Hêbrơ 7:11 - Sơ̆p Hlabơar Nơ̆r 'Bok Kei-Dei

¹¹ Lu 'bok soi kon sâu 'bok Lêwi hăm 'bok Arôn pơgơ̆r gah tơdrong juăt 'Bok Kei-Dei pơkă kơ lu bơngai Isơrael. Tơ̆ng kon bơngai gơnang kơ lu sư, na gơh jing 'lơ̆ng tơpăt hăm 'Bok Kei-Dei, lei kon bơngai ưh pă kăl boih kơ 'bok soi tih adrĕch Mêlkisêdek jur pơgơ̆r. Dôm lu sư jang mah boih.

Hêbrơ 7:11 Iomraidhean Croise

Galati 2:21

Dah 'Bok Kei-Dei jô̆ bơ̆n bơngai 'lơ̆ng tơpăt hăm Sư yua kơ bơ̆n lui kiơ̆ tơdrong juăt Môis đĕch, lei Yêsu Krist lôch tang bơ̆n tơ 'long pơglang noh ưh kơ yua kiơ ôh kơ bơ̆n. Gah inh, inh băt tơpă 'Bok Kei-Dei jô̆ inh bơngai 'lơ̆ng tơpăt hăm Sư yua kơ Kon Sư lôch tang yua kơ tơdrong yoch inh.

Galati 4:3

Bơ̆n kư̆m thoi noh mơ̆n sơ̆. Lu bơ̆n thoi lĕ kơ bơngai đĭch đe, chu kiơ̆ tôm tơdrong juăt kon bơngai tơpă.

Galati 4:9

Dang ei iĕm chă Kră Yang 'Bok Kei-Dei 'bôh boih; mă tơpă ưh kơ sĭ bơ̆n chă Sư ôh, Sư krao bơ̆n. Thoi noh boih na yua kơ kiơ iĕm wă kiơ̆ dơ̆ng tơdrong juăt kon bơngai? Kiơ̆ kơ tơdrong juăt noh ưh kơ yua kiơ ôh, ưh kơ đei tơgŭm minh tơdrong kiơ wă kơ bơ̆n yua ôh. Na lơliơ iĕm wă jing đĭch tơdrong juăt kon bơngai bơ̆n dơ̆ng?

Hêbrơ 5:10

yua kơ 'Bok Kei-Dei pôk Sư pơm 'bok soi tih kiơ̆ kơ Sư adrĕch tih Mêlkisêdek.

Hêbrơ 5:6

Tơ anih nai Sư kư̆m đei khan thoi âu: “Ih pơm 'bok soi ling-lang ưh kơ tôch, kiơ̆ kơ Ih adrĕch pơm tih thoi Mêlkisêdek.”

Hêbrơ 6:20

Yêsu tŏk tơ noh hơdrol kơ bơ̆n, Sư oei 'bơ̆t anăp 'Bok Kei-Dei, thoi 'bok soi tih juăt kơ mơ̆t tơ lăm hnam akŭm anih giĕng soi tih mă 'Bok Kei-Dei oei. Sư tŏk tơ noh wă hơmet trong kơ bơ̆n, wă kơ bơ̆n gơh tŏk kiơ̆ Sư, yua kơ Sư pơm 'bok soi tih ling-lang kiơ̆ kơ Sư adrĕch tih Mêlkisêdek sơ̆.

Hêbrơ 7:10

yua kơ kơplah Mêlkisêdek năm sơng iŏk Abraham brŏk đơ̆ng tơblah, Lêwi dang lĕ kơ kon pơjing Abraham yua kơ sư kon sâu Abraham.

Hêbrơ 7:12

Tơ̆ng 'Bok Kei-Dei tơplih pôk 'bok soi 'nao, lei tơdrong juăt Sư pơkă sơ̆ Sư kư̆m athei tơplih.

Hêbrơ 7:13

Yŏng bơ̆n Yêsu Krist mă 'Bok Kei-Dei pôk pơm 'bok soi dang ei, Sư ưh kơ sĭ adrĕch adrung 'bok Lêwi ôh.

Hêbrơ 7:15

Dang ei bơ̆n băt nhên boih bơ̆n đei minh 'nu 'bok soi 'nao, Yêsu Krist, Sư adrĕch pơm tih thoi Mêlkisêdek.

Hêbrơ 7:21

Tơdrong noh lăm sơ̆p hla bơar 'Bok Kei-Dei đei khan thoi âu: “Inh Kră Yang, Inh pao anăn Inh kơdih pơkă kơjăp tơpă, Inh ưh kơ gơh lê̆ ôh tơdrong pơkă noh.” Tơdrong pơkă noh Sư khan kơ Kon Sư thoi âu: “Ih pơm 'bok soi ling-lang ưh kơ tôch.” Mă kơplah Sư ăn lu bơngai noh pơm 'bok soi sơ̆ 'Bok Kei-Dei ưh kơ đei pao anăn Sư kơdih pơkă kơjăp thoi noh ôh.

Hêbrơ 8:7

Tơ̆ng tơdrong pơgơ̆p so pơyua kon bơngai tơpă, lei ưh kơ kăl kơ pơjing tơdrong pơgơ̆p 'nao ôh.

Hêbrơ 9:6

Đe pơm tôm tơdrong lơ̆m hnam noh keh boih, na lu 'bok soi ling-lang juăt kơ mơ̆t kơkuh soi kơ 'Bok Kei-Dei tơ lơ̆m anih giĕng mă mônh noh.