Hêbrơ 9:10 - Sơ̆p Hlabơar Nơ̆r 'Bok Kei-Dei

¹⁰ Lu tơdrong juăt noh sơ̆ khă gah tơdrong sa et tơmam giĕng, tơdrong hum 'nhao. Dôm tơdrong giĕng lu sư pơm giĕng tơ 'ngoaih akâu đĕch. Mă-lei khan wă kơ đe kiơ̆ khŏm khŏm truh tơ 'Bok Kei-Dei tơplih tơdrong so ăn tơdrong 'nao.

Hêbrơ 9:10 Iomraidhean Croise

Le 29:4

Thoi noh, ih athei chông Arôn hăm lu kon drŏ-nglo sư năm 'bơ̆t anăp 'măng Bơsŭn Anih Akŭm, ih iŏk đak tuh hum lu sư,

Le 40:12

Đang kơ noh, ih chông Arôn hăm lu kon drŏ-nglo sư năm jê̆ 'bơ̆t 'măng Bơsŭn Anih Akŭm, na tuh hum lu sư.

Êsêkiên 4:14

Na inh khan: “Ơ! Kră Yang Tih Hloh; inh ưh kơ layơ pơm 'mê̆-'mach kơdih akâu đơ̆ng oei 'lơ̆p mă truh dang ei, inh kư̆m ưh kơ layơ sa tơmam lôch kơmăp dah đơ̆ng sem bri châu; păng ưh kơ đei 'nhĕm 'mê̆-'mach ayơ mă đei tah sa lăm 'bơ̆r inh.”

Lêwi 13:58

Mă-lei hơbĕn ao, brai tơdơ̆ng dah brai tơnanh, dah tơmam kiơ mă hăm akar mă ih đei pih, tơdrong jĭ phơ̆k tơkloh bơih, ih athei pih dơ̆ng wơ̆t mă 'bar đơ̆ng noh sư gô rơgoh.

Lêwi 16:24

Sư gô hum tơ lăm minh anih 'lơ̆ng rơgoh, hrŭk ao sư, lĕch tơ 'nguaih, pơyơ̆r tơmam soi 'buh kơ sư kơdih păng tơmam soi 'buh kơ kon pơlei pơla, soi sơmah kơ sư kơdih păng kon pơlei pơla wă kơ rơgoh.

Lêwi 16:4

Sư gô hrŭk ao tai che hơtăng rơgoh păng hơbĕn che, tơ̆n tơlei tơ̆n che păng yơ̆l môk che tơ kơ̆l sư, noh jơ̆ hơbĕn ao 'lơ̆ng rơgoh mă-lei sư gô hrŭk đang kơ sư hum.

Lêwi 22:6

Bu hơtŭt 'bơm dôm tơmam noh jing kơnê̆ 'mê̆-'mach truh kơmăng, ưh kơ gơh sa tơmam đe 'măn lê̆ rơgoh mă-lei đang kơ hum lăm đak.

Jo 6:3

Na sư athei pơkơ̆m ưh kơ gơh et sik dah huch tơmam kiơ suai; kư̆m ưh kơ huch sik kiơ mă đe pơm hrâu păng plei hơmu, dah sa hơmu oei adrih, dah sa plei hơmu mă kro boih kư̆m ưh kơ gơh.

Markôs 7:4

Rim lu sư wih đơ̆ng kơchơ, dah ưh kơ 'nhao, kư̆m ưh kơ gơh kơ sŏng sa. Păng lu sư kư̆m kiơ̆ lơ tơdrong juăt nai mơ̆n. Lu sư ling-lang 'nhao kơchŏk, 'nhao gŏ teh, 'nhao gŏ kong, kiơ̆ kơ tơdrong juăt lu sư pơkă.

Galati 4:9

Dang ei iĕm chă Kră Yang 'Bok Kei-Dei 'bôh boih; mă tơpă ưh kơ sĭ bơ̆n chă Sư ôh, Sư krao bơ̆n. Thoi noh boih na yua kơ kiơ iĕm wă kiơ̆ dơ̆ng tơdrong juăt kon bơngai? Kiơ̆ kơ tơdrong juăt noh ưh kơ yua kiơ ôh, ưh kơ đei tơgŭm minh tơdrong kiơ wă kơ bơ̆n yua ôh. Na lơliơ iĕm wă jing đĭch tơdrong juăt kon bơngai bơ̆n dơ̆ng?

