Hêbrơ 9:1 - Sơ̆p Hlabơar Nơ̆r 'Bok Kei-Dei

¹ Tơdrong pơgơ̆p hơdrol sơ̆, đei tơdrong juăt pơkă gah tơdrong kơkuh kơ 'Bok Kei-Dei, đei hnam kơkuh kơ 'Bok Kei-Dei, mă kon bơngai pơm.

Hêbrơ 9:1 Iomraidhean Croise

Le 25:8

Lu sư gô pơm ăn kơ Inh minh anih kơkuh rơgoh păng Inh gô oei tŏk-bŏk lu sư.

Êsêkiên 43:11

Tơdah lu sư mơlâu kơ tôm tơdrong lu sư hlôi pơm, tơ'bôh ăn bĕ kơ lu sư rup đe pơdơ̆ng hnam akŭm âu, trong lu 'măng mơ̆t 'măng lĕch, đĭ-đăng lu rup chhơ̆, đĭ-đăng tôm tơdrong juăt Sư, lu rup sư păng đĭ-đăng khôi juăt ăn kơ sư. Athei chih roi tôm tơdrong 'bơ̆t anăp măt lu sư, đĭ-đăng rup păng đĭ-đăng khôi juăt sư wă kơ lu sư wei răk păng pơm kiơ̆.

Lêwi 18:30

Thoi noh na lu iĕm athei wei răk bĕ tơdrong Inh tơtă, 'nĕ kơ pơm ôh minh lăm tơdrong juăt kơnê̆ mă Inh areh âu, mă lu oei adrol kơ iĕm lu sư pơm boih păng lu iĕm 'nĕ yua tơdrong kơnê̆ noh na pơm kơ iĕm jing kơnê̆ 'mê̆-'mach, Inh boih Kră Yang 'Bok Kei-Dei lu iĕm.

Lêwi 22:9

Yua kơ noh na sư athei bơwei nơ̆r Inh pơkă, kơnh hli kơ lu sư pŭ tơdrong yoch păng lôch hloi yua kơ đei pơm dôm tơdrong Inh tơtă jing kơnê̆ 'mê̆-'mach, Inh boih Kră Yang pơm kơ sư jing rơgoh 'lơ̆ng.

Jo 9:12

sa pơđĭ ưh kơ đei 'măn kiơ tŏ sĕt truh tơ năr dơning păng kư̆m ưh kơ gơ̆ minh pôm kơting mơ̆n; athei wei răk kiơ̆ kơ tơdrong juăt giĕng Năm Brih noh.

Luka 1:6

Bre sư pơm 'lơ̆ng tơpăt kơ 'Bok Kei-Dei păng rok kiơ̆ dôm tơdrong juăt 'Bok Kei-Dei pơkă.

Rom 9:4

Lu sư boih đe anăn bơngai Isơrael, lu sư boih 'Bok Kei-Dei jô̆ khan kon Sư; 'Bok Kei-Dei oei hơdai hăm lu sư, pơkă khan wă tơgŭm lu sư. 'Bok Kei-Dei pơkă kơ lu sư tơdrong juăt wă kơ lu sư kiơ̆ păng bơtho lu sư soi sơmah kơkuh kiơ̆ trŏ thoi Sư wă.

Kôlôsê 2:8

Iĕm athei kơchăng hli kơ bơngai hơlĕnh pơhlŭ iĕm. Sư khan sư bơtho tơdrong trŏ, tơdrong đe gĭt; mă tơpă ưh ôh, sư bơtho tơdrong kư̆ kă đĕch, tơdrong ưh kơ đei, tơdrong kiơ̆ kơ đon kon bơngai tơchĕng. Lu sư bơtho tơdrong yang tơ ala teh, ưh kơ 'bơm tơdrong Yêsu Krist ôh.

Hêbrơ 8:13

'Bok Kei-Dei pơma dơ̆ng gah tơdrong pơgơ̆p 'nao, Sư jô̆ kơ tơdrong pơgơ̆p hơdrol sơ̆ thoi lĕ kơ so boih. Tơdrong kiơ so, tơdrong noh wă jê̆ hiong tôch boih.

Hêbrơ 8:2

Sư jang tơ lăm hnam 'Bok Kei-Dei tơ plĕnh ti, tơ lăm anih mă 'Bok Kei-Dei oei hloi. Hnam noh 'Bok Kei-Dei pơjing 'lơ̆ng tơpă, 'lơ̆ng hloh kơ hnam 'Bok Kei-Dei mă kon bơngai pơm tơ teh âu.

Hêbrơ 8:7

Tơ̆ng tơdrong pơgơ̆p so pơyua kon bơngai tơpă, lei ưh kơ kăl kơ pơjing tơdrong pơgơ̆p 'nao ôh.

Hêbrơ 9:24

Thoi noh na dang ei Yêsu Krist tŏk tơ plĕnh ti mơ̆t tơ hnam 'Bok Kei-Dei tơ plĕnh ti boih. Sư ưh kơ mơ̆t tơ hnam 'Bok Kei-Dei mă kon bơngai pơm tơ teh âu ôh, hnam 'Bok Kei-Dei mă kon bơngai pơm tơ teh âu noh, wă pơtih gia kơ hnam 'Bok Kei-Dei tơ plĕnh ti. Dang ei Yêsu Krist tŏk oei tơ noh tơpă boih, Sư oei 'bơ̆t anăp 'Bok Kei-Dei tang đĭ-đăng rim 'nu bơngai.