Hêbrơ 5:2 - Sơ̆p Hlabơar Nơ̆r 'Bok Kei-Dei

² Lu sư băt mơnat kơ lu bơngai mă kơhlôh kơwao, lu bơngai yoch, yua kơ lu sư kư̆m hơdai tơrăn lei-lăi thoi lu bôl buăl.

Hêbrơ 5:2 Iomraidhean Croise

Le 32:8

lu sư đĭ hăt kơ tơklah boih đơ̆ng trong Inh đei tơtă ăn kơ lu sư. Lu sư man pơm rup kon rơmo kơdih lu sư bơih, lu sư kơkuh păng pơyơ̆r tơmam soi kơ rup noh, klaih kơ noh lu sư khan; Ơ bơngai Isơrael, 'nâu yang ih, tơ'ngla mă đei chông tơlĕch ih đơ̆ng char Êyiptơ!

Êsai 29:24

Lu bơngai đei đon tơchĕng wơ̆l glăi gô jing gơh hlôh, păng lu bơngai juăt kơ tơtok sư gô pơhrăm iŏk tơdrong đe bơtho.”

Êsai 30:11

Weh bĕ trong nai, tơklah bĕ đơ̆ng trong noh lê̆ pă roi gah Tơ'ngla 'Lơ̆ng Rơgoh đe Isơrael, weh bĕ đơ̆ng muh măt lu nhôn.”

Luka 22:32

Mă-lei Inh krao khan kơ 'Bok Kei-Dei wă kơ Sư tơgŭm ih huay kơ tŭk lê̆ tơdrong lui ih. Na lăp ih kơnăl tơdrong ih wă sơngah kơ Inh noh kơnh, na ih athei pơlung lu 'nhŏng oh ih âu wă kơ lu sư kư̆m lui kơjăp dơ̆ng.”

II Kor 11:30

'Bơ̆r inh dang pơang akâu kơdih mă inh pơang akâu inh bơngai tơrăn đe pơmat.

II Kor 12:5

Inh wă pơang bơngai noh mơ̆n, mă inh ưh kơ pơ̆n pơang dêh, inh wă pơang akâu inh kơtul tơrăn đĕch trŏ.

Galati 4:13

Iĕm oei 'blŏk mơ̆n rŏ lăng tơm hmơm sơ̆ inh năm chă bơtho đe tơdrong 'nao 'lơ̆ng 'blep kơ inh jĭ jăn na inh drong tơ pơlei iĕm, bơtho ăn kơ iĕm tơdrong 'nao 'lơ̆ng Yêsu Krist.

Êphêsô 4:18

đon lu sư ưh kơ hlôh. Lu sư ataih đơ̆ng tơdrong arih 'Bok Kei-Dei ăn kơ lu iĕm, yua kơ lu sư kơtul jing arăng kơ̆l.

I Tim 1:13

Mă inh pơma kơnê̆ kơ Sư sơ̆, inh pơjăm Sư păng pơm kơnê̆ kơ lu bơngai lui kơ Sư, mă-lei Sư rơih iŏk inh mơ̆n. 'Bok Kei-Dei mơnat kơ inh sơ̆ kơlih kơ inh tam mă lui kơ Kră Yang Yêsu, na inh ưh kơ tơtĭnh dôm tơdrong 'noh kơnê̆.

Hêbrơ 12:13

Iĕm athei pơm trong iĕm yak mă tơpăt, wă kơ lu bơngai jĭ cho jo jăn yak huay kơ tơpling jơ̆ng, wă kơ lu sư jah klaih.

Hêbrơ 2:17

Sư pơm tôm tơdrong dang kơ 'nhŏng oh tơpă. Sư jang tơdrong 'Bok Kei-Dei pơklaih yoch kon bơngai thoi 'bok soi tih mơnat kơ kon bơngai, na kon bơngai gơnang kơ Sư tơpă.

Hêbrơ 2:18

Yêsu đei tơdrong pơmat, tơdrong pơhlŭ, na Sư mơnat kơ lu bơ̆n dang ei kơplah mă bơ̆n đei tơdrong pơhlŭ.

Hêbrơ 4:15

Sư ưh kơ sĭ 'bok soi mă ưh kơ băt mơnat kơ kon bơngai rơdu tơrăn ôh. Sư mơnat kơ bơ̆n tơpă, yua kơ Sư mơn kơdih hơdai đei tơdrong pơhlŭ thoi kon bơngai bơ̆n. Gah tơdrong pơm yoch, Sư ưh kơ đei pơm yoch kiơ ôh.

Hêbrơ 7:28

Tơdrong juăt sơ̆ 'Bok Kei-Dei pôk kon bơngai pơm 'bok soi tih, pôk tă kơ lu kon bơngai bơ̆n rơdu tơrăn ngăl. Mă-lei đơ̆ng rŏng kơ 'Bok Kei-Dei ăn tơdrong juăt noh, 'Bok Kei-Dei pơkă kơjăp tơpă pôk Kon Sư kơdih pơm 'bok soi hloi, Kon Sư pơm tôm tơdrong 'blep trŏ ling-lang.

Hêbrơ 9:7

Gah lăm mă 'bar lăp minh 'nu 'bok soi tih đĕch gơh mơ̆t kơkuh kơ 'Bok Kei-Dei lơ̆m noh. Mă-lei minh sơnăm minh 'măng đĕch, mă mơ̆t athei yua hăm pham sem dơrong 'mơ̆i na gơh mơ̆t, iŏk pham sem noh soi kơ 'Bok Kei-Dei, wă kơ 'Bok Kei-Dei huay kơ jô̆ yo kơ tơdrong yoch sư kơdih hăm tơdrong yoch lu bôl buăl sư bơngai Isơrael.

Ya 5:19

Ơ 'nhŏng oh, dah đei bu lăm lu iĕm jrok trong hiong tơdrong sư lui kơ 'Bok Kei-Dei, na đei bơngai nai pơlung sư wih lui dơ̆ng kơ 'Bok Kei-Dei,

I Pet 2:25

Sơ̆ bơ̆n thoi triu jrok trong hiong tơ bri brah, mă-lei dang ei bơ̆n băt kơ trong brŏk tơ Yêsu Krist tơ'ngla wei bơ̆n.

Lu 2:17

Mă-lei lu sư kư̆m ưh kơ wă mơ̆ng lu 'bok sek tơlang lu sư kiơ̆ kơkuh kơ yang nai. Lu sư ưh kơ rok kiơ̆ trong mă đêl yă 'bok lu sư yak, ưh kơ rok kiơ̆ păng ưh kơ wei răk tơdrong juăt Kră Yang.