Hêbrơ 4:6 - Sơ̆p Hlabơar Nơ̆r 'Bok Kei-Dei

⁶ Lu bơngai noh sơ̆ kơtơ̆ng boih đe bơtho tơdrong 'nao 'lơ̆ng, mă lu sư ưh kơ chu kuă kơ lui, noh na lu sư ưh kơ gơh mơ̆t pơdơh hăm Sư. Lu sư kuă lê̆, 'Bok Kei-Dei ăn kơ bơngai nai mơ̆t.

Hêbrơ 4:6 Iomraidhean Croise

Êsai 65:15

Lu bơngai mă Inh rơih iŏk gô yua anăn iĕm wă hiap pơtê̆ kơ đe. Kră Yang gô pơlôch iĕm; Mă-lei Kră Yang gô iŏk anăn plơ̆ng krao tơplih ăn kơ lu đĭch đam Sư.

Jo 14:12

Inh gô ăn kơ kon pơlei âu jĭ lôch hơbuh, Inh gô pơrăm lê̆ dôm tơmam mă lu sư đei, na Inh gô pơjing minh adrĕch lĕch dơ̆ng ih kơdrâ̆m păng pran kơtang hloh kơ lu sư.

Jo 14:31

Mă-lei Inh gô ăn lu kon hơ'lơ̆p iĕm gô mơ̆t oei tơ lăm char noh mă lu iĕm đei khan: Lu sư jing tơmam đe tơtông tơgar iŏk; đơ̆ng noh lu sư gô oei lăm char mă lu iĕm pơjăm.

Mathiơ 21:43

Tơdrong noh gô trŏ kơ lu iĕm na Inh khan kơ iĕm: Iĕm pơm kuă kơ Inh thoi noh, na 'Bok Kei-Dei ưh kơ wă pơm pơtao iĕm ôh. Sư pơm pơtao lu bơngai nai đĕch, lu bơngai nai gô pơm kiơ̆ kơ Sư.

Jang 28:28

Pôl roi dơ̆ng thoi âu: “Na inh wă kơ iĕm băt kơ 'Bok Kei-Dei wă pơklaih lu bơngai tơmoi mă ưh kơ khŭl bơ̆n đơ̆ng tơdrong yoch mơ̆n. Lu sư gô lui kơ nơ̆r inh bơtho gah tơdrong Yêsu.”

I Kor 7:29

Ơ 'nhŏng oh, inh wă pơma kơ iĕm mă nhên gah tơdrong âu: Năr ei wă jê̆ truh boih na đơ̆ng âu tơ anăp lu bơngai đĭ đei kon akăn athei kiơ̆ tơdrong arih lu bơngai ưh kơ đei kon akăn 'biơ̆, wă kơ gơh adrin jang tơdrong 'Bok Kei-Dei.

Galati 3:8

'Bok Kei-Dei băt hơdrol đơ̆ng sơ̆ boih gah tơdrong lu bơngai mă lui kơ Sư, mă bơngai Juđê, mă bơngai khŭl nai, Sư jô̆ 'lơ̆ng tơpăt ngăl. Kơlih kơ thoi noh na Sư roi tơdrong 'nao 'lơ̆ng noh hơdrol kơ Abraham sơ̆ thoi âu: “Ơ Abraham, yua kơ ih, na Inh wă tơgŭm tôm kơ khŭl bơngai oei tơ ala teh.”

Hêbrơ 4:11

Kơlih kơ thoi noh na bơ̆n athei adrin lui mă tơpă wă kơ gơh mơ̆t pơdơh tơ 'Bok Kei-Dei păng wă kơ bơ̆n huay kơ đei bu hiong kơ tơdrong 'noh thoi lu bơngai arăng kơ̆l kuă kơ lui sơ̆.

Hêbrơ 4:2

Yua kơ bơ̆n kơtơ̆ng boih đe bơtho tơdrong 'nao 'lơ̆ng, thoi lu bơngai noh kơtơ̆ng sơ̆, mă ưh kơ yua kiơ kơ lu bơngai noh, kơlih kơ lu sư ưh kơ wă lui.

Hêbrơ 4:9

'Noh na ahrei Sư wă ăn kơ lu kon Sư mơ̆t pơdơh tơ Sư ling-lang, kư̆m thoi Sư pơdơh kơ tơdrong jang Sư năr tơpơh 'noh sơ̆.