Ahap; yua kơ mĕ sư pơhlŭ sư pơm tơdrong kơnê̆.

Jop 10:3

Ih hăm lăp wă pơjuă pơrăm inh, wă achăng lê̆ inh đơ̆ng ti Ih pơjing, Na hiôk iŏk tơdrong lu bơngai pơm kơnê̆ wă pơm hă?

Jop 21:16

Tơdrong mơdrŏng lu sư hăm đei oei lăm tơpang ti lu sư ưh? Inh weh ataih đơ̆ng bơngai pơm kơnê̆ pơđâu.

Jop 31:5

Tơdah inh đei năm hơdai hăm lu bơngai hơlĕnh pơdăr Dah jơ̆ng inh hăt hot yak kiơ̆ trong lu bơngai bơkuĕch.

Horiso 1:6

Yua kơ Kră Yang băt trong lu bơngai tơpăt, Mă-lei trong lu bơngai kơnê̆ gô hiong răm.

Horiso 106:3

Pŭn dêh kơ bu wei răk tơdrong tơpăt hơnơ̆ng pơm tơdrong 'lơ̆ng tơpăt ling-lang!

Horiso 112:1

Halêluya! Pŭn dêh bu băt kơ hli yom kơ Kră Yang. 'Maih wă dêh kơ tơdrong juăt Sư!

Horiso 119:115

Ơ lu bơngai pơm kơnê̆, weh bĕ đơ̆ng inh. Wă kơ inh wei răk nơ̆r Kră Yang 'Bok Kei-Dei inh tơtă.

Horiso 144:15

Pŭn dêh kơ kon pơlei pơla ayơ đei thoi noh! Pŭn dêh kơ kon pơlei pơla ayơ mă đei Kră Yang jing Kră Yang 'Bok Kei-Dei lu sư!

Horiso 146:5

Pŭn dêh kơ bơngai bu đei Kră Yang 'Bok Kei-Dei Jakôp tơgŭm Sư. Bơngai bu hơmĕng kơ Kră Yang 'Bok Kei-Dei sư!

Horiso 146:9

Kră Yang wei-lăng lu bơngai tơmoi. Dŏng tơiung lu mơti păng adro po; Mă-lei Sư pơrăm lê̆ trong lu bơngai pơm kơnê̆.

Horiso 2:12

Chŭm Sư bĕ, hli kơ Sư hil, păng hli kơ iĕm lôch hiong lăm trong tôch; Yua kơ tơdrong sư hil rai tŏk. Pŭn hiôk dêh kơ bu mă kơ'nơp lăm Sư!

Horiso 26:12

Jơ̆ng inh dơ̆ng 'bơ̆t trong dơhnă; Inh gô bơnê ư-ang kơ Kră Yang lăm năr akŭm tih.

Horiso 34:8

Pơlong lăng bĕ Kră Yang na 'bôh Sư 'lơ̆ng tơpăt dang yơ! Pŭn dêh kơ bu băt kơ'nơp lăm Sư!

Horiso 36:4

Sư tơchĕng wă pơm kơnê̆ kơplah oei kơpal giơng, Sư kiơ̆ trong ưh kơ 'lơ̆ng, sư ưh kơ achăng lê̆ tơdrong kơnê̆.

Horiso 64:2

Ôn inh hlơp đơ̆ng lu bơngai kơnê̆ chă đon noh. Păng đơ̆ng lu bơngai tơpôl pơm kơnê̆.

Horiso 81:12

Thoi noh, Inh achăng lê̆ lu sư pơm kiơ̆ kơ jơhngơ̆m arăng kơ chu lu sư. Kiơ̆ kơ tơdrong lu sư chă đon kơdih.

Horiso 84:12

Ơ Kră Yang 'Bok Kei-Dei Tih Hloh, pŭn dêh kơ bơngai bu mă gơnang kơ Ih!

Tơdrông Pơđơk 1:15

Ơ dăm, 'nĕ kơ năm kiơ̆ lu sư ôh, Jơ̆ng ih weh bĕ, 'nĕ kơ yak kiơ̆ trong lu sư.

Tơdrông Pơđơk 1:22

Ơ lu bơngai kơtul kơwao, Lu iĕm 'mêm kơ tơdrong kơtul kơwao dĭng dang yơ? Lu bơngai pơjăm pơjuă chơt hiôk pơjăm pơjuă dĭng dang yơ? Lu bơngai kơtul areh kơ tơdrong hơgei dĭng dang yơ?

Tơdrông Pơđơk 13:15

Tơdrong hlôh wao tơpă mă đei mơnat; Mă-lei tơdrong lu bơngai pơm yoch gô pơmat-tat.

Tơdrông Pơđơk 13:20

Bơngai bu pơm buăl juăt hăm bơngai hơgei gô gơh hơgei. Mă-lei bơngai bu pơm buăl juăt hăm bơngai kơtul kơwao gô răm.

Tơdrông Pơđơk 19:29

Tơdrong phak 'măn boih kơ bơngai blei hiap Chă lê̆ 'long wă teh rŏng lu bơngai bơlŭk.

