Hêbrơ 9:7 - Sơ̆p Hlabơar Nơ̆r 'Bok Kei-Dei

⁷ Gah lăm mă 'bar lăp minh 'nu 'bok soi tih đĕch gơh mơ̆t kơkuh kơ 'Bok Kei-Dei lơ̆m noh. Mă-lei minh sơnăm minh 'măng đĕch, mă mơ̆t athei yua hăm pham sem dơrong 'mơ̆i na gơh mơ̆t, iŏk pham sem noh soi kơ 'Bok Kei-Dei, wă kơ 'Bok Kei-Dei huay kơ jô̆ yo kơ tơdrong yoch sư kơdih hăm tơdrong yoch lu bôl buăl sư bơngai Isơrael.

Hêbrơ 9:7 Iomraidhean Croise

II Sam 6:7

Kră Yang hil dêh kơ Usa, yua kơ sư rôp pel 'bơm Hom pơgơ̆p noh; Kră Yang 'Bok Kei-Dei pơlôch hloi sư 'bơ̆t anih 'noh 'bơ̆t cheng Hom pơgơ̆p Kră Yang 'Bok Kei-Dei.

II Ho 33:9

Mă-lei Manase pơhlŭ bơngai Juđa păng kon pơlei Jêrusalem dĭng mah lu sư pơm yoch kơnê̆ hloh kơ lu bơngai adrĕch mă Kră Yang pơrăm pơlôch đĭ 'bơ̆t anăp lu bơngai Isơrael.

Horiso 19:12

Bu băt kơdih đei yoch glăi? Apinh Kră Yang mơnat tơdrong yoch mă inh ưh kơ băt.

Horiso 95:10

Lăm puăn-jĭt sơnăm Inh hil mĭl dêh kơ adrĕch adrung noh; Inh khan: “Noh minh adrĕch đei jơhngơ̆m yoch păng lu sư ưh kơ băt trong inh;”

Le 30:10

Minh sơnăm minh wơ̆t, Arôn gô iŏk pham kon sem dơrong soi 'buh huai đơ̆ng tơdrong yoch, pik tơ kơpal ake chơnang soi wă pơm kơ chơnang soi rơgoh minh wơ̆t rim sơnăm lăm đĭ-đăng jơhnơr. 'Nâu boih jing chơnang soi rơgoh 'lơ̆ng hloh ăn kơ Kră Yang.

Êsai 28:7

Mă-lei lu đe noh kư̆m wing măt yua kơ sik hơmu pơm. Nơnăm 'ma 'ngiĕo yua kơ suai kơ tơdrô 'lơ̆ng! 'Bok soi păng 'bok khan lê̆ adrol wing măt yua kơ suai kơ tơdrô 'lơ̆ng, tơdrô pơrăm đĭ đon tơchĕng lu sư, tơdrô pơm kơ lu sư yak năm we-wo 'ma 'ngiĕo oei mơngưt mơngat kơplah lu sư đei tơdrong tơ'bôh. Lu sư glăi lăm tơdrong sek tơlang.

Êsai 29:14

Thoi noh Inh gô pơm tơdrong hlĭch chrơp kơ kon pơlei âu, đơ̆ng tơdrong hlĭch âu truh tơdrong hlĭch nai. Tơdrong hlôh băt lu bơngai hlôh băt ưh pă yua kiơ, tơdrong hơgei lu bơngai hơgei gô hiong tôch.

Êsai 3:12

Kon pơlei pơla Inh, lu đe hơ'lơ̆p gô pơjuă pơđep lu sư. Drŏ-kăn gô pơgơ̆r lu sư. Ơ kon pơlei Inh! Lu bơngai pơgơ̆r chông iĕm jrok trong, pơm kơ iĕm wơ̆l kơ trong.

