Hêbrơ 7:16 - Sơ̆p Hlabơar Nơ̆r 'Bok Kei-Dei

¹⁶ Tơdrong Sư pơm 'bok soi tih ưh kơ sĭ Sư pơm kiơ̆ kơ adrĕch Sư pơm 'bok soi kiơ̆ thoi tơdrong juăt pơkă sơ̆ ôh. Sư pơm 'bok soi tih yua kơ Sư mơsêh arih ling-lang ưh kơ layơ tôch na Sư pơm.

Hêbrơ 7:16 Iomraidhean Croise

Rom 7:14

Bơ̆n băt mơ̆n tơdrong juăt 'Bok Kei-Dei pơkă trŏ tơpă; na kiơ̆ thoi inh bơngai tơrăn ưh kơ kĕ kiơ̆ tơdrong juăt noh, na jing đĭch kơ tơdrong yoch inh tơpă.

Galati 4:3

Bơ̆n kư̆m thoi noh mơ̆n sơ̆. Lu bơ̆n thoi lĕ kơ bơngai đĭch đe, chu kiơ̆ tôm tơdrong juăt kon bơngai tơpă.

Galati 4:9

Dang ei iĕm chă Kră Yang 'Bok Kei-Dei 'bôh boih; mă tơpă ưh kơ sĭ bơ̆n chă Sư ôh, Sư krao bơ̆n. Thoi noh boih na yua kơ kiơ iĕm wă kiơ̆ dơ̆ng tơdrong juăt kon bơngai? Kiơ̆ kơ tơdrong juăt noh ưh kơ yua kiơ ôh, ưh kơ đei tơgŭm minh tơdrong kiơ wă kơ bơ̆n yua ôh. Na lơliơ iĕm wă jing đĭch tơdrong juăt kon bơngai bơ̆n dơ̆ng?

Kôlôsê 2:14

Sơ̆ dang bơ̆n đei hla bơar 'Bok Kei-Dei chih ată kơ bơ̆n pơm tơdrong yoch trŏ kơ Sư phak, mă-lei dang ei huay boih, Sư sut đĭ dôm tơdrong yoch Sư chih 'noh hăm pơ̆ng hla bơar 'noh tơ 'long pơglang.

Kôlôsê 2:20

Lu iĕm dang lôch hơdai hăm Yêsu Krist boih, thoi noh iĕm rơngei boih đơ̆ng yang nai pơgơ̆r, mă-lei lơliơ iĕm oei kiơ̆ thoi bơngai tơ ala teh?

Hêbrơ 10:1

Tơdrong juăt 'Bok Kei-Dei pơkă sơ̆, wă pơtih gia kơ dôm tơdrong hiôk 'lơ̆ng wă truh đơ̆ng rŏng. Mă-lei tơdrong juăt noh sơ̆ ưh kơ lei-lăi thoi tơdrong mă wă truh noh ôh. Thoi noh na lu bơngai mă kiơ̆ tơdrong juăt so noh, lu sư oei gơnang kơ tơdrong soi sơmah ling-lang rim sơnăm oei hơnơ̆ng thoi đêl. Pơm thoi noh lu sư ưh kơ jing bơngai 'lơ̆ng hăm 'Bok Kei-Dei ôh.

Hêbrơ 7:15

Dang ei bơ̆n băt nhên boih bơ̆n đei minh 'nu 'bok soi 'nao, Yêsu Krist, Sư adrĕch pơm tih thoi Mêlkisêdek.

Hêbrơ 7:17

Tơdrong noh kiơ̆ kơ 'Bok Kei-Dei khan sơ̆ thoi âu: “Ih pơm 'bok soi ling-lang ưh kơ tôch kiơ̆ kơ Ih adrĕch pơm tih thoi Mêlkisêdek.”

Hêbrơ 7:21

Tơdrong noh lăm sơ̆p hla bơar 'Bok Kei-Dei đei khan thoi âu: “Inh Kră Yang, Inh pao anăn Inh kơdih pơkă kơjăp tơpă, Inh ưh kơ gơh lê̆ ôh tơdrong pơkă noh.” Tơdrong pơkă noh Sư khan kơ Kon Sư thoi âu: “Ih pơm 'bok soi ling-lang ưh kơ tôch.” Mă kơplah Sư ăn lu bơngai noh pơm 'bok soi sơ̆ 'Bok Kei-Dei ưh kơ đei pao anăn Sư kơdih pơkă kơjăp thoi noh ôh.

Hêbrơ 7:28

Tơdrong juăt sơ̆ 'Bok Kei-Dei pôk kon bơngai pơm 'bok soi tih, pôk tă kơ lu kon bơngai bơ̆n rơdu tơrăn ngăl. Mă-lei đơ̆ng rŏng kơ 'Bok Kei-Dei ăn tơdrong juăt noh, 'Bok Kei-Dei pơkă kơjăp tơpă pôk Kon Sư kơdih pơm 'bok soi hloi, Kon Sư pơm tôm tơdrong 'blep trŏ ling-lang.

Hêbrơ 7:3

Mêlkisêdek bơ̆n ưh kơ 'bôh đe chih roi lăm hla bơar 'Bok Kei-Dei khan sư đei mĕ 'bă, đei adrĕch adrung, dah đei đe tơpŭ kơ sư, dah roi tơdrong sư lôch ôh. Sư thoi lĕ kơ Yêsu Kon 'Bok Kei-Dei, yua kơ sư pơm 'bok soi pơgơ̆r ling-lang.

Hêbrơ 9:14

Tơ̆ng thoi ei, lei pham Yêsu Krist kăl hloh kơ dôm lu pham sem noh, yua kơ Sư rơgoh ling-lang ưh kơ đei yoch kiơ ôh. Pơthim kơ Sư Yang arih ling-lang tăm. Sư soi kơ 'Bok Kei-Dei hăm pham Sư kơdih, na pham Sư sut lê̆ đĭ dôm tơdrong yoch bơ̆n, pơm kơ jơhngơ̆m đon bơ̆n jing 'lơ̆ng tơpăt hăm 'Bok Kei-Dei wă kơ bơ̆n gơh jang kơ 'Bok Kei-Dei mă arih ling-lang.

Tơdrông Tơ'bôh 1:18

Inh arih ling-lang, Inh boih 'Bok mă lôch minh 'măng sơ̆, dang ei ưh pă layơ wă lôch dơ̆ng. Inh đei khuă gơh pơih 'măng lu bơngai lôch ăn kơ sư iung arih dơ̆ng.