Hêbrơ 8:6 - Sơ̆p Hlabơar Nơ̆r 'Bok Kei-Dei

⁶ Mă-lei 'Bok Kei-Dei ăn kơ Yêsu đei tơdrong jang tih hloh kơ tơdrong jang lu 'bok soi noh. Rai pơthim dơ̆ng kơ Sư pơm 'long sơlam pơgơ̆p kon bơngai kơ 'Bok Kei-Dei. Tơdrong pơgơ̆p noh 'lơ̆ng hloh kơ tơdrong pơgơ̆p so, yua kơ Sư pơkă wă tơgŭm bơ̆n dang ei 'lơ̆ng hloh.

Hêbrơ 8:6 Iomraidhean Croise

Je 50:5

Lu sư jet chă trong năm tơ pơlei Siôn, Lu sư tơwih anăp tơklă tơ pơlei noh: ‘Bĕ bơ̆n yak, truh tơ noh wă pơkă hăm Kră Yang. Hăm tơdrong pơgơ̆p ling-lang ưh kơ đei layơ hiơt.’ ”

Luka 22:20

Kư̆m thoi noh mơ̆n, đơ̆ng rŏng kơ sŏng sa Sư iŏk minh pôm kơchŏk đak hơmu păng khan: “Kơchŏk đak hơmu âu boih pham Inh wă lĕch tang ăn kơ lu iĕm. Thoi noh na 'Bok Kei-Dei gô pơklaih iĕm đơ̆ng tơdrong yoch.

Rom 9:4

Lu sư boih đe anăn bơngai Isơrael, lu sư boih 'Bok Kei-Dei jô̆ khan kon Sư; 'Bok Kei-Dei oei hơdai hăm lu sư, pơkă khan wă tơgŭm lu sư. 'Bok Kei-Dei pơkă kơ lu sư tơdrong juăt wă kơ lu sư kiơ̆ păng bơtho lu sư soi sơmah kơkuh kiơ̆ trŏ thoi Sư wă.

Êphêsô 2:12

Sơ̆ iĕm ưh tam mă đei 'Bok Krist, iĕm ưh tam mă jing kon 'Bok Kei-Dei thoi lu bơngai Juđê. Dôm tơdrong 'Bok Kei-Dei pơkă wă tơgŭm lu bơngai Juđê, iĕm kư̆m ưh kơ đei. Iĕm ưh kơ đei bu wă tơgŭm. Iĕm ưh kơ băt kơ 'Bok Kei-Dei Sư thoi yơ.

I Tim 2:5

Đei minh 'nu Kră Yang 'Bok Kei-Dei păng đei minh 'nu pơm 'long sơlam đĕch anhăk kon bơngai ala teh wă kơ bơngai ala teh hiôk hăm 'Bok Kei-Dei. Bơngai mă pơm 'long sơlam ei anăn Sư Yêsu Krist.

Hêbrơ 12:24

Bơ̆n gô năm truh tơ Yêsu tơ'ngla mă pơm 'long sơlam kơ bơ̆n kiơ̆ kơ tơdrong pơgơ̆p 'nao. Pham Sư pơklaih bơ̆n đơ̆ng tơdrong yoch. Pham Sư noh 'lơ̆ng hloh kơ pham Abel sơ̆ yua kơ pham Abel tơ'bôh kơ đe gah tơdrong pơm tơwih kơ 'nhŏng sư pơlôch sư đĕch.

Hêbrơ 7:22

Thoi noh na bơ̆n băt kơ Yêsu pơgơ̆p bơ̆n kơ 'Bok Kei-Dei dang ei hiôk hloh kơ lu 'bok soi noh pơgơ̆p sơ̆.

II Pet 1:4

Yua kơ Sư Yang, Sư mơsêh, Sư 'lơ̆ng tơpăt, Sư pơkă wă tơgŭm bơ̆n tih tơpă. Na Sư pơklaih bơ̆n đơ̆ng dôm tơdrong kơnê̆ 'mê̆-'mach tơ ala teh âu, tơdrong mă kon bơngai 'maih pơm, wă kơ bơ̆n jing kon Sư kư̆m 'lơ̆ng tơpăt thoi Sư.