Êsai 9:16

Yua kơ thoi noh Kră Yang ưh kơ lăp đon kơ lu tơdăm păng ưh pă mơnat ôh kơ lu bơngai adro po, kon mơti mơtuei lu sư, yua kơ lu sư ưh kơ pơyom kơ Kră Yang 'Bok Kei-Dei păng pơm kơnê̆, 'bơ̆r lu sư pơma kơnê̆ kơtul bơlŭk, mă khan thoi noh ră Kră Yang oei hil pơma kơ lu sư, ti Kră Yang oei yơ̆r tơ kơpal wă pơm kơ lu sư 'mơ̆i!

Hôsia 4:12

Kon pơlei Inh apinh yang rup pơm păng 'long, na 'long jra gô tơl lu sư; yua kơ jơhngơ̆m 'maih pơm kư̆ kă jing pơm kơ lu sư achăng lê̆ Kră Yang 'Bok Kei-Dei lu sư 'maih wă pơm pơyô kư̆ kă.

Lêwi 16:34

Minh sơnăm minh wơ̆t athei soi sơmah huai đơ̆ng yoch kon pơlei Isơrael, wă pơm rơgoh tơdrong yoch lu sư, noh gô jing tơdrong juăt lu iĕm ling-lang khŏm khŏm. Arôn pơm rok kiơ̆ thoi Kră Yang khan pơkă bơih kơ Môis.

Lêwi 5:18

Yua kơ tơdrong yoch sư kơdih bơngai noh athei chĕp ba tơ 'bok soi minh pôm kon triu tơno ưh kơ đei jĭ kiơ. Ih jô̆ sư gĭt thoi tơmam soi pơyơ̆r yua kơ đơ̆ng yoch glăi kơ khôi juăt, na 'bok soi gô soi sơmah ăn kơ bơngai mă glăi 'bơm pơm yoch, na tơdrong yoch bơngai noh gô mơnat ăn.

Am 2:14

Lu bơngai kơdâu kuăng ưh kơ gơh kơdâu klĕnh ôh, lu bơngai pran kơtang kư̆m gô pă kĕ mơ̆n păng lu bơngai nuih kư̆m ưh pă gơh pơklaih akâu sư kơdih.

Jo 15:25

'Bok soi gô soi sơmah huai iŏk đơ̆ng tơdrong yoch ăn kơ đĭ-đăng tơpôl kon pơlei Isơrael, lei na tơdrong yoch đĭ tơpôl kon pơlei noh gô mơnat ăn, yua kơ noh tơdrong yoch glăi hơch 'bơm păng kon pơlei đei anhăk ba 'bơ̆t anăp Kră Yang tơmam soi kơdih, wă khan tơmam soi yua ŭnh soh pơyơ̆r, hơdai hăm tơmam soi huai tơdrong yoch.

Êphêsô 4:18

đon lu sư ưh kơ hlôh. Lu sư ataih đơ̆ng tơdrong arih 'Bok Kei-Dei ăn kơ lu iĕm, yua kơ lu sư kơtul jing arăng kơ̆l.

Hêbrơ 10:3

Mă-lei lu sư oei soi ling-lang rim sơnăm. Pơm thoi noh lu sư oei đei tơdrong yoch păng oei 'blŏk kơ tơdrong yoch đêl pơm. Ưh kơ gơh klaih ôh thoi noh,

Hêbrơ 6:19

Tơdrong bơ̆n chang gô noh, thoi lĕ kơ bơ̆n chĕp khêl pĕng akâu bơ̆n, yua kơ bơ̆n gơnang kơ 'Bok Kei-Dei mă oei tơ plĕnh ti.

Hêbrơ 7:27

Lu 'bok soi nai, rim năr lu sư soi kơ 'Bok Kei-Dei. Lu sư soi pơ'lơ̆ng gah tơdrong yoch lu sư kơdih 'mơ̆i, na soi kơ lu kon pơlei pơla. Mă-lei gah Yêsu ưh ôh, Sư soi akâu Sư kơ 'Bok Kei-Dei minh 'măng tơ 'long pơglang tôm boih.

Hêbrơ 9:3

Tơ rŏng, mơ̆t kơ 'măng mă 'bar đei anih lăm. Anih noh đe anăn anih giĕng soi tih.