Hêbrơ 9:5 - Sơ̆p Hlabơar Nơ̆r 'Bok Kei-Dei

⁵ Kơpal hom noh đe man 'bar tŏ rup linh jang 'lơ̆ng, đe anăn bre sư chêrôbin, bre sư bơyar pơnăr tơ kơpal kơ hom noh. Hom noh đe anăn anih 'Bok Kei-Dei pơklaih yoch, 'bar tŏ rup linh jang noh wă pơtih gia kơ 'Bok Kei-Dei oei lơ̆m anih noh. Inh kư̆m wă roi kơ iĕm tôm tơdrong noh, mă inh ưh kơ wăn ôh.

Hêbrơ 9:5 Iomraidhean Croise

II Pot 19:15

Hesekia krao khan 'bơ̆t anăp Kră Yang khan: Ơ Kră Yang 'Bok Kei-Dei lu bơngai Isơrael! Ih oei kơpơ̆ng lu chêrubim. Lăp minh 'nu ih đĕch 'Bok Kei-Dei kơ đĭ-đăng lu dêh char lăm ala teh âu. Ih bơih tơ'ngla mă pơjing plĕnh hăm teh.

I Ho 28:11

Đawit pơjao ăn kơ Sôlômôn kon drŏ-nglo sư, hla bơar rup chhơ̆ tơ'bôh anih trong lăm hnam Kră Yang 'Bok Kei-Dei, hnam tah tơmam, anih tơ kơpal, anih lăm hnam Kră Yang 'Bok Kei-Dei păng anih rơgoh hloh.

Horiso 80:1

Ơ Kră Yang mă wei-lăng Isơrael. Ơ Kră Yang chông anhăk adrĕch Jôsep thoi khŭl triu. Pơgling đon mơ̆ng bĕ. Ơ Kră Yang oei tơ kơpal chêrubim pơchrang bĕ hơdah Ih,

Horiso 99:1

Kră Yang pơgơ̆r; lu kon pơlei athei hli yom bĕ; Sư hơ-oei tơ kơpal chêrubim;a plei teh hli pơpơ̆ bĕ.

Lêwi 16:13

Sư gô dan tơmam 'bâu phu kơpal ŭnh 'bơ̆t anăp Kră Yang wă kơ 'nhui đơ̆ng rơmă gom lê̆ tơnglơ̆p tơdrong mơnat ăn, tơ kơpal hom tơdrong pơgơ̆p. Na sư huay kơ lôch.

Lêwi 16:2

Kră Yang khan kơ Môis thoi âu: Khan bĕ kơ Arôn 'nhŏng ih 'nĕ kơ mơ̆t ling-lang tơ anih 'lơ̆ng rơgoh tơ lăm kơ che đe pĕng 'bơ̆t anăp tơnglơ̆p mơnat ăn 'măn tơ kơpal kơ hom tơdrong pơgơ̆p, kơnh hli kơ sư lôch, yua kơ Inh gô oei lăm hơmơ̆l tơ'bôh tơ anih mơnat ăn.

Jo 7:89

Kơplah Môis mơ̆t tơ lăm Bơsŭn Anih Akŭm wă pơma dơnuh hăm Kră Yang, na sư kơtơ̆ng nơ̆r pơma hăm sư đơ̆ng lăm Tơnglơ̆p Mơnat ăn dan kơpal Hom tơdrong Roi Tơbăt, tŏk-bŏk sơlam kơ 'bar tŏ chêrubim; Kră Yang pơma dơnuh hăm sư.

Rom 9:4

Lu sư boih đe anăn bơngai Isơrael, lu sư boih 'Bok Kei-Dei jô̆ khan kon Sư; 'Bok Kei-Dei oei hơdai hăm lu sư, pơkă khan wă tơgŭm lu sư. 'Bok Kei-Dei pơkă kơ lu sư tơdrong juăt wă kơ lu sư kiơ̆ păng bơtho lu sư soi sơmah kơkuh kiơ̆ trŏ thoi Sư wă.

Êphêsô 3:10

Mă dang ei Sư ăn kơ lu bơngai lui kơ Kon Sư tơbăt ăn kơ lu yŏng pơgơ̆r lu linh jang, tơbăt ăn kơ lu yŏng pơgơ̆r oei tơ kơpal plĕnh wă kơ lu sư băt kơ tơdrong tơchĕng 'Bok Kei-Dei hơgei tơpă wă tơgŭm kon bơngai.

Hêbrơ 4:16

Thoi noh na bĕ bơ̆n năm jê̆ tơ anăp Sư. Huay kơ hli ôh, Sư mơnat kơ bơ̆n tơpă, Sư wă tơgŭm bơ̆n lơ̆m dôm tơdrong bơ̆n kăl yua.

I Pet 1:12

'Bok Kei-Dei tơbăt kơ lu sư dôm tơdrong lu sư wă pơma khan lê̆ hơdrol noh, Sư ưh kơ ăn truh chăl arih lu sư ôh, Sư ăn truh chăl arih lu bơ̆n dang ei. Thoi noh na 'Bok Kei-Dei ăn Yang Bơhngol 'Lơ̆ng Sư jur oei hăm lu 'bok bơtho tơdrong 'nao 'lơ̆ng Yêsu Krist, na lu 'bok bơtho noh roi tơbăt kơ iĕm boih tơdrong Sư wă pơklaih bơ̆n noh. Lu linh jang kơpal plĕnh kư̆m wă kơ hlôh tơdrong 'noh mơ̆n.

I Sam 4:4

Thoi noh, lu sư wơh bơngai năm tơ Silô, tung iŏk Hom Pơgơ̆p Kră Yang Tih Hloh, Tơ'ngla mă oei tơ lăm lu chêrubim. 'Bar 'nu kon drŏ-nglo Hêli, jơ̆ Hopni păng Phinêhas, bre sư kư̆m năm kiơ̆ Hom Pơgơ̆p Kră Yang 'Bok Kei-Dei mơ̆n.