Êphêsô 2:15

Yua kơ akâu Sư kơdih lôch tang đĭ-đăng kơ bơ̆n, mă bơngai Juđê, mă bơngai nai, na tơdrong juăt sơ̆ mă pơm kơ bơ̆n tơklah băl, dang ei ưh pă kăl kơ tơdrong juăt 'noh dơ̆ng boih; yua kơ tơdrong juăt 'noh sơ̆ pơm kơ bơ̆n tơklah băl jing 'bar khŭl. 'Bar khŭl 'noh sơ̆ dang ei pơm jing minh ưh pă areh băl boih,

Both 21:6

Đĭ kơ lu kră pơlei mă oei jê̆ hloh bơngai lôch noh, athei ôp ti lu sư tơ kơpal rơmo akăn adruh noh, mă 'nao gơ̆ hơko tơ lăm thŭng noh

Both 23:11

Truh 'năr kơsơ̆ bơngai noh athei hum lăm đak mưh 'năr mơ̆t boih gơh mơ̆t lăm kơđông linh dơ̆ng.

Kôlôsê 2:16

Kơlih kơ thoi noh na iĕm 'nĕ kơ chu kiơ̆ tơdrong giĕng kon bơngai, mă lu sư hil, lu sư sek tơlang tơdrong iĕm sa et tôm tơdrong tơmam, dah hil kơ iĕm ưh kơ chu oei kiơ̆ tơdrong giĕng lu sư; lê̆ lu sư hil kư̆m bưh, mă giĕng tơdrong kiơ, bơyan kiơ, khei năr kiơ, lu bơ̆n ưh kơ kăl oei kiơ̆ ôh.

Hêbrơ 10:22

Thoi noh bĕ bơ̆n năm jê̆ 'Bok Kei-Dei. Bơ̆n athei iŏk đon tơpăt, lui kơ Sư sơng iŏk bơ̆n mă tơpă, na jơhngơ̆m bơ̆n huay kơ tơchĕng kơnê̆, yua kơ bơ̆n đei pham Yêsu soi kơ bơ̆n boih. Sư dang tơtreh pham Sư tơ lăm jơhngơ̆m bơ̆n, bơ̆n jing bơngai rơgoh 'lơ̆ng boih; păng pơthim kơ năr bơ̆n iŏk 'batem dang bơ̆n hum đak hlăng 'lơ̆ng tăm.

Hêbrơ 13:9

Iĕm 'nĕ kơ lui kơ tơdrong đe bơtho phara pha, hli kơ iĕm lui chroih tơ nai. Pơtih gia dah đe bơtho khă bơ̆n gah tơdrong sa et tơmam giĕng; tơdrong giĕng noh ưh kơ gơh pơm kơ bơ̆n lui kơjăp ôh. Tơdrong lui kơjăp noh đơ̆ng Yang Bơhngol 'Lơ̆ng gơh pơm kơ bơ̆n.

Hêbrơ 2:5

Mă-lei gah tơdrong pơgơ̆r plĕnh păng teh ning-mônh, Sư ưh kơ ăn kơ lu linh jang pơgơ̆r ôh.

Hêbrơ 6:2

tơdrong iŏk 'batem, tơdrong krao khan pel kơ̆l wă kơ đei Yang Bơhngol 'Lơ̆ng jur oei, tơdrong kon bơngai iung arih đơ̆ng lôch, tơdrong 'Bok Kei-Dei sek tơlang ning-mônh wă phak ling-lang dôm lu bơngai mă kuă kơ lui kơ Sư. Dôm tơdrong noh bơ̆n ưh kơ kăl kơ pơhrăm dơ̆ng boih, yua kơ lu bơ̆n đêl pơhrăm ngăl boih.

Hêbrơ 6:5

sư băt kơ tơdrong 'Bok Kei-Dei 'lơ̆ng tơpă boih, sư 'bôh nhên boih tơdrong mơsêh Yêsu kư̆m lei-lăi thoi Sư wă pơgơ̆r ning-mônh,

Hêbrơ 7:12

Tơ̆ng 'Bok Kei-Dei tơplih pôk 'bok soi 'nao, lei tơdrong juăt Sư pơkă sơ̆ Sư kư̆m athei tơplih.

Hêbrơ 7:16

Tơdrong Sư pơm 'bok soi tih ưh kơ sĭ Sư pơm kiơ̆ kơ adrĕch Sư pơm 'bok soi kiơ̆ thoi tơdrong juăt pơkă sơ̆ ôh. Sư pơm 'bok soi tih yua kơ Sư mơsêh arih ling-lang ưh kơ layơ tôch na Sư pơm.

Hêbrơ 9:1

Tơdrong pơgơ̆p hơdrol sơ̆, đei tơdrong juăt pơkă gah tơdrong kơkuh kơ 'Bok Kei-Dei, đei hnam kơkuh kơ 'Bok Kei-Dei, mă kon bơngai pơm.