Hêbrơ 4:2 - Sơ̆p Hlabơar Nơ̆r 'Bok Kei-Dei

² Yua kơ bơ̆n kơtơ̆ng boih đe bơtho tơdrong 'nao 'lơ̆ng, thoi lu bơngai noh kơtơ̆ng sơ̆, mă ưh kơ yua kiơ kơ lu bơngai noh, kơlih kơ lu sư ưh kơ wă lui.

Hêbrơ 4:2 Iomraidhean Croise

Jang 13:46

Mă-lei bre Pôl păng 'Barna'ba pơma tơwih kơ lu sư kư̆m nuih tơpă mơ̆n. Bre sư khan thoi âu: “Nhi bơtho tơdrong 'Bok Kei-Dei kơ lu iĕm bơngai Juđê hơdrol 'mơ̆i ră mă trŏ. Mă-lei iĕm ưh kơ wă mơ̆ng tơdrong 'Bok Kei-Dei. Iĕm ưh kơ chu thoi noh iĕm ưh kơ đei arih păng Sư ling-lang ôh ning-mônh, lei nhi lê̆ kơ bơtho iĕm đĕch. Nhi bơtho pôm lu bơngai nai.

Jang 3:26

'Bok Kei-Dei wơh Kon Sư năm tơ bơ̆n đe khŭl Isơrael hơdrol 'mơ̆i wă pơklaih đĭ-đăng kơ bơ̆n đơ̆ng tơdrong yoch ăn kơ bơ̆n hiôk ling-lang.”

Rom 2:25

Lu iĕm bơngai Juđê kăt tơdra akar khan kăl tơpă wă tơbăt kơ đe iĕm kiơ̆ tơdrong juăt 'Bok Kei-Dei pơkă truh um. Trŏ mơ̆n dah iĕm kiơ̆ tơdrong juăt 'Bok Kei-Dei pơkă truh um, lei tơdrong iĕm kăt tơdra akar noh kư̆m kăl mơ̆n. Mă-lei iĕm ưh kơ kiơ̆ tơdrong 'Bok Kei-Dei tơpă ôh, thoi noh tơdrong iĕm kăt tơdra akar dang ưh kơ yua ôh.

Rom 3:3

Inh kư̆m băt mơ̆n lu sư mơ'nah ưh kơ wă lui kơ tơdrong 'Bok Kei-Dei ăn kơ lu sư noh; mă lu sư ưh kơ lui, bơ̆n 'nĕ tơchĕng khan 'Bok Kei-Dei wă tŭk dôm tơdrong Sư pơkă wă tơgŭm noh, ưh ôh.

I Kor 13:3

Dah inh wă kơ 'Bok Kei-Dei lăp đon kơ inh na inh asong đĭ-đăng mŭk tơmam inh kơ lu bơngai dơnuh hin, klaih kơ noh inh pơm soh pơyơ̆r akâu inh kơ 'Bok Kei-Dei, mă-lei inh ưh kơ băt 'mêm kơ bôl buăl inh, tơdrong inh pơm noh ưh kơ đei yua kiơ kơ inh ôh.

Galati 3:2

Inh đei tơdrong kăl wă jet iĕm: 'Bok Kei-Dei ăn kơ iĕm Yang Bơhngol 'Lơ̆ng Sư sơ̆, yua kơ iĕm kiơ̆ tơdrong juăt Môis hă? Dah yua kơ iĕm lui kơ Yêsu Krist?

Galati 3:8

'Bok Kei-Dei băt hơdrol đơ̆ng sơ̆ boih gah tơdrong lu bơngai mă lui kơ Sư, mă bơngai Juđê, mă bơngai khŭl nai, Sư jô̆ 'lơ̆ng tơpăt ngăl. Kơlih kơ thoi noh na Sư roi tơdrong 'nao 'lơ̆ng noh hơdrol kơ Abraham sơ̆ thoi âu: “Ơ Abraham, yua kơ ih, na Inh wă tơgŭm tôm kơ khŭl bơngai oei tơ ala teh.”

Galati 4:13

Iĕm oei 'blŏk mơ̆n rŏ lăng tơm hmơm sơ̆ inh năm chă bơtho đe tơdrong 'nao 'lơ̆ng 'blep kơ inh jĭ jăn na inh drong tơ pơlei iĕm, bơtho ăn kơ iĕm tơdrong 'nao 'lơ̆ng Yêsu Krist.