Tơdrông Pơđơk 2:12

Wă dŏng ih klaih đơ̆ng trong pơm kơnê̆, Klaih đơ̆ng lu bơngai pơma hơlĕnh pơdăr,

Tơdrông Pơđơk 3:34

Hăm lu bơngai blei hiap Sư blei hiap lu bơngai juăt kơ blei hiap đe, Mă-lei sư ăn pŭn hiôk kơ bơngai bu băt pơyom.

Tơdrông Pơđơk 4:19

Gah trong lu bơngai pơm kơnê̆ thoi măng mu; Lu sư ưh kơ băt kiơ pơm kơ lu sư pơ̆k.

Tơdrông Pơđơk 9:12

Tơdah ih gơh hơgei, đei yua kơ ih kơdih; Tơdah ih blei hiap, sĭt ih gô pŭ hơngiap kơdih.

Je 15:17

Inh ưh kơ lah ngôi chơt hiôk hơdai hăm lu bơngai et sa kơnê̆ ôh, Inh kư̆m ưh kơ lah hiôk hơdai lu sư; Inh ngôi minh drô̆ inh yua kơ ti Ih dan kơpal inh, Ih kư̆m tuh kơ jơhngơ̆m inh 'bĕnh kơ tơdrong Ih hil mĭl.

Je 17:7

Pŭn hiôk dêh kơ bơngai bu mă lui gơnang kơ Kră Yang, Păng hơmĕng hơđơ̆ng kơ Kră Yang.

Êsêkiên 20:18

Inh khan kơ lu kon sâu sư lăm char glă: “'Nĕ kơ kiơ̆ khôi juăt lu yă 'bok iĕm, 'nĕ wei răk nơ̆r lu sư tơtă păng kơdih iĕm 'nĕ kơ pơm kơnê̆ 'mê̆-'mach kơkuh kơ rup yang lu sư.

Mathiơ 16:17

Yêsu khan: “Ơ Simôn, kon Yôhan, ih hiôk tơpă. Kon bơngai ưh kơ đei tơbăt kơ ih tơdrong noh ôh. 'Bă Inh mă oei tơ plĕnh ti đĕch tơbăt kơ ih tơdrong noh.

Luka 11:28

Mă-lei Yêsu khan: “Bơngai bu mơ̆ng nơ̆r 'Bok Kei-Dei păng pơm kiơ̆, sư boih hiôk hloh.”

Luka 23:51

Na kơplah lu bôl sư sek tơlang kơ Yêsu khan wă pơlôch Sư hei, Yôsep ưh kơ wă mơ̆t đon lu đe noh ôh. Sư hơdai wang chang gô 'Bok Kei-Dei pơgơ̆r mơ̆n.

Yo 13:17

Na dang ei iĕm băt boih tơdrong 'noh, yua kơ Inh bơtho. Dah iĕm răk tơdrong 'noh lei iĕm gô hiôk chơt tơduă iĕm tơpă.

Yo 20:29

Mă-lei Yêsu khan kơ sư: “Ih 'bôh Inh boih, thoi noh ih lui. Lu bơngai bu mă ưh kơ 'bôh Inh, mă-lei sư lui, 'noh hiôk tơpă kơ lu sư.”

Rom 5:2

Bơ̆n lui kơ Yêsu Krist na 'Bok Kei-Dei 'mêm mơnat kơ bơ̆n. Sư ăn kơ bơ̆n hiôk chơt yua kơ bơ̆n băt chang gô măng năr Sư wă ăn kơ bơ̆n oei hơdai hăm Sư hiôk-hian ning-mônh.

Êphêsô 6:13

Thoi noh na bơ̆n athei gơnang kơ 'Bok Kei-Dei tơgŭm bơ̆n lăm tôm tơdrong, wă kơ bơ̆n đei jơhngơ̆m pran huay kơ hiong răm kơplah bơ̆n đei tơdrong tơblah hăm yang kơnê̆. Bơ̆n athei adrin pơjăng pơjăr dĭng truh năr tôch.

Both 14:6

Lăm lu sem brem, mă lu iĕm gơh sa noh lu kon sem brem ayơ đei kơchôp blah 'bar păng gơh mơkan.

Both 33:29

Ơ bơngai Isơrael ih pŭn hiôk dêh, kon pơlei Kră Yang dŏng pơklaih bơih, Kră Yang. Sư thoi khêl pĕng tơgŭm ih, thoi đao gưm pơm ăn kơ ih kĕ jei jơnei tih. Lu bơngai ayăt gô năm chă pơm lung, na ih gô pơjuă bơhlơ̆r anih kơjung lu sư.

I Pet 4:3

Kơplah iĕm tam mă lui sơ̆, iĕm pơm lơ boih tơdrong kơnê̆. Na dang ei 'nĕ pă pơm thoi lu bơngai sơmăt lăp đon; lu sư hưch hanh pơm tôm tơdrong kơnê̆ kư̆ kă, et sik suai, sa dư, pơm kư̆ kă lăm năr sư sa et tih kơkuh kơ rup yang sư.

Tơdrông Tơ'bôh 22:14

Bơngai bu pih ao sư rơgoh bơngai noh boih hiôk. Bơngai noh gơh sa plei 'long mă kon bơngai arih ling-lang. Păng sư noh gơh mơ̆t 'măng dur Pơlei Jêrusalem 'nao.