Hêbrơ 8:2 - Sơ̆p Hlabơar Nơ̆r 'Bok Kei-Dei

² Sư jang tơ lăm hnam 'Bok Kei-Dei tơ plĕnh ti, tơ lăm anih mă 'Bok Kei-Dei oei hloi. Hnam noh 'Bok Kei-Dei pơjing 'lơ̆ng tơpă, 'lơ̆ng hloh kơ hnam 'Bok Kei-Dei mă kon bơngai pơm tơ teh âu.

Hêbrơ 8:2 Iomraidhean Croise

Le 25:9

Athei pơm Bơsŭn Anih Akŭm hăm tơmam yua lei-lăi thoi Inh gô tơ'bôh ăn kơ ih.

Le 28:1

Lăm lu bơngai Isơrael ih athei rơih iŏk Arôn, 'nhŏng ih hăm lu kon drŏ-nglo sư, Nađap, Abihu, Êlêasar; păng Ithamar; pơjao ăn tơdrong jang pơm 'bok soi bơ̆jang kơ Inh.

Le 28:35

Arôn pơm 'bok soi tơm, gô hrŭk ao 'noh păng kơplah sư mơ̆t lăm anih rơgoh 'bơ̆t anăp Kră Yang păng kơplah sư lĕch đơ̆ng anih noh na đe gô kơtơ̆ng krĕng-nĕng re păng băt noh Arôn huay kơ lôch.

Le 33:7

Kơplah noh Môis chĕp ba bơsŭn năm pơdơ̆ng tơ 'nguaih ataih 'biơ̆ đơ̆ng anih kon pơlei oei, sư anăn bơsŭn 'noh “Bơsŭn Krao Apinh.” Dah bơngai bu 'maih wă krao apinh chă Kră Yang sư năm tơ bơsŭn noh tơ 'nguaih kơ anih kon pơlei oei.

Luka 24:44

Na Yêsu khan kơ lu sư: “Hơtai Inh oei hơdai păng iĕm ki Inh kư̆m roi kơ iĕm tơdrong Inh wă lôch iung arih dơ̆ng. Dôm tơdrong đe chih lăm sơ̆p hla bơar Môis, sơ̆p hla bơar lu bơngai pơtruh nơ̆r 'Bok Kei-Dei păng sơ̆p hla bơar Tơdrong Hơri Sơ̆ mă khan lê̆ hơdrol gah tơdrong Inh, dôm tơdrong noh bơ̆n gô 'bôh tơpă.”

Rom 15:8

Yêsu Krist iŏk tơdrong pơmat-tat wă tơgŭm lu bơngai Juđê, wă kơ lu bơngai Juđê băt tơdrong 'Bok Kei-Dei pơma tơpăt pơkă kơ lu yă 'bok sư sơ̆ khan wă tơgŭm lu bơngai Juđê.

II Kor 5:1

Akâu bơ̆n tơ ala teh âu thoi lĕ kơ hnam oei. Tơ̆ng bơ̆n băt kơ hnam bơ̆n oei noh răm boih, bơ̆n gô đei hnam 'nao tơ plĕnh ti kơjăp hloh, ưh kơ layơ răm dơ̆ng. Hnam noh đơ̆ng tơ'ngla 'Bok Kei-Dei pơm kơ bơ̆n, ưh kơ sĭ đơ̆ng ti kon bơngai pơm ôh.

Kôlôsê 2:11

Yua kơ iĕm pôm đon hăm Sư na iĕm kư̆m dang bơngai kăt tơdra akar mơ̆n. Mă-lei lu iĕm ưh kơ trŏ kăt păng ti tơpă ôh, Yêsu Krist Sư dang kăt ăn kơ iĕm. Sư tŭk lê̆ akâu so bơ̆n mă juăt kơ pơm yoch.

Hêbrơ 10:11

Đĭ kơ lu 'bok soi oei jang hơnơ̆ng rim năr soi kơ 'Bok Kei-Dei, mă-lei tơdrong soi noh ưh kơ gơh pơklaih tơdrong yoch ôh.

Hêbrơ 10:21

Sư pơm 'bok soi tih tơgŭm kon pơlei pơla 'Bok Kei-Dei.

Hêbrơ 11:10

Ưh kơ sĭ sư chang gô 'Bok Kei-Dei ăn kơ sư teh đak âu đĕch ôh, sư kư̆m chang gô 'Bok Kei-Dei wă ăn kơ sư oei tơ Pơlei 'Lơ̆ng 'Bok Kei-Dei tơ plĕnh ti. Pơlei noh pơlei dơnơ̆ng ling-lang ưh kơ tôch.

Hêbrơ 9:1

Tơdrong pơgơ̆p hơdrol sơ̆, đei tơdrong juăt pơkă gah tơdrong kơkuh kơ 'Bok Kei-Dei, đei hnam kơkuh kơ 'Bok Kei-Dei, mă kon bơngai pơm.

Tơdrông Tơ'bôh 21:3

Păng inh kư̆m kơtơ̆ng 'bơ̆r đe pơma re đơ̆ng tang-dŏ 'Bok Kei-Dei khan thoi âu: “'Nâu boih đe khan 'Bok Kei-Dei oei hơdai hăm kon bơngai. Sư oei tŏk-bŏk hăm kon bơngai, na kon bơngai jing kon Sư păng Sư jing Kră Yang kon bơngai.