Hêbrơ 7:8 - Sơ̆p Hlabơar Nơ̆r 'Bok Kei-Dei

⁸ Lu 'bok soi kon sâu 'bok Lêwi, mă khan sư gơh iŏk sa tơmam kon pơlei pơyơ̆r minh lơ̆m mơjĭt, mă-lei lu kon sâu sư noh sơ̆ lôch đĭ boih. Mă gah Mêlkisêdek, lăm sơ̆p hla bơar 'Bok Kei-Dei khan sư oei arih ưh kơ lôch ôh.

Hêbrơ 7:8 Iomraidhean Croise

Yo 14:19

Pă 'biơ̆ dơ̆ng lu bơngai tơ ala teh âu ưh pă 'bôh Inh boih. Pôm lu iĕm đĕch 'bôh Inh. Inh gô oei hơdai hăm 'Bă Inh arih ling-lang, lu iĕm gô arih ling-lang thoi noh mơ̆n.

Yo 14:6

Yêsu khan: “Inh boih trong iĕm năm tŏk tơ 'Bă Inh, hăm Inh boih tơhlôh ăn kơ iĕm tôm tơdrong Sư păng Inh gơh ăn kơ kon bơngai arih. Bơngai bu ưh kơ năm trong Inh, bơngai 'noh ưh kơ truh tơ 'Bă Inh ôh.

Hêbrơ 3:16

Kơplah noh sơ̆ đei lơ bơngai kơtơ̆ng nơ̆r 'Bok Kei-Dei boih, mă-lei lu sư ưh kơ chu. Lu bơngai noh boih Môis anhăk đơ̆ng dêh Êyiptơ.

Hêbrơ 5:6

Tơ anih nai Sư kư̆m đei khan thoi âu: “Ih pơm 'bok soi ling-lang ưh kơ tôch, kiơ̆ kơ Ih adrĕch pơm tih thoi Mêlkisêdek.”

Hêbrơ 6:20

Yêsu tŏk tơ noh hơdrol kơ bơ̆n, Sư oei 'bơ̆t anăp 'Bok Kei-Dei, thoi 'bok soi tih juăt kơ mơ̆t tơ lăm hnam akŭm anih giĕng soi tih mă 'Bok Kei-Dei oei. Sư tŏk tơ noh wă hơmet trong kơ bơ̆n, wă kơ bơ̆n gơh tŏk kiơ̆ Sư, yua kơ Sư pơm 'bok soi tih ling-lang kiơ̆ kơ Sư adrĕch tih Mêlkisêdek sơ̆.

Hêbrơ 7:23

Lu 'bok soi noh sơ̆ lu sư lơ, mă lơ yua kơ nŏng kơ pơtăl băl kơlih kơ lôch.

Hêbrơ 7:7

Thoi noh na ưh kơ đei bu pơma kiơ kơ Mêlkisêdek gah tơdrong sư krao khan kơ Abraham, yua kơ sư tih hloh kơ Abraham tơpă.

Hêbrơ 7:9

Lêwi ưh kơ đei ăn kơ Mêlkisêdek tơmam minh lơ̆m mơjĭt ôh, Abraham đĕch ăn. Mă-lei kư̆m dang sư ăn mơ̆n,

Hêbrơ 9:27

Kon bơngai bơ̆n lôch minh 'măng đĕch, klaih kơ noh năm tơ tơdrong sek tơlang.

Tơdrông Tơ'bôh 1:18

Inh arih ling-lang, Inh boih 'Bok mă lôch minh 'măng sơ̆, dang ei ưh pă layơ wă lôch dơ̆ng. Inh đei khuă gơh pơih 'măng lu bơngai lôch ăn kơ sư iung arih dơ̆ng.