Hêbrơ 7:3 - Sơ̆p Hlabơar Nơ̆r 'Bok Kei-Dei

³ Mêlkisêdek bơ̆n ưh kơ 'bôh đe chih roi lăm hla bơar 'Bok Kei-Dei khan sư đei mĕ 'bă, đei adrĕch adrung, dah đei đe tơpŭ kơ sư, dah roi tơdrong sư lôch ôh. Sư thoi lĕ kơ Yêsu Kon 'Bok Kei-Dei, yua kơ sư pơm 'bok soi pơgơ̆r ling-lang.

Hêbrơ 7:3 Iomraidhean Croise

Le 6:18

Lu kon drŏ-nglo Kôhat. Amram, Ishar, Hêbrôn păng Usiêl. Kôhat arih sot đei minh-hrĕng pêng-jĭt pêng sơnăm.

Jo 1:18

Truh năr mônh khei 'bar krao akŭm đĭ-đăng kon pơlei, chih anăn lu sư kơdih iŏk đơ̆ng 'bar-jĭt sơnăm tơ kơpal na chih tơmơ̆t lăm sơ̆p hla bơar kiơ̆ kơ adrĕch adrung kơtum kơtŏng lu sư.

Mathiơ 4:3

Na yang Satan năm tơ Sư păng khan: “Dah Ih Kon 'Bok Kei-Dei tơpă, Ih kuă kơ kiơ sơkat kơ tơmo âu jing 'bĕng?”

Hêbrơ 4:14

Bơ̆n đei minh 'nu 'bok soi tih wei-lăng bơ̆n, Sư tŏk ưh kơ băt hơdôm tăl plĕnh, anăn Sư Yêsu Kon 'Bok Kei-Dei; noh na bơ̆n athei lui kơ Sư khŏm khŏm.

Hêbrơ 7:1

'Bok soi Mêlkisêdek sư pơm pơtao Pơlei Salem, sư kư̆m pơm 'bok soi wă soi kơ 'Bok Kei-Dei Kră Yang Tih Hloh. Sư năm sơng iŏk Abraham brŏk đơ̆ng tơblah kơ lu pơtao nai. Na sư krao khan apinh 'Bok Kei-Dei tơgŭm Abraham.

Hêbrơ 7:17

Tơdrong noh kiơ̆ kơ 'Bok Kei-Dei khan sơ̆ thoi âu: “Ih pơm 'bok soi ling-lang ưh kơ tôch kiơ̆ kơ Ih adrĕch pơm tih thoi Mêlkisêdek.”

Hêbrơ 7:2

Abraham iŏk dôm tơmam sư minh lơ̆m mơjĭt asong kơ Mêlkisêdek. Anăn Mêlkisêdek wă khan 'bok pơtao 'lơ̆ng tơpăt. Pơtao đe Salem, Salem wă khan hiôk-hian, sư 'bok pơtao pơgơ̆r tơdrong hiôk-hian.

Hêbrơ 7:6

Mă Mêlkisêdek sư ưh kơ trŏ kơ kon sâu 'bok Lêwi ôh, mă-lei sư kư̆m gơh iŏk tơmam minh lơ̆m mơjĭt đơ̆ng Abraham. Na sư krao khan apinh 'Bok Kei-Dei tơgŭm Abraham bơngai mă 'Bok Kei-Dei pơkă wă tơgŭm.