Both 1:32

Mă-lei lu iĕm oei ưh kơ lui kơ Kră Yang 'Bok Kei-Dei lu iĕm 'mơ̆i.

I Tes 1:5

Nhôn bơtho kơ iĕm tơdrong 'nao 'lơ̆ng ưh kơ sĭ păng 'bơ̆r nhôn pơma đĕch ôh, yua kơ mơsêh mơyang đơ̆ng Yang Bơhngol 'Lơ̆ng tơgŭm nhôn păng tơgŭm iĕm na iĕm băt nhôn bơtho tơdrong 'Bok Kei-Dei tơpă. Iĕm kư̆m băt nhôn bơngai thoi yơ pơm tơdrong kiơ hơtai nhôn oei hăm iĕm ki. Hăm trŏ nhôn adrin tơgŭm iĕm ling-lang tơpă dah ưh?

I Tes 2:13

Nhôn bơnê kơ 'Bok Kei-Dei yua kơ iĕm mơ̆ng nhôn bơtho tơdrong Sư na iĕm kơnăl kơ tơdrong 'Bok Kei-Dei tơpă, iĕm lui hloi. Iĕm ưh kơ đei tơchĕng khan nhôn bơtho tơdrong kon bơngai đĕch ôh. Nơ̆r 'Bok Kei-Dei boih ăn kơ bơngai bơ̆n lui kơ Sư, hăm ăn jơhngơ̆m bơ̆n pran kơtang jang kơ Sư.

I Tim 4:8

Bơ̆n pơhrăm pơtơ̆p wă kơ jơhngơ̆m pran kư̆m kăl yua ră mơ̆n, mă-lei ưh kơ dang tơdrong 'Bok Kei-Dei. Bơ̆n pơhrăm tơdrong 'Bok Kei-Dei kăl yua tơpă kơ bơ̆n. Bơ̆n pơhrăm tơdrong Sư bơ̆n arih hiôk dang ei păng gô arih hiôk ling-lang ning-mônh.

Hêbrơ 11:6

Bơngai bu ưh kơ đei đon lui, bơngai noh 'Bok Kei-Dei ưh kơ lăp đon ôh. Bơngai bu wă năm tơ 'Bok Kei-Dei, sư athei lui kơ đei 'Bok Kei-Dei tơpă na 'Bok Kei-Dei lăp đon păng athei lui kơ Sư wă tơgŭm dôm lu bơngai mă krao chă Sư.

Hêbrơ 3:12

Ơ 'nhŏng oh, iĕm athei kơchăng hli kơ iĕm đei jơhngơ̆m kơnê̆ jing kuă kơ lui, achăng lê̆ 'Bok Kei-Dei Kră Yang mă arih ling-lang.

Hêbrơ 4:6

Lu bơngai noh sơ̆ kơtơ̆ng boih đe bơtho tơdrong 'nao 'lơ̆ng, mă lu sư ưh kơ chu kuă kơ lui, noh na lu sư ưh kơ gơh mơ̆t pơdơh hăm Sư. Lu sư kuă lê̆, 'Bok Kei-Dei ăn kơ bơngai nai mơ̆t.

Ya 1:21

Thoi noh na bơ̆n athei lê̆ đĭ dôm tơdrong kơnê̆ 'mê̆-'mach păng chu yom kơ 'Bok Kei-Dei. Bơ̆n athei lui kơ nơ̆r Sư na bơ̆n gơh klaih đơ̆ng tơdrong yoch.

I Pet 1:12

'Bok Kei-Dei tơbăt kơ lu sư dôm tơdrong lu sư wă pơma khan lê̆ hơdrol noh, Sư ưh kơ ăn truh chăl arih lu sư ôh, Sư ăn truh chăl arih lu bơ̆n dang ei. Thoi noh na 'Bok Kei-Dei ăn Yang Bơhngol 'Lơ̆ng Sư jur oei hăm lu 'bok bơtho tơdrong 'nao 'lơ̆ng Yêsu Krist, na lu 'bok bơtho noh roi tơbăt kơ iĕm boih tơdrong Sư wă pơklaih bơ̆n noh. Lu linh jang kơpal plĕnh kư̆m wă kơ hlôh tơdrong 'noh mơ̆n.