Hêbrơ 7:2 - Sơ̆p Hlabơar Nơ̆r 'Bok Kei-Dei

² Abraham iŏk dôm tơmam sư minh lơ̆m mơjĭt asong kơ Mêlkisêdek. Anăn Mêlkisêdek wă khan 'bok pơtao 'lơ̆ng tơpăt. Pơtao đe Salem, Salem wă khan hiôk-hian, sư 'bok pơtao pơgơ̆r tơdrong hiôk-hian.

Hêbrơ 7:2 Iomraidhean Croise

Bl 28:22

Tơmo mă đêl inh pơdơ̆ng 'nâu jing jrăng hnam Kră Yang 'Bok Kei-Dei păng inh gô pơyơ̆r kơ Ih minh lăm mơjĭt đơ̆ng dôm mŭk tơmam mă inh đei đơ̆ng Ih ăn.

II Sam 23:3

Kră Yang 'Bok Kei-Dei kon pơlei Isơrael bơtho tơ'bôh. Tơmo tih kon pơlei Isơrael pơma hăm inh: “Bơngai ayơ pơgơ̆r kon bơngai mă 'lơ̆ng tơpăt, bơngai ayơ pơgơ̆r hăm jơhngơ̆m hli yom kơ Kră Yang 'Bok Kei-Dei.

II Sam 8:15

Đawit pơm pơtao pơgơ̆r kơ đĭ-đăng dêh char Isơrael, pơgơ̆r kon pơlei sư hăm tơdrong juăt trŏ tơpăt.

I Ho 22:9

Ih gô đei minh 'nu kon drŏ-nglo; sư gô jing minh 'nu bơngai drŏ-nglo hiôk rơnŭk, inh gô ăn kơ sư rơnŭk rơnua păng ăn pơdơh đơ̆ng đĭ-đăng ayăt tăp dăr kơ sư. Krao anăn sư Sôlômôn, Inh gô ăn tơdrong hiôk rơnŭk kơ lu bơngai Isơrael lăm chăl sư pơgơ̆r.

Horiso 72:7

Lăm kơplah pơtao oei pơgơ̆r ăn kơ bơngai tơpăt hiôk jơnap. Ăn tơdrong rơnŭk rơnua dĭng măt khei pă đei.

Lêwi 27:32

Đĭ-đăng minh lăm mơjĭt đơ̆ng rơmo, dah triu, iŏk 'long jra na jô̆ rơmo dah triu ayơ mă yak năm ala 'long jra truh tơ mơjĭt noh tơmam 'lơ̆ng rơgoh, iŏk 'măn pơyơ̆r kơ Kră Yang.

Mi 5:5

Lu sư gô yua đao blah pơrăm dêh Asiri păng lu 'măng jang Nimrôt; păng Sư gô dŏng pơklaih bơ̆n đơ̆ng lu bơngai Asiri, tơdah lu sư mơ̆t lăm teh đak bơ̆n păng teh pơjuă lăm anih noh.

Jo 18:21

Bĕ gah lu kon sâu Lêwi, Inh ăn kơ lu sư yua iŏk đơ̆ng tơmam lu adrĕch Isơrael pơyơ̆r minh lăm mơjĭt apah lu sư jang lăm Bơsŭn Anih Akŭm.

Mathiơ 1:23

“Đei minh 'nu adruh gô anăp wă tơpŭ kon drŏ-nglo, Đe anăn kon Sư noh Êmanuel,” Êmanuel wă khan: 'Bok Kei-Dei oei hơdai hăm bơ̆n.

Luka 2:14

“Ư-ang kơ 'Bok Kei-Dei mă oei tơ plĕnh ti. Sư wă ăn hiôk-hian kơ lu bơngai mă Sư lăp đon tơ ala teh âu.”

Hêbrơ 7:1

'Bok soi Mêlkisêdek sư pơm pơtao Pơlei Salem, sư kư̆m pơm 'bok soi wă soi kơ 'Bok Kei-Dei Kră Yang Tih Hloh. Sư năm sơng iŏk Abraham brŏk đơ̆ng tơblah kơ lu pơtao nai. Na sư krao khan apinh 'Bok Kei-Dei tơgŭm Abraham.

Hêbrơ 7:3

Mêlkisêdek bơ̆n ưh kơ 'bôh đe chih roi lăm hla bơar 'Bok Kei-Dei khan sư đei mĕ 'bă, đei adrĕch adrung, dah đei đe tơpŭ kơ sư, dah roi tơdrong sư lôch ôh. Sư thoi lĕ kơ Yêsu Kon 'Bok Kei-Dei, yua kơ sư pơm 'bok soi pơgơ̆r ling-lang.

I Sam 8:15

Sư gô iŏk thuê̆ minh lăm mơjĭt đơ̆ng chŭn mir iĕm păng pơgar hơmu lu iĕm na asong ăn kơ lu pơm 'bok kuan păng đĭch đam sư.

I Sam 8:17

Sư gô iŏk thuê̆ minh lăm mơjĭt gah bơbe triu lu iĕm păng lu iĕm gô pơm đĭch đam kơ sư.