Hêbrơ 9:11 - Sơ̆p Hlabơar Nơ̆r 'Bok Kei-Dei

¹¹ Na dang ei Yêsu Krist truh boih, Sư pơm 'bok soi ăn dôm tơdrong hiôk 'lơ̆ng kơ bơ̆n. Sư jang awih awăn tơ lăm hnam 'Bok Kei-Dei rŏ hloh kơ hnam akŭm lu bơngai noh sơ̆. Hnam Sư ei ưh kơ pơm păng ti kon bơngai ôh păng hnam ei ưh kơ trŏ kơ tơ teh âu ôh, hnam ei tơ plĕnh ti.

Hêbrơ 9:11 Iomraidhean Croise

Bl 49:10

'Long jra pơgơ̆r ưh kơ đei layơ tơpleh đơ̆ng ti Juđa. Dôm lu tơdrong pơjing khôi juăt ưh kơ tơklah đơ̆ng 'bar pah jơ̆ng sư. Dĭng yŏng Silôa truh păng lu kon pơlei chu yom kơkuh kơ yŏng noh.

Horiso 40:7

Dang ei inh khan: “Âu inh truh, Lăm sơ̆p hla bơar đei chih boih gah inh.”

Êsai 59:20

“Tơ'ngla dŏng pơklaih gô truh tơ Siôn; năm tơ lu bơngai lăm adrĕch adrung Jakôp, mă achăng hŭt tơdrong yoch.” Kră Yang pơma thoi noh.

Je 33:8

Inh gô sŭt rơgoh tơdrong yoch mă đêl lu sư pơm boih hăm Inh; Inh huay pă jô̆ boih dôm tơdrong yoch kơnê̆ mă lu sư blah Inh,

Malachi 3:1

“'Nâu, Inh đei wơh bơngai pơtruh nơ̆r Inh, sư gô pơih trong adrol kơ Inh; păng Kră Yang mă lu iĕm chơchă Sư gô blư truh mơ̆t tơ lăm hnam akŭm 'Bok Kei-Dei, wă khan linh jang khan nơ̆r Sư pơgơ̆p hăm iĕm mă lu iĕm oei chang gô. 'Nâu, Sư truh!” Kră Yang khan thoi noh.

Mathiơ 11:3

“Ih hăm trŏ kơ 'Bok Krist mă Yôhan khan gô truh, dah nhôn oei gô bơngai nai dơ̆ng?”

Mathiơ 2:6

‘Ơ Pơlei Betlehem lăm dêh Juđê! Pơlei iĕm ưh kơ sĭ iĕ hloh kơ pơlei đe ôh, Yua kơ đơ̆ng pơlei iĕm gô đei minh 'nu 'Bok tih tơpă, Sư wă pơgơ̆r lu bơngai Isơrael.’ ”

Markôs 14:58

“Nhôn kơtơ̆ng Sư khan wă yuih hnam akŭm 'Bok Kei-Dei tơm đêl đe pơm păng ti, na Sư gô pơm ming plơ̆ng dơ̆ng kơtĕch pêng năr keh hloi, mă-lei ưh kơ pơm păng ti.”

Yo 1:14

Yêsu Krist dang nơ̆r 'Bok Kei-Dei, Sư jur jing kon bơngai. Sư oei hơdai păng kon bơngai bơ̆n. Bơngai bơ̆n 'bôh Sư gơh pơm tơdrong mơsêh mơyang; Sư 'noh boih Kon pôm 'Bok Kei-Dei tơpă; Sư 'mêm mơnat kơ bơ̆n, pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Yo 4:25

Duch ei khan kơ Yêsu: “Inh băt kơ 'Bok Mêsi mă đe anăn 'Bok Krist Sư gô truh wă pơgơ̆r kon bơngai, mưh Sư truh boih Sư roi ăn kơ nhôn tôm tơdrong.”

Jang 7:48

“Kră Yang 'Bok Kei-Dei ưh kơ wă oei ôh hnam kon bơngai pơm. 'Noh thoi bơngai pơtruh nơ̆r 'Bok Kei-Dei khan sơ̆:

II Kor 4:18

Tơdrong kiơ mă bơ̆n gơh 'bôh, nhôn ưh kơ tơchĕng ôh; nhôn tơchĕng kơ tơdrong mă bơ̆n ưh kơ gơh 'bôh, yua kơ dôm tơdrong măt bơ̆n gơh 'bôh sư hiong tôch, ưh kơ gơh oei ling-lang ôh. Pôm tơdrong măt bơ̆n ưh kơ gơh 'bôh đĕch, gơh oei ling-lang ưh kơ layơ tôch.

II Kor 5:1

Akâu bơ̆n tơ ala teh âu thoi lĕ kơ hnam oei. Tơ̆ng bơ̆n băt kơ hnam bơ̆n oei noh răm boih, bơ̆n gô đei hnam 'nao tơ plĕnh ti kơjăp hloh, ưh kơ layơ răm dơ̆ng. Hnam noh đơ̆ng tơ'ngla 'Bok Kei-Dei pơm kơ bơ̆n, ưh kơ sĭ đơ̆ng ti kon bơngai pơm ôh.

