Hêbrơ 9:4 - Sơ̆p Hlabơar Nơ̆r 'Bok Kei-Dei

⁴ Lăm noh đei chơnang soi maih đe tơ̆k ŭnh soh pơgang 'bâu phu. Lăm noh kư̆m đei minh pôm hom tih đe kư̆m hling păng maih mơ̆n. Lơ̆m hom noh đe tah tơmo lat chih tơdrong 'Bok Kei-Dei pơkă kơ kon bơngai, tah kơlăm maih wă mong 'bĕng mana mă huŏng đơ̆ng plĕnh sơ̆, hăm tah 'long jra 'bok Arôn mă chăt pơkao.

Hêbrơ 9:4 Iomraidhean Croise

I Pot 7:50

Dôm lu pơnhan, săng, kăt brai ŭnh kơđeng, kơthao, grang tơmam mă mong tơnuh păng grang mong ngar sư pơm păng maih, dôm lu gơwŏk 'măng, sư pơm kơ lu 'măng lăm anih Rơgoh Hloh, hăm 'măng Hnam akŭm, sư kư̆m pơm hăm maih ngăl.

I Pot 8:21

Tơ anih 'noh inh đei pơm wă 'măn Hom, pơgơ̆p lăm Hom 'noh đei nơ̆r Kră Yang pơkă pơkăm hăm lu 'bok bơ̆n sơ̆, kơplah Sư pơklaih lu sư đơ̆ng dêh char Êyiptơ.”

I Pot 8:9

Lăm Hom Pơgơ̆p 'noh đei 'bar hlak gơ'bang păng tơmo đơ̆ng Môis dan lê̆ đơ̆ng kông Hôrêp; iŏk đơ̆ng năr Kră Yang pơgơ̆p pơkă pơkăm hăm lu bơngai Isơrael kơplah lu sư 'nao lĕch đơ̆ng dêh char Êyiptơ.

II Ho 5:10

Lăm Hom Pơgơ̆p ưh kơ đei kiơ, 'nguaih kơ 'bar tŏ gô 'bang khôi juăt mă Môis đei tah lăm noh tơ Kông Hôrêp, kơplah Kră Yang pơgơ̆p hăm kon pơlei Isơrael, 'bơ̆t lu sư 'nao lĕch đơ̆ng char Êyiptơ.

Le 26:33

Gơwŏk mă dan hom tơdrong pơgơ̆p tơ gah lăm che; pĕng che 'nâu wă klah asong anih rơgoh păng anih tôch rơgoh.

Le 31:18

Lăp Kră Yang khan kơ Môis tơ kơpal kông Sinai, đang bơih sư ăn hloi 'bar tŏ gơ'bang tơdrong pơgơ̆p pơm păng tơmo blat đơ̆ng hơnglâu ti Kră Yang 'Bok Kei-Dei chih.

Le 32:15

Môis jur brŏk đơ̆ng kông chĕp ba 'bar tŏ gơ'bang tơdrong pơgơ̆p, 'bar tŏ gơ'bang pơgơ̆p noh đei chih 'bar pah.

Le 34:29

Kơplah Môis jur đơ̆ng kông Sinai ti sư chĕp ba 'bar hlak gơ'bang tơdrong pơgơ̆p, Môis ưh kơ băt ôh muh măt kơdih sư hơdah yua kơ đơ̆ng sư pơma dơnuh hăm Kră Yang.

Le 37:25

Sư pơm chơnang soh pơgang 'bâu phu hăm 'long keo să iĕ tŏ ăi tor sư minh hơgăt wơ̆l sư minh hơgăt, kơjung sư 'bar hơgăt chơnang ei đei puăn tŏ ake kơtă.h

Le 39:35

hom tơdrong pơgơ̆p păng tơnung tung sư păng Tơnglơ̆p 'Mêm Mơnat;

Le 40:3

Dan hom pơgơ̆p tơ lăm noh păng iŏk che pĕng găn lê̆.

Lêwi 16:12

Sư iŏk bô̆i kep ngar ŭnh ngŭr 'brê kơpal chơnang soi 'bơ̆t anăp Kră Yang păng iŏk 'bar chup tah tơmam 'bâu phu hĕch, na chĕp ba tơ gah lăm kơ che pĕng.

Jo 17:10

Kră Yang khan kơ Môis: Iŏk bĕ 'long jra Arôn na dan 'bơ̆t Hom Roi Tơbăt, wă răk tơ'blŏk pơm tơdra tơ'bôh kơ kon sâu wă iung blah, “ih athei khă chĭt lê̆ nơ̆r lu sư jŏk iung blah pơjah hăm Inh, kơnh hli kơ lu sư lôch.”

Jo 17:5

Bơngai bu mă inh rơih iŏk, 'long jra noh đei bluh pơkao; thoi noh Inh wă chĭt lê̆ 'bơ̆r lu bơngai Isơrael mă đei jŏk pơjah hăm lu iĕm.

Jo 17:8

Truh pơgê Môis mơ̆t tơ lăm Bơsŭn Roi Tơbăt 'bôh 'long jra Arôn adrĕch Lêwi đei bluh pơkao; chơnăt bluh, đei pơkao păng plei đum.

Both 9:11

Tôm puăn-jĭt năr păng puăn-jĭt măng boih, Kră Yang pơjao ăn kơ inh 'bar hlak tơmo lat, 'bar hlak tơmo tơdrong pơgơ̆p.

Both 9:9

Kơplah inh năm tŏk tơ kông iŏk 'bar hlak tơmo lat, 'bar hlak tơmo tơdrong pơgơ̆p mă Kră Yang hlôi pơgơ̆p hăm lu iĕm, inh oei tơ kơpal kông puăn-jĭt năr păng puăn-jĭt măng; ưh kơ sŏng sa kư̆m ưh kơ nhă đak;

Tơdrông Tơ'bôh 11:19

Inh 'bôh hnam 'Bok Kei-Dei tơ plĕnh ti pơih 'măng, na inh 'bôh hom tih đe tah tơmo lat chih tơdrong 'Bok Kei-Dei pơkă kơ kon bơngai sơ̆. Na đei grơ̆m glaih tơdrăng kơmlat kơchêr kơchar, teh adrŏ mơ'nưt mơ'nat păng 'mi pru prĕl tih.

Tơdrông Tơ'bôh 8:3

Đei minh 'nu linh jang nai dơ̆ng, sư dơ̆ng 'bơ̆t anăp chơnang soi, sư chĕp minh pôm kơlăm maih păng đe ăn kơ sư minh achô̆ ŭnh nhang wă soh kơplah đĭ-đăng bơngai lui oei krao khan, wă kơ 'bâu phu. Na sư pơyơ̆r ŭnh nhang noh kơ 'Bok Kei-Dei 'măn 'bơ̆t chơnang soi tơklă tang-dŏ 'Bok Kei-Dei.