Hêbrơ 9:6 - Sơ̆p Hlabơar Nơ̆r 'Bok Kei-Dei

⁶ Đe pơm tôm tơdrong lơ̆m hnam noh keh boih, na lu 'bok soi ling-lang juăt kơ mơ̆t kơkuh soi kơ 'Bok Kei-Dei tơ lơ̆m anih giĕng mă mônh noh.

Hêbrơ 9:6 Iomraidhean Croise

Le 27:21

Lăm tơdrong jang tơ 'nguaih kơ che pĕng găn 'bơ̆t anăp hom tah khôi juăt lăm Bơsŭn Anih Akŭm, 'bok Arôn hăm dôm lu kon drŏ-nglo sư gô wei hơmet ŭnh kơđeng, 'bơ̆t anăp Kră Yang wă kơ khơ̆ng ling-lang đơ̆ng măng truh 'năr hơdah, 'noh jing minh tơdrong juăt ling-lang ăn kơ adrĕch adrung Isơrael athei wei răk lăm đĭ-đăng jơhnơr.

Da 8:11

Sư pơm akâu sư rai tih dĭng truh tơ yŏng pơgơ̆r linh; sư iŏk lê̆ tơmam pơyơ̆r đơ̆ng 'bok noh păng anih rơgoh sư tơhuŏng lê̆ tơ teh.

Jo 18:2

Chông ba bĕ lu 'nhŏng oh ih hơdai ih mă adrĕch Lêwi, adrĕch 'bă ih, wă kơ lu sư pơgơ̆p hơdai ih păng tơgŭm ih jang; 'bơ̆t kơplah ih păng lu kon drŏ-nglo dơ̆ng 'bơ̆t anăp Bơsŭn Anih Akŭm Roi Tơbăt.

Jo 28:3

Roi bĕ kơ lu kon pơlei Isơrael thoi âu: 'Nâu tơmam pơyơ̆r soh hăm ŭnh na lu iĕm gô pơyơ̆r kơ Kră Yang: Rim năr 'bar tŏ triu kon iĕ tơno đei minh sơnăm ưh kơ đei jĭ kiơ, jing tơmam pơyơ̆r ling-lang.

Rom 9:4

Lu sư boih đe anăn bơngai Isơrael, lu sư boih 'Bok Kei-Dei jô̆ khan kon Sư; 'Bok Kei-Dei oei hơdai hăm lu sư, pơkă khan wă tơgŭm lu sư. 'Bok Kei-Dei pơkă kơ lu sư tơdrong juăt wă kơ lu sư kiơ̆ păng bơtho lu sư soi sơmah kơkuh kiơ̆ trŏ thoi Sư wă.

Hêbrơ 7:11

Lu 'bok soi kon sâu 'bok Lêwi hăm 'bok Arôn pơgơ̆r gah tơdrong juăt 'Bok Kei-Dei pơkă kơ lu bơngai Isơrael. Tơ̆ng kon bơngai gơnang kơ lu sư, na gơh jing 'lơ̆ng tơpăt hăm 'Bok Kei-Dei, lei kon bơngai ưh pă kăl boih kơ 'bok soi tih adrĕch Mêlkisêdek jur pơgơ̆r. Dôm lu sư jang mah boih.