Kôlôsê 2:11

Yua kơ iĕm pôm đon hăm Sư na iĕm kư̆m dang bơngai kăt tơdra akar mơ̆n. Mă-lei lu iĕm ưh kơ trŏ kăt păng ti tơpă ôh, Yêsu Krist Sư dang kăt ăn kơ iĕm. Sư tŭk lê̆ akâu so bơ̆n mă juăt kơ pơm yoch.

Hêbrơ 10:1

Tơdrong juăt 'Bok Kei-Dei pơkă sơ̆, wă pơtih gia kơ dôm tơdrong hiôk 'lơ̆ng wă truh đơ̆ng rŏng. Mă-lei tơdrong juăt noh sơ̆ ưh kơ lei-lăi thoi tơdrong mă wă truh noh ôh. Thoi noh na lu bơngai mă kiơ̆ tơdrong juăt so noh, lu sư oei gơnang kơ tơdrong soi sơmah ling-lang rim sơnăm oei hơnơ̆ng thoi đêl. Pơm thoi noh lu sư ưh kơ jing bơngai 'lơ̆ng hăm 'Bok Kei-Dei ôh.

Hêbrơ 12:27

Nơ̆r Sư pơkă, pă minh 'măng noh, wă khan, gô truh năr ei kơnh, Sư wă gơgŭ adrŏ plĕnh păng teh mă đêl Sư pơjing wă pơtôch boih, na dôm tơdrong mă ưh kơ gơh adrŏ, tơdrong noh oei ling-lang.

Hêbrơ 13:14

Tơ ala teh âu bơ̆n ưh kơ đei pơlei mă oei dơnơ̆ng ling-lang ôh. Na bơ̆n athei chang gô 'Bok Kei-Dei wă ăn kơ bơ̆n oei tơ pơlei Sư ning-mônh.

Hêbrơ 2:17

Sư pơm tôm tơdrong dang kơ 'nhŏng oh tơpă. Sư jang tơdrong 'Bok Kei-Dei pơklaih yoch kon bơngai thoi 'bok soi tih mơnat kơ kon bơngai, na kon bơngai gơnang kơ Sư tơpă.

Hêbrơ 3:1

Ơ lu 'nhŏng oh, iĕm jing bơngai 'lơ̆ng tơpăt boih păng iĕm đei anăn 'Bok Kei-Dei wă krao tơmơ̆t tơ Pơlei 'Lơ̆ng Sư ning-mônh. Na inh wă kơ iĕm tơchĕng 'biơ̆ gah tơdrong Yêsu mă tơpă, yua kơ 'Bok Kei-Dei pôk Sư pơm jơ̆ng 'bang wă tơbăt ăn kơ bơ̆n tơdrong 'Bok Kei-Dei. Păng 'Bok Kei-Dei kư̆m pôk Sư pơm 'bok soi tơm jang tơdrong 'Bok Kei-Dei gah tơdrong lui bơ̆n.

Hêbrơ 4:15

Sư ưh kơ sĭ 'bok soi mă ưh kơ băt mơnat kơ kon bơngai rơdu tơrăn ôh. Sư mơnat kơ bơ̆n tơpă, yua kơ Sư mơn kơdih hơdai đei tơdrong pơhlŭ thoi kon bơngai bơ̆n. Gah tơdrong pơm yoch, Sư ưh kơ đei pơm yoch kiơ ôh.

Hêbrơ 7:1

'Bok soi Mêlkisêdek sư pơm pơtao Pơlei Salem, sư kư̆m pơm 'bok soi wă soi kơ 'Bok Kei-Dei Kră Yang Tih Hloh. Sư năm sơng iŏk Abraham brŏk đơ̆ng tơblah kơ lu pơtao nai. Na sư krao khan apinh 'Bok Kei-Dei tơgŭm Abraham.

I Yo 5:20

Bơ̆n băt Kon pôm 'Bok Kei-Dei jur tơ bơ̆n boih. Sư roi tơbăt ăn kơ bơ̆n tôm tơdrong 'Bok Kei-Dei Kră Yang tơm tơpă. Bơ̆n pôm đon păng Kră Yang 'Bok Kei-Dei păng pôm đon păng Kon Sư Yêsu Krist mơ̆n. Yêsu Krist Sư kư̆m Kră Yang tơpă mơ̆n na Sư ăn kơ bơ̆n arih ling-lang.

II Yo 1:7

Dang ei đei lơ bơngai năm bơtho jơ̆p-jang chă hơlĕnh kơ đe, lu sư khan Yêsu Krist ưh kơ jing kon bơngai tơpă ôh sơ̆. Bơngai bu bơtho thoi noh, bơngai 'noh sư hơlĕnh đĕch păng sư ayăt kơ Yêsu Krist mơ